Момче од Македонија пронајдено мртво во езеро во Австрија

Дваесет и тригодишен жител на тетовското село Сараќино е пронајден мртов во езерото Факер во Австрија, откако неколку дена се водел како исчезнат.

— реклама —

Според австриските медиуми, младиот човек, кој живеел во местото Фаак ам Зе и бил сопственик на кафе-бар, последен пат бил виден во понеделник попладне во Дроболах. Неговото семејство истиот ден пријавило исчезнување во полицијата.

— реклама —

Во четвртокот вечерта била организирана обемна потрага по исчезнатиот, откако на брегот на езерото биле пронајдени негови лични предмети. Во акцијата учествувале полицијата, пожарникарите, спасувачките служби на вода, нуркачките тимови и полициски хеликоптер.

— реклама —

По околу 40 минути пребарување, нуркачите го пронашле телото на 23-годишникот на дното на езерото. Потрагата била прекината околу 20 часот.

— реклама —

Бидејќи причината за смртта засега не е позната, надлежните органи наредиле обдукција, а истрагата за случајот е во тек.