Муцунски со европски дипломати: Фокус на реформи, безбедност и интеграции

Министерот за надворешни работи и надворешна трговија Тимчо Муцунски оствари повеќе билатерални средби со високи европски претставници, при што во фокусот беа евроинтеграциите, реформите и регионалната соработка.

— реклама —

Како што информира Министерството за надворешни работи, Муцунски се сретнал со шефот на португалската дипломатија Пауло Рангел, косовскиот министер за надворешни работи Глаук Коњуфца, директорот за Континентална Европа во француското МНР Брис Рокфеј, како и со директорот за Западна Европа во Европската служба за надворешни работи Емануеле Ѓауфрет.

— реклама —

На средбата со Рангел било потврдено високото ниво на билатерални односи, при што двете страни изразиле подготвеност за нивно натамошно унапредување, со акцент на евроинтегративниот процес и улогата во НАТО.

Со Коњуфца биле разменети мислења за регионалните прашања и соработката, при што било истакнато значењето од нејзино дополнително зајакнување.

— реклама —

Во разговорите со европските дипломати Рокфеј и Ѓауфрет, фокусот бил ставен на напредокот во пристапниот процес, спроведувањето на Реформската агенда, владеењето на правото и јавната администрација, како и на поддршката што земјата ја добива во тие процеси.

На средбите било разговарано и за актуелните геополитички случувања во Европа и пошироко, во контекст на зголемената глобална неизвесност.