Нацев се појавуваше како редар и даваше инструкции, сведочеше сведок за неформалниот сопственик

На денешното судење за случајот „Пулс“ сведокот Трајче Димишковски изјави дека Александар Нацев, неформален сопственик на агенцијата за обезбедување во „Пулс“, понекогаш се појавувал за да помогне во координација на обезбедувањето, особено при поголеми настани.

— реклама —

Тој рече дека Нацев давал насоки за распоредување на луѓето и повремено се појавувал и како редар, иако, како што посочи, не знае во каков статус бил ангажиран.

— реклама —

Според сведокот, Нацев држел и предавања за вработените во агенцијата „Рубикон“, на кои им објаснувал законски правила, меѓу другото и за присуство на малолетници во објекти по 23 часот.

— реклама —

Димишковски додаде дека по трагедијата во дискотеката „Пулс“ имал комуникација со Нацев, при што, како што рече, разговарале за трагедијата.

— реклама —

Пожарот во дискотеката „Пулс“ во Кочани избувна на 16 март 2025 година за време на настап на групата ДНК. Во несреќата загинаа 63 лица, а повеќе од 200 беа повредени. За случајот се обвинети над 30 физички и три правни лица.