Москва за најавите од Иран: Не се согласуваме, очекуваме објаснување

Москва не би сакала Иран да се повлече од Договорот за неширење на нуклеарното оружје (НПТ), изјави портпаролот на рускиот претседател, Дмитриј Песков, додавајќи дека Кремљ очекува дополнително објаснување од Техеран.

— реклама —

„Кремљ ги слушна изјавите од Техеран во врска со плановите на Иран да се повлече од Договорот за неширење на нуклеарното оружје. Се надеваме дека Иран ќе остане важна и одговорна страна на овој договор“, изјави Песков, пренесува РИА Новости.

— реклама —

Неговата изјава следува откако заменик-претседателот на иранскиот парламент, Али Никзад, соопшти дека иранскиот парламент разгледува можност за повлекување од НПТ.

— реклама —

И портпаролот на иранскиот парламент изјави дека повлекувањето од договорот е „многу реален и лесно остварлив чекор“.

Песков, сепак, посочи дека, според информациите од руските партнери во Иран, Техеран нема планови ниту активности за развој на нуклеарно оружје и дека е посветен на своите обврски во однос на неширењето на нуклеарното оружје.