Муцунски за Euronews: „Не сме проевропска држава само во реториката, туку и во вредностите што ги спроведуваме“

Министерот за надворешни работи и надворешна трговија Тимчо Муцунски во интервју за Euronews изјави дека Македонија останува цврсто посветена на европскиот пат и покрај предизвиците и застојот во евроинтегративниот процес.

„Ние сме држава што се гордее со својата проевропска ориентација, не само во реториката, туку и во вредностите што ги спроведуваме во нашето општество“, истакна Муцунски.

— реклама —

Во интервјуто за емисијата „12 Minutes With“, министерот посочи дека регионот се соочува со сериозни хибридни и малигни влијанија, кои се засилуваат таму каде што расте фрустрацијата и се намалува довербата.

— реклама —

„Покажавме не само дека велиме оти сме отпорни, туку и дека навистина сме отпорни во пракса“, рече Тимчо Муцунски.

Тој нагласи дека членството во Европска Унија останува клучен надворешнополитички приоритет и најдобар механизам за долгорочна стабилност, безбедност и развој на регионот.

— реклама —

Осврнувајќи се на безбедносните прашања, Муцунски оцени дека НАТО денес е „посилен од кога било досега“.

— реклама —

„Мојот став е дека, благодарение на претседателот Трамп, државниот секретар Рубио и целокупниот надворешнополитички апарат на САД, НАТО е посилен од кога било досега“, изјави Муцунски.

Тој потсети и на минатогодишниот Самит во Хаг, каде членките на Алијансата се обврзаа да ги зголемат трошоците за одбрана на 5 проценти од БДП до 2035 година.