Министерството за надворешни работи и надворешна трговија потврди дека претставник на македонската делегација присуствувал на обраќањето на израелскиот премиер Бенјамин Нетанјаху пред Генералното собрание на Обединетите нации.
Од МНР го потврдиле тоа во одговор на прашање поврзано со наводите дека македонската делегација не присуствувала на говорот.
Претходно, израелски официјални лица објавија список на 77 држави чии места биле празни во салата кога Нетанјаху започнал со своето обраќање. На снимките од настанот се гледа и дека десетици дипломати и делегати ја напуштиле салата пред почетокот на говорот.
Од македонското Министерство, сепак, потврдуваат дека претставник на македонската делегација бил присутен во салата за време на обраќањето на израелскиот премиер.
