МОН по повод Меѓународниот ден на младите: Партнерскиот однос со младите е клуч за иднината на државата

По повод Меѓународниот ден на младите – 12 Август, Министерството за образование и наука порача дека младите остануваат во центарот на образовните политики, со цел да им се овозможат подобри услови за образование, личен развој и професионална реализација во земјава.

— реклама —

Од МОН посочуваат дека младите се важен двигател на општествениот развој, поради што се работи на унапредување на ученичкиот и студентскиот стандард, образовната инфраструктура, дигитализацијата, наставните програми и учебниците.

— реклама —

Особено внимание, како што наведуваат, се посветува на талентираните ученици и студенти, преку нови мерки за поддршка на младите кои ја претставуваат државата на меѓународни натпревари.

Од Министерството истакнуваат и дека ученичките и студентските организации се вклучени во креирањето на образовните политики, а нивните предлози и барања се преточуваат во конкретни мерки.

— реклама —

„Најдобрите политики се создаваат во заедништво со младите“, велат од МОН, нагласувајќи дека партнерскиот пристап ќе продолжи и во иднина.

Од Министерството упатија честитка по повод 12 Август – Меѓународниот ден на младите.