На излез од државата на аеродромот во Скопје откриени 20 куршуми кај 86-годишник од Косово

СВР Скопје поднесе кривична пријава против В.К. (86) од Косово поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“.

— реклама —

Според информациите од Министерството за внатрешни работи, на 12 мај 2026 година, на Граничниот премин Меѓународен аеродром Скопје, при излез од државата, полициските службеници извршиле преглед на патникот.

— реклама —

— реклама —

При контролата кај него биле пронајдени и одземени 20 куршуми со калибар 6,35 милиметри.

По документирањето на случајот, СВР Скопје поднесе соодветна кривична пријава против косовскиот државјанин.