МВР санкционираше над 16.800 сообраќајни прекршоци во мај, одземени 238 возила

Во текот на мај годинава, полициските службеници низ државата евидентирале вкупно 16.885 сообраќајни прекршоци, покажуваат податоците на Министерството за внатрешни работи.

Најголем број од прекршоците се однесуваат на непочитување на пропишаната брзина на движење. Во текот на месецот санкционирани биле 4.473 возачи по оваа основа, додека 3.851 прекршок се однесуваат на непрописно паркирање.

— реклама —

Полицијата изрекла и 920 санкции за користење мобилен телефон при управување со возило.

Во рамки на контролите за безобѕирно управување со моторно возило, согласно Кривичниот законик, санкционирани се 70 возачи кои управувале под дејство на алкохол, 241 возач без возачка дозвола и 33 лица кои управувале возило и покрај претходно изречена забрана.

— реклама —

Во истиот период, согласно член 300-б од Кривичниот законик, биле одземени 238 возила.

Од МВР информираат дека санкционирани биле и 1.281 возач на мотоцикл поради неносење заштитен шлем, како и 1.584 учесници во сообраќајот кои не користеле сигурносен појас.

— реклама —

Покрај тоа, казнети се 295 пешаци поради прекршување на сообраќајните правила.

Според Законот за возила, од сообраќај биле исклучени 240 нерегистрирани возила, како и 83 возила поради техничка неисправност.

— реклама —

Санкции добиле и 55 возачи поради непочитување на прописите за затемнување на стаклата на возилата.

Од Министерството за внатрешни работи најавуваат дека сообраќајните контроли ќе продолжат и во наредниот период, апелирајќи до граѓаните доследно да ги почитуваат сообраќајните правила и прописи со цел зголемување на безбедноста на патиштата.