Најнови вести

7 год.

Убиецот на бугарската новинарката се враќа на местото на злосторството

Германија во следните 10 дена ќе и го испорача на Бугарија осомничениот за убиството на бугарската новинарка, Викторија Маринова, соопшти денеска германското обвинителство.Дваесетгодишниот бугарски државјанин, Северин Красимиров делумно го призна злосторството што се случи во северниот дел од Бугарија. Негова ДНК е пронајдена на местото на убиството, на основа на што беше издаден европски налог за апсење. Тој во вторникот беше уапсен во Германија, каде побегнал.Красимиров призна дека вербално спорел со жртвата на 6 октомври, бил под влијание на алкохол и дрога и ја удрил новинарката со тупаница по лицето. Тој рече дека потоа ја фрлил младата жена во грмушките, но не сакал да ја убие, одбивајќи ги и обвинувањата за силување.Изјава за медиумите даде и мајката на Красимиров, која потврди дека нејзиниот син и раскажал за убиството.Телото на новинарката Викторија Маринова, која известуваше за можна корупција во бугарската влада, беше пронајдено во близина на Дунав. Полицијата тогаш наведе дека Маринова била претепана, силувана и задавена.

Свет | пред 7 години

7 год.

Нема фотографија

(ФОТО) Скопјанка изнајмила маж за 2000 денари

https://www.facebook.com/MakedonciNaInternet/photos/a.237778719896970/753717858303051/?type=3&theater

Скопје | пред 7 години

7 год.

Шилегов најави контејнери со чипови

Контејнери со чипови кои ќе откриваат кој контејнер е полн и треба да се испразни, најави градоначалникот на Скопје, Петре Шилегов на денешната седница на Советот на Град Скопје.– Состојбата со комуналниот отпад се базира на еден модел кој е сериозно застарен. Веќе најавив дека Град Скопје ќе започне со вистинска дигитализација. Наместо досегашните рути, планот е компјутеризацијата да ја прави рутата, според тоа кој контејнер е полн. Во контејнерите да има чипови. Возилата би биле нови и специјални. Инсистирам контејнерите да бидат достапни за лицата со посебни потреби – рече Шилегов.

Скопје | пред 7 години

7 год.

Тачи: Добив поддршка од Макрон за Косово и Србија да преговараат за корекција на границите

Претседателот на Косово, Хашим Тачи изјави дека добил поддршка од францускиот претседател Емануел Макрон дека Косово и Србија треба да постигнат обврзувачка спогодба со реална можност за корекција на границите, што подразбира вклучување на Прешево, Медвеѓе и Бујановац во границата на Косово.Тачи за TVSH вели дека тоа ќе отвори сигурна евроатланска перспектива за Косово, дека нема да ги зема предвид ограничувањата а основа на етничката припадност, туку дека секогаш ќе се одржува мултиетничноста на Косово и перспективите за изградба на граѓанска демократија во земјата.Тој додава дека францускиот претседател го советувал и му предложил што поскоро да се склучи договор меѓу Косово и Србија.

Свет | пред 7 години

7 год.

Спасовски: Откривме повеќе од 40 лица вработени во МВР со фалсификувани дипломи

„До сега беа откриени преку 40 лица вработени во МВР со фалсификувани дипломи. Овие лице стигнале и до значајна функција во МВР, но по откривањето добија отказни решенија и кривични пријави. А кривични пријави беа поднесени и до факултетите кои ги издале тие дипломи“-изјави Министерот за внатрешни работи, Оливер Спасовски, во интервју за емисијата Клик-плус на ТВ21.https://www.facebook.com/makedonskapolicija/videos/2155501311390282/Прашан дали досега некој од пратениците пријавил закани околу донесувањето на предлогот од Владата за уставните измени, вели дека ниту еден пратеник нема пријавено какво било кршење на законот. Но, има пријави од раководни лица во опозициската партија ВМРО-ДПМНЕ и членови од истата партија, за што се постапува, рече Спасовски.

Македонија | пред 7 години

7 год.

