Министерот за надворешни работи и надворешна трговија Тимчо Муцунски денеска се обрати пред собраниската Комисија за надворешни работи, при што истакна дека надворешната политика треба да се води како јасна државна линија, заснована на консензус, а не како дел од дневнополитички пресметки, соопштија од Министерството.
Тој нагласи дека во периодот 2024–2026 година е направена значајна трансформација во функционирањето на дипломатијата, која од реактивен пристап преминала кон координиран и резултатски ориентиран систем. Според него, проширувањето на надлежностите во областа на надворешната трговија дополнително ја зајакнува улогата на Министерството во меѓународниот настап на државата, стои во соопштението.
Во соопштението стои дека посебен акцент во обраќањето беше ставен на економската дипломатија, која, како што истакна Муцунски, треба да придонесе за поголем број инвестиции, отворање нови пазари и економска стабилност.
Во однос на европската интеграција, министерот ја повтори определбата за членство во Европската Унија, нагласувајќи дека процесот мора да се базира на јасни критериуми, предвидливост и пристап заснован на заслуги, стои во соопштението.
Тој додаде дека државата останува целосно усогласена со заедничката надворешна и безбедносна политика на Европската Унија, а членството во НАТО, како што рече, останува клучен елемент на безбедносната политика, стои во соопштението.
Муцунски се осврна и на стратешките партнерства со повеќе земји, при што посочи дека тие придонесуваат за развој во областите на инвестициите, енергетиката и безбедноста, стои во соопштението од Министерството.
Во завршницата, тој ја сумираше надворешната политика преку три принципи: достоинство, резултати и визија, нагласувајќи дека државниот интерес треба да биде водечки во сите меѓународни активности, стои во соопштението.
