ДИМИТРИЈЕВИЌ

На Мицкоски му одговара да ја држи државата изолирана, за да продолжи да го краде народот, вели Димитријевиќ

Генералниот секретар на СДСМ, Александар Саша Димитријевиќ,во гостување во емисија на ТВ 24 оцени дека на премиерот Христијан Мицкоски и на ВМРО-ДПМНЕ им одговара државата да остане надвор од Европска Унија за, како што рече, „да продолжат да го крадат народот“.Во гостување во емисијата „Студио 10“ на ТВ 24, Димитријевиќ изјави дека хистеријата и спиновите околу идентитетските прашања служат за прикривање на криминалот и корупцијата.„На Мицкоски му одговара оваа ситуација, да ја држи Македонија изолирана и да ја држи Македонија надвор од европските институции“, рече Димитријевиќ.Тој додаде дека со пристапните преговори би се вовел поголем ред во државата и би се ограничиле злоупотребите и наместените тендери.Според него, македонскиот идентитет не е загрозен од внесувањето на Бугарите и другите малцинства во Уставот, туку од „криминалот, корупцијата и дилетантската политика на ВМРО“.Димитријевиќ оцени и дека Владата нема напредок на меѓународен план и дека реформските процеси се блокирани.„Од 10 реформски закони коишто треба да ги донесеме, осум не се донесени“, изјави тој.Воедно, посочи дека СДСМ за време на своето владеење ја внелa државата во НАТО и го заштитила македонскиот јазик во преговарачката рамка со Европската Унија.

Македонија | пред 6 дена

Мицкоски брза на избори од страв од истрагите што доаѓаат по падот на Орбан, вели Димитријевиќ

Генералниот секретар на СДСМ, Александар Саша Димитријевиќ, на денешната прес-конференција оцени дека постои забрзана динамика кон распишување предвремени избори, за што, според него, причината е стравот од можни истраги и политички последици во регионот.Тој изјави дека со политичките промени во Унгарија се отвораат процеси кои, како што рече, би можеле да доведат до пошироки истраги за бизнис и политички врски во регионот, споменувајќи мрежи поврзани со унгарскиот премиер Виктор Орбан и други регионални лидери.Димитријевиќ обвини дека Владата предводена од ВМРО-ДПМНЕ нема конкретни резултати по две години владеење, наведувајќи економски проблеми, пад на инвестициите, раст на јавниот долг и влошување на животниот стандард.Според него, економските ветувања не се исполнети, додека граѓаните, како што рече, се соочуваат со зголемени трошоци за живот и намалена куповна моќ. Тој посочи и на, според СДСМ, негативни трендови во вработеноста и индустријата.Во политичкиот дел од обраќањето, Димитријевиќ ја обвини власта дека создава тензии и политички конфликти за да го прикрие, како што рече, неуспехот во економските политики и исполнувањето на ветувањата.СДСМ порача дека останува посветена на враќање на државата на, како што наведоа, „вистинскиот пат“, со фокус на економски развој, правда и подобар животен стандард.

Македонија | пред 1 седмица

Димитријевиќ: Документите за Груевски во Правда се „институционално“ заглавени или намерно блокирани

На денешната прес-конференција, генералниот секретар на СДСМ, Александар Димитријевиќ, упати критики до Министерството за правда во однос на постапката поврзана со поранешниот премиер Никола Груевски.Тој праша дали документите за екстрадиција се навистина испратени или сè уште се наоѓаат во, како што рече, административна фаза на „комплетирање на документацијата“. Според него, недостигот на конкретен одговор отвора сомнежи за динамиката на постапката.Димитријевиќ посочи дека, за разлика од други држави кои брзо реагираат во слични случаи, во Македонија веќе подолг период нема јасен напредок, што, како што оцени, остава простор за различни толкувања.Тој го повика Министерството за правда јавно да одговори дали документите се испратени и зошто постапката трае подолго време.На крајот, Димитријевиќ порача дека јавноста очекува транспарентност и јасни институционални одговори за случајот.

Македонија | пред 1 седмица

Димитријевиќ: Нови лаги од сестринската партија на Орбан, ВМРО-ОКГ

Генералниот секретар на СДСМ, Александар Саша Димитријевиќ, како што објави на социјалните мрежи, реагира на, според него, дезинформации што доаѓаат од ВМРО-ОКГ.Тој во својата објава наведува дека не се точни тврдењата дека има каква било поврзаност или контакт со лицата Ружиќ и Башановиќ, посочувајќи дека, како што вели, ниту ги познава ниту се има сретнато со нив.Димитријевиќ, како што стои во неговата објава, реагира и на тврдењата за наводен договор за опозициско делување со СПС, истакнувајќи дека станува збор за, како што го нарекува, неточна конструкција.Во објавата тој наведува дека ваквите информации се измислени и политички мотивирани, оценувајќи дека, како што вели, станува збор за обид за дезинформирање на јавноста.Димитријевиќ додава дека граѓаните се информирани и дека ваквите тврдења немаат ефект, посочувајќи дека СДСМ, според неговата изјава, се соочува со политички напади во контекст на изборни резултати.Тој заклучува дека, како што наведува, јавноста очекува вистина и одговорност, а не, како што вели, политички конструкции.

Македонија | пред 4 седмици

Димитријевиќ: Одговорноста за картелскиот скандал со 5 тони дрога води директно до врвот на власта

Генералниот секретар на СДСМ, Александар Саша Димитријевиќ, на денешната прес-конференција нагласи дека одговорноста за картелскиот скандал со 5 тони дрога која од Македонија завршила во Србија води директно до врвот на власта, затоа цела недела нема информации, а а јавноста е сведок на организирана владина медиумска кампања  за дефокусДимитријевиќ посочи дека цела недела нема одговор на клучното прашање, како толкава количина дрога поминала преку македонската граница и кој ќе одговара за тоа.„ Нема приведени, нема осомничени. Има само дефокус.Од јавно објавените фотографии може да се види дека запленетата дрога во Србија била пакувана во големи картонски кутии со димензии 60 на 40 сантиметри, со по 4 до 5 килограми марихуана во најлонски кеси. Тоа значи многу пратки, и многу возила, камиони. Пет, десет, можеби и повеќе шлепери или камиони требало да ја поминат границата. Како?“, рече Димитријевиќ.Притоа, Димитријевиќ истакна  дека и за последните акции за запленет, одговорноста е кај власта.„МВР молчи за тоа како 5 тони преминале преку македонската граница ама објавува дека заплениле 40 тони канабис во земјава. Ако навистина се запленети 40 тони нелегално произведен и складиран канабис во Македонија, тогаш повторно одговорноста е кај власта и кај никој друг.“Тој нагласи дека без поддршка и заштита од институциите, ваков шверц не е возможен.„Без поддршка, заштита и логистика од врвот на власта шверцот на огромна количина дрога преку границата не било возможно. Од Скопје до Табановце има 48 километри, со гранична и царинска контрола. Каде се камерите на „Safe City“? Каде е полиција? Каде се екипите на Мобилна царина? Каде се контролите?“, рече Димитријевиќ.

Македонија | пред 3 месеци

Нема фотографија

Димитријевиќ: Стефковски продолжува немилосрдно да троши народни пари

,,Продолжува немилосрдното трошење народни пари за партиските вработувања на Дпмне.Институциите кои се под палката на градоначалникот Стефковски се преплавени со партиски кадри.Над 23 милиони денари се потрошени за вработувања за неполни три години во ЈКП Гази Баба 2007. Сето ова е подкрепено со фактографски докази.(Покажува договори).23те милиони денари и те како ќе беа добредојдени за осовременување на механизацијата и замената на старите и дотрајани униформи на вработените.Не е розева состојбата ниту во детската градинка 25 Мај. И таму се потрошени повеќе од 12 милиони денари, а се подготвува уште едно ненаменско трошење за згрижување на членството на Вмро Дпмне. Замислете колку ќе им беше полесно на родителите кога немаше да имаат обврска да трошат екстра пари за нормално функционирање на градинките и доколку овие 200.000 евра беа директно дисперзирани во подобрување на условите за најмладите.Уште една голема лага на Градоначалникот Бобан Стефковски, наместо намалување имаме сериозно зголемување на сумата за вработувања.Партијата и Бобан Стефковски актуелен претседател на општинскиот комитет на Дпмне Гази Баба, се од иста матрица која парите на граѓаните наместо на проекти ги троши за свој лични интереси и партиски вработување", вели Димитријевиќ, координатор на советничка група на Општина Гази Баба од СДСМ.

Скопје | пред 2 години