МНР ги осуди нападите на Хутите врз аеродромите во Саудиска Арабија

Министерството за надворешни работи и надворешна трговија на Македонија остро ги осуди нападите на Хутите врз меѓународниот аеродром „Крал Калид“ во Ријад и аеродромот во Абха, Саудиска Арабија.

— реклама —

Во реакцијата објавена на социјалната мрежа „Икс“, Министерството посочува дека во инцидентите имало цивилни жртви, а дополнителна загриженост предизвикала штетата од остатоците од ракетите врз градинка и медицински комплекс.

— реклама —

— реклама —

„Нападите врз цивили и инфраструктурата претставуваат сериозно кршење на меѓународните норми и меѓународното хуманитарно право“, се наведува во реакцијата.

Од Министерството изразија целосна солидарност со Саудиска Арабија и нејзиниот народ, упатувајќи најдлабоко сочувство до семејствата на загинатите и поддршка за сите погодени од инцидентот.