Премиерот Христијан Мицкоски денеска во Тиват оствари средба со германскиот канцелар Фридрих Мерц во рамките на Самитот ЕУ – Западен Балкан.
На средбата, двајцата соговорници разменија мислења за европските перспективи на регионот, актуелните предизвици со кои се соочуваат земјите од Западен Балкан и значењето на продлабочувањето на регионалната соработка и европската интеграција.
Мицкоски истакна дека ваквите средби претставуваат важна можност за зајакнување на партнерствата и градење посилни врски со европските држави, кои се од клучно значење за иднината на регионот.
Средбата се одржа во рамките на Самитот ЕУ – Западен Балкан, на кој лидерите разговараат за европската перспектива на регионот, реформските процеси и можностите за унапредување на соработката со Европската Унија.
