На Мицкоски му одговара да ја држи државата изолирана, за да продолжи да го краде народот, вели Димитријевиќ

Генералниот секретар на СДСМ, Александар Саша Димитријевиќ,во гостување во емисија на ТВ 24 оцени дека на премиерот Христијан Мицкоски и на ВМРО-ДПМНЕ им одговара државата да остане надвор од Европска Унија за, како што рече, „да продолжат да го крадат народот“.

Во гостување во емисијата „Студио 10“ на ТВ 24, Димитријевиќ изјави дека хистеријата и спиновите околу идентитетските прашања служат за прикривање на криминалот и корупцијата.

— реклама —

„На Мицкоски му одговара оваа ситуација, да ја држи Македонија изолирана и да ја држи Македонија надвор од европските институции“, рече Димитријевиќ.

— реклама —

Тој додаде дека со пристапните преговори би се вовел поголем ред во државата и би се ограничиле злоупотребите и наместените тендери.

Според него, македонскиот идентитет не е загрозен од внесувањето на Бугарите и другите малцинства во Уставот, туку од „криминалот, корупцијата и дилетантската политика на ВМРО“.

— реклама —

Димитријевиќ оцени и дека Владата нема напредок на меѓународен план и дека реформските процеси се блокирани.

— реклама —

„Од 10 реформски закони коишто треба да ги донесеме, осум не се донесени“, изјави тој.

Воедно, посочи дека СДСМ за време на своето владеење ја внелa државата во НАТО и го заштитила македонскиот јазик во преговарачката рамка со Европската Унија.