(Видео) Украина испратила 28 копнени роботи во напад врз руски позиции кај Лиман

Украинските сили наводно извеле напад со 28 копнени роботски системи врз руски позиции во околината на Лиман, тврди рускиот прорежимски телеграм-канал „Военный Осведомитель“, кој објави и видеоснимка од настанот.

— реклама —

Според тврдењата на каналот, 18 роботи носеле по два противтенковски фрлача AT-4, два биле опремени со автоматски фрлачи на гранати Mk 19, а осум биле наменети за самоубиствени напади. Каналот наведува дека руските сили го одбиле нападот со удари од FPV-дронови и дронови што исфрлале муниција.

— реклама —

Снимката била објавена на 5 ноември, додека во дел од извештаите нападот се датира на 28 октомври. Украинската страна засега официјално не го потврдила конкретниот напад.

— реклама —

Украинскиот Трет армиски корпус претходно известуваше за употреба на копнени роботски системи за време на операцијата „Вивалди“ на лиманскиот правец.

— реклама —