Најмалку девет лица загинале во текот на ноќта во израелски напади врз градот Газа, соопштија палестински здравствени претставници.
Според информациите од болницата „Ал-Шифа“, телата на жртвите биле донесени по најмалку четири одделни напади, извршени во различни делови од градот.
Во еден од нападите, кој се случил североисточно од Газа, животот го загубиле пет членови на исто семејство. Во нападите биле повредени и најмалку 15 лица.
Здравствените власти наведуваат дека бројот на жртви може дополнително да се зголеми, додека спасувачките екипи продолжуваат со потрагата по евентуално затрупани лица.
Израелските одбранбени сили (ИДФ) засега не се огласија со официјален коментар во врска со нападите.
