(Видео) Мицкоски излажа за Алта банка на надзорна расправа – Обвинителството да реагира, вели Димитријевиќ

Генералниот секретар на СДСМ, Александар Саша Димитријевиќ, го повика Јавното обвинителство да го испита настапот на премиерот Христијан Мицкоски на вчерашната надзорна расправа во Собранието, обвинувајќи го дека изнел неточни информации за случајот со „Алта банка“.

— реклама —

Одговарајќи на новинарско прашање, Димитријевиќ рече дека Мицкоски ја довел јавноста во заблуда преку, како што наведе, невистини и манипулации со документи, со цел да ја избегне сопствената одговорност. Според него, премиерот пред пратениците не сакал да го покаже документот за кој зборувал, а СДСМ во тој момент го штител државниот интерес.

— реклама —

Димитријевиќ се осврна и на кривичните пријави што гувернерот Славески ги поднел против претседателот и членови на СДСМ. Тој оцени дека со тоа гувернерот ги исполнува наредбите на Мицкоски и ја обвини власта дека применува методи слични на оние од времето на Груевски и Вучиќ.

— реклама —

„Нема да се уплашиме, нема да нè замолчат“, порача Димитријевиќ, повикувајќи ја Народната банка да се посвети на својата работа и на проблемите на граѓаните, вклучително и на пензионерите кои, како што рече, не можат да си ги подигнат сопствените пари.

— реклама —