Најмалку 15 лица, над 50 се ранети во руски ракетен напад врз Киев и околината

Најмалку 15 лица загинаа, а повеќе од 50 се повредени во руски напад со балистички проектили врз Киевскиот регион, соопштија украинските власти.

— реклама —

Нападот започнал по полноќ, а тревогата за воздушна опасност траела повеќе од еден час. Во тој период, повеќе балистички проектили го погодиле Киев и неговата околина.

— реклама —

Според шефот на Киевската воена администрација, Тимур Ткаченко, девет лица загинале во округот Бориспил, додека четири жртви се регистрирани во Буча.

Од руското Министерство за одбрана соопштија дека цел на нападите биле логистички и снабдувачки центри.

— реклама —

„Овие центри се користеа за складирање и испорака на различно оружје и воена опрема, како и за производство и дистрибуција на беспилотни летала“, соопшти руското министерство.

— реклама —

Градоначалникот на Киев, Виталиј Кличко, изјави дека постои стравување оти под урнатините има затрупани лица. Тој додаде дека четворица од повредените се во критична состојба.