Русија трипати нападна објект на „Нафтогас“ во централна Украина

Руските сили извршиле три напади врз објект на украинската државна нафтена и гасна компанија „Нафтогас“ во централниот дел на Украина, при што биле оштетени постројките и избувнал голем пожар.

— реклама —

Информацијата ја соопшти вршителот на должноста претседател на Управниот одбор на компанијата, Сергиј Федоренко, кој потврди дека вработените навреме биле евакуирани и дека нема повредени.

— реклама —

— реклама —

Тој им се заблагодари на спасувачите од Државната служба за вонредни ситуации и на вработените во „Нафтогас“ за брзата реакција. Во тек е процена на материјалната штета предизвикана од нападите.

— реклама —

Нападот следува по претходните руски ракетни удари врз енергетската инфраструктура и мост во околината на Киев. Градоначалникот на украинската престолнина, Виталиј Кличко, предупреди дека состојбата со снабдувањето со енергија е исклучително тешка, што се одразува и врз функционирањето на системите за греење и водоснабдување.