Москва: За 24 часа кон регионот биле лансирани повеќе од 200 украински дронови

Градоначалникот на Москва, Сергеј Собјанин, соопшти дека во изминатите 24 часа кон Московската област биле лансирани повеќе од 200 беспилотни летала.

— реклама —

Според неговите тврдења, најголемиот дел од дроновите биле неутрализирани од руската противвоздушна одбрана на подалечните приоди кон главниот град, додека 62 беспилотни летала биле соборени додека се приближувале кон Москва.

— реклама —

— реклама —

„Во текот на изминатите 24 часа повеќе од 200 дронови летаа кон Московската област. Поголемиот дел беа неутрализирани од силите за противвоздушна одбрана на подалечните приоди, а 62 непријателски беспилотни летала беа уништени додека се приближуваа кон Москва“, напиша Собјанин на социјалната мрежа „Макс“.

— реклама —

Тврдењата на руските власти засега не се независно потврдени, а украинската страна не се огласи по повод соопштението.