Состојба на патиштата

Сообраќајот на државните патишта се одвива по суви коловози.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.Од ЕВН е најaвено дека од 03.10.2018 година, напојувањето на тунелите на патот Демир Капија – Смоквица од страна на Демир Капија ќе биде исклучено неколку денови. Од оваа причина, напојување ќе има само од страна на Удово. Доколку дојде до прекин во напојување од двете страни сообраќајот на автопатот Демир Капија – Смоквица во двете насоки ќе се одвива под посебни услови во тунелите.Од 01.10.2018 ЈП Македонијапат подружница Штип изведува градежно асфалтерски работи на повеќе регионални патни правци од кои Р-1402 на од с. Куклиш до с. Банско, на Р2345 од Виница – с. Бигла и на Р1204 од Свети Николе до Павлешенци од 09:00 до 17:00 часот.Од 02.10.2018 ЈП Македонијапат iзведува градежни работи (машинско асфалтирање, надоградба на постоечката подлога на коловозот) на регионалениот пат Р-1206 од с. Желино до с. Сарачино во должина од 4 км. На местото на изведување на градежните работи е поставена соодветна сообраќајна сигнализација како и физичко обезбедување со знаменца, а сообраќајот се одвива наизменично во двата правци.На 04.10.2018 ЈП Македонијапат подружница Велес изведува асфалтерски работи на регионалниот пат Р-1102 на потегот од с. Смоквица до с. Прдејци од 09:00 до 17:00 часот. Во периодот на работа сообраќајот се одвива по автопатот А1 Смоквица – Гевгелија во двата правци. На местата на изведување на работите е поставена соодветна сообраќајна сигнализација.Илинден АД Струга известува дека од 25.08.2018 година, поради рехабилитација на битолската обиколница, на потегот од бензинската ЛукОил, на влез од Битола, до с. Крклино, сообраќајот е во прекин се до завршување на градежните работи. Истиот се пренасочува преку градот Битола.Виадукт Трејд Дооел – Гостивар известува дека од 20.08.2018 година, се изведуваат градежни активности – Рехабилитација на обиколка на Скопје (клучка Стајковци – клучка Мирковци) возна и брза лента, во времетраење од шест месеци.Илинден АД Струга известува дека согласно Одобрението за времена измена на режим на сообраќај, на магистралниот пат А2, делница Кичево – Охрид (Мала Река – Славеј Планина) од 10.08.2018 воведе времена измена на сообраќајот, со девијации (преминување од една коловозна лента во друга) за што е поставена соодветна сообраќајна сигнализација. Измената ќе трае до завршување на градежните работи.Друштвото АСФАЛТ ДОЕЛ СКОПЈЕ известува дека порaди изведување на градежни работи за изградба на електронски систем за наплата на наплатните станици за патарина, сообраќајот ќе се одвива согласно Одобренијата за времен режим на сообраќај, и тоа на:– наплатната станица Градско во периодот од 08.08.2018 до 07.10.2018;– наплатната станица Гевгелија (на магистралниот пат А1, делница Демир Капија-Гевгелија) во периодот од 21.06.2018. до 18.10.2018;– наплатната станица Романовце во периодот од 15.09.2018 до 14.03.2019 год.АМСМ ги предупредува возaчите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од ново поставената сообраќајна сигнализација.

Македонија | пред 7 години

7 год.

Нема фотографија

Најмалку седуммина загинати од ураганот Мајкл

Силниот ураган Мајкл однесе најмалку седум животи, додека илјадници војници и спасувачи на северозападот на Флорида се дел од акцијата за спасување и расчистување на улиците.Во средата ветрот беснеел речиси 3 часа низ улиците со брзина од 249 километри на час, известуваат странските новинари.Гувернерот на Флорида, Рик Скот изјави дека штетата од Панама Сити до Мексико Бич е многу поголема отколку што очекувале.Повеќе од 900.000 домаќинства, трговски и бизнис објекти во Флорида, Алабама, Џорџија, Северна и Јужна Каролина се без електрична енергија.

Свет | пред 7 години

7 год.

death-toll-in-minibus-truck-collision-in-russian-chuvashia-rises-to-13-medics-1004x620

13 мртви при судар помеѓу минибус и камион

Најмалку 13 лица го загубија животот, а четири се потешко повредени, при судар помеѓу минибус и камион во централна Русија.До несреќата дошло кога камионот преминал во спротивната лента и се судрил со минибусот во кој имало 21 патник.

Свет | пред 7 години

7 год.

Нема фотографија

Каталонскиот парламент бара укинување на монархијата во Шпанија, Санчез не прифаќа

Пратениците на сепаратистичките партии и левичарската коалиција „Заедно можеме“ гласаа за усвојување на резолуцијата со која се осудува „кралската интервенција во каталонскиот конфликт“ и се бара отстранување „една застарена и недемократска институција како што е монархијата“.Кралот Фелипе Шести беше критикуван во Каталонија, особено по неговата остра реторика против каталонските сепаратисти за време на есенската криза минатата година.Социјалистот Санчез откако дојде на власт го обнови дијалогот со сепаратистите, нудејќи референдум за поголема автономија во Каталонија, но категорично го отфрли организирањето референдум за самоопределување.Санчез реагираше на Твитер за гласањето на каталонскиот Парламент, истакнувајќи дека усвоената резолуција е недозволива.– Оваа влада ќе ги преземе сите правни дејства со кои располага за да го заштити законот, Уставот и државните институции, напиша Санчез, без да прецизира кои мерки ќе бидат преземени.

Свет | пред 7 години

7 год.

Полицијата во Словенија истражува корупција во здравството

Истражувачи на Националното истражувачко биро на Словенија (НБИ) вчера извршија претреси во домови во повеќе словенечки градови, поврзани со пријави за корупција во здравството при набавка на медицинска опрема и материјали.Полицијата соопшти дека под сомнеж се десет физички лица и две компании, чии деловни и приватни простории се наоѓаат на подрачјето на Љубљана, Марибор, Крањ, Ново Место и Целје, јави словенечката агенција СТА.Во истагата учествуваат 55 истражувачи.– За време на претресот, барани се докази за нелегално прифаќање или давање подароци, соопшти полицијата, наведувајќи дека истрагата се уште трае.Постои сомневање дека имотната корист со која се стекнале осомничените со сторените кривични дела изнесува повеќе од сто илјади евра.Медиумите наведуваат дека истрагата била концентрирана на набавка на медицинска опрема за некои болници по високи цени, при што посебно се истакнува набавката на венски стентови за кардиолошки операции.

Свет | пред 7 години

7 год.

Отпишувањето камати за долгови пред пратениците

Во Собранието на РМ денеска ќе заседава Комисијата за финансирање и буџет.Комисијата ќе расправа по Предлог – законот за отпишување камати за наплата на долгови кои произлегуваат од услуги од вршители на комунални дејности, телефонија, мобилни и кабловски оператори, одржување заеднички простории, наводнување и одводнување на земјоделско земјиште, во второ читање.Предлогот е поднесен од група пратеници и е единствена точка на дневниот ред на денешната седница на Комисијата.

Македонија | пред 7 години

7 год.

Нови рочишта за „Траекторија“ и „Титаник 3“

Во Кривичниот суд за денеска закажани се рочишта за предметите на Специјалното јавно обвинителство „Траекторија“ и „Титаник 3“.Истрагата е за предметот со кодно име „Траекторија“ е отворена на 22.05.2017 година, а на ден 29.06.2017 година е поднесен обвинителен акт против 3 лица со иницијали В.П.,М.Ј.и Љ.Г. за кривичното дело „Злоупотреба на службената положба и овластување“ од член 353 став 5 в.в. со став 1 и член 22 од Кривичниот законик на Република Македонија, и обвинителен предлог против едно лице со иницијали Н.Г. за кривично дело „Примање награда за противзаконито влијание“ од член 359 став 2 од Кривичниот законик на Република Македонија.На денешното судење ќе се читаат СМС пораки. Во „Траекторија“ обвинети се поранешниот премиер Никола Груевски, поранешниот вицепремиер Владимир Пешевски, ексминистерот за транспорт и врски Миле Јанакиески и поранешниот директор на ЈП Државни патишта Љупчо Георгиевски.Во Кривичниот суд рочиште ќе се одржи за предметот „Титаник 3“ во кој се обвинети Ејуп Аљими и Исмет Гури, затоа што како членови на Општинската изборна комисија во Чаир „уништувале изборен материјал“.Според СЈО, двајцата обвинети со своите дејствија влијаеле директно врз изборниот резултат и имале криминален нагон да ја фалсификуваат изборната волја на граѓаните на Чаир со цел да остварат политичка моќ.Адвокатите на Аљими и Гури на претходните рочишта пред Судот кажаа дека со повеќе докази во текот на постапката ќе докажат дека нивните клиенти не се виновни, како и дека во спорниот момент на обвинението немале никаква функција со што би влијаеле да се стори кривичното дело за кое ги обвинува СЈО.

Македонија | пред 7 години

7 год.

Нема фотографија

Корисниците од индустриската зона „Визбегово“ без струја

Корисниците од индустриската зона „Визбегово“ утре од 9 до 12 часот ќе останат без електрична енергија.В понеделник без струја од 8:30 до 15 часот ќе бидат дел од корисниците од улиците „Димо Хаџи Димов“ и „Марко Орешковиќ“ во општина Кисела Вода.Без струја од 9 до 13 часот в понеделник ќе бидат дел од жителите од скопското село Страчинци, а од 9 до 15 часот дел од корисниците од селото Батинци, улиците „4“, „6“ и „7“.Во периодот од 9:30 до 11:30 часот без струја ќе останат дел од корисниците од улицата „Мариовска“ бр. 1, 3 и 5 во општина Кисела Вода.Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од страна на екипи на ЕВН Македонија АД.

Скопје | пред 7 години

7 год.

Денеска продолжува седницата на собраниската Комисија за уставни прашања, пленарна седница в понеделник

За денеска е закажано продолжението на седницата на собраниската Комисија за уставни прашања на кои почна расправата за предлогот за пристапување кон измена на Уставот. За в понеделник претседателот на Собранието закажа пленарна седница на која ќе се гласа за потребата од промени во Уставот. За ова ќе биде потребно 2/3 мнозинство.Работата ќе ја биде, само прашањето е дали брзо ќе биде, дали ќе дозволиме Македонија повеќе да не губи денови, месеци, години како што изгубила во минатото, изјави вчера премиерот Зоран Заев на доделувањето на државната награда „11 Октомври“ во Собранието.„Немаме план Б, го нема до ден денеска, нема алтернатива. Сите сме должни да се исправиме пред одговорот што ако ова пропадне, должни сме пред нашите граѓани. Ајде да ги оставиме настрана сите наши политички партии и да ја ставиме на прво место Македонија, да донесеме одлуки онака како што вреди и сме одговорни пред граѓаните“, рече Заев.На завчерашното прво заседание на Комисијата за уставни прашања премиерот повика на консензус за измените на Уставот. Пратениците на опозицијата беа против и велеа дека немаат мандат од народот за да ги поддржат уставните измени. Пратеникот Илија Димовски на премиерот Зоран Заев му порача дека без печат на двете најголеми партии кај Македонците, Договорот од Преспа не е одржлив и не може да живее и дека алтернативата за излез од кризата е заедништво, единство и консензус.Според него одлуката СДСМ сама да влезе во овој процес е одлука која што го погреба овој процес преку неколу елементи.„Одлуката да пристапи без учество на ниту еден претставник од опозицијата, да се потпише договорот пред да ѝ се покаже на опозицијата и одлуката на СДСМ без ВМРО-ДПМНЕ да распише референдум. Вие и Мицкоски треба да застанете позади единствено решение. Ова прашање и на вас и на нас пратениците ќе ни виси над главата цел живот“, му рече Димовски на Заев.На ова Заев одговори дека ако пратениците на ВМРО-ДПМНЕ се навистина за заедништво, консензус и единство, тогаш верува дека се блиску до решение.Артан Груби од ДУИ рече дека сега сите пратеници имаат шанса да покажат деканавистина се за членството на Македонија во ЕУ и НАТО.„Бидете тие кои на крај ќе го заокружат тоа патешествие што го започнале тие од ВМРО во Отоманска Македонија и тие во Јужна Бановина и тие во Социјалистичка Македонија и тие во поранешна југословенска Република Македонија и тие во Република Македонија и тие утре во Република Северна Македонија. Ставете го вие печатот, вие бидете тие што ќе го заокружите тоа што не успеаја другите пред речиси 150 години “, рече Груби.„Во овој случај стравот е изолацијата, а храброста е интеграцијата. Е толку едноставно и толку е црно-бело. Затоа, денес и деновите пред нас се денови за храбите жени и мажи пратеници“, додаде Груби.

Македонија | пред 7 години

7 год.

Мајката на убиецот на бугарската новинарка: Бил дрогиран и пијан, тој призна сè

Осомниченот за убиството на бугарската новинарка Викторија Маринова го признал убиството пред неговата мајка. Тој тврдел дека бил многу пијан и дрогиран кога ја нападнал Маринова, која брутално ја тепал и силувал пред да ја задави.Медиумите од регионот ја пренесуваат изјавата на мајката на 20-годишниот Бугарин, Северин Красимиров кој беше уапсен во Германија, дека нејзиниот син ја признал вината.„Tој призна дека го сторил тоа додека бил пијан и многу дрогиран. Тој призна и почна да плаче пред мене, тој не е таков, не можам да го разберам тоа", изјави Надежда Красимирова на еден бугарски новинар во Германија каде што живее.Бугарските обвинители го обвинија Северин Красимиров во отсуство поради силување и убиство на новинарката и побараа негова екстрадиција од Германија.https://www.facebook.com/175193672537515/photos/a.175920735798142/2021916801198517/?type=3Триесетгодишната Маринова, водителка на емисија за регионални случувања на локална телевизија, беше пронајдена во саботата во паркот во близина на пристаништето во Русе.„Собравме неколку докази кои упатуваат дека тој е главниот виновник. Красимиров е обвинет во отсуство за две злосторства – силување и убиство со умисла“, изјави државниот обвинител Сотир Цацаров.Убиството на Маринова ја дигна на нозе цела Бугарија која бара убиецот да биде веднаш казнет.

Свет | пред 7 години

7 год.

Во Египет осудени 17 лица на смртна казна поради напад врз цркви

Египетскиот воен суд денеска осуди 17 лица на смртна казна поради учество во бомбашки напади на три христијански цркви и полициски пункт во 2016 и 2017 година, при што животот го загубија повеќе од 80 луѓе.Покрај тоа, судот осуди и 19 лица на доживотен затвор поради напад врз цркви во Каиро, Александрија и во Танта.Екстремистите на исламската држава презеде одоговрност за бомбашките напади во Александрија и Танта, а во двата случаеви станува збор за самоубиствени напади во април 2017 година пред Велигден, во кои загинаа 45 луѓе.Истата екстремистичка група презема дговорност и за напад на капелата пред црквата Свети Марко во Каиро, во декември 2016 година, каде животот го изгубија 28 луѓе.Меѓу обвинетите се и осомничени за минатгодишниот напад врз контролен пункт во египетската Западна Пустина, при што загинаа најмалу осум полицајци.

Свет | пред 7 години

7 год.

Кој и како може да дојде до работа во Германија?

Германија конечно би требало да добие Закон за вселување со кој значително се олеснува доаѓањето на квалификувани лица од целиот свет. Што се однесува на Западен Балкан, веќе десетици илјади луѓе годишно доаѓаат во ГерманијаДојче Веле - БонСекој петти државјанин на Германија има мигрантски корени, во земјата има десетина милиони странци... