„Обвинителот Савески да го викне Панче Тошковски да ги достави доказите за „Мазут““, вели Димитријевиќ

На денешната прес-конференција, генералниот секретар на СДСМ, Александар Саша Димитријевиќ, побара од јавниот обвинител Ненад Савески да го повика министерот за внатрешни работи Панче Тошковски и да ги побара доказите за кои, како што тврдат од партијата, јавно изјавил дека ги поседува во врска со случајот „Мазут“, проценет на 167 милиони евра.

— реклама —

На прес-конференција, Димитријевиќ, потсети дека обвинителот Савески неодамна изјавил оти предметот може повторно да биде активиран доколку се појават нови околности или релевантни докази.

— реклама —

„Ако Тошковски навистина располага со докази за кои тврди дека постојат, тогаш Обвинителството треба да го повика и да ги достави. Така случајот би можел повторно да биде отворен“, рече Димитријевиќ.

— реклама —

Од СДСМ упатија критики и кон состојбите во правосудството, оценувајќи дека институциите се под политичко влијание и дека нема доволен напредок во владеењето на правото и борбата против корупцијата.

— реклама —

Партијата порача дека ќе продолжи да бара расчистување на случајот „Мазут“ и целосно утврдување на евентуалната одговорност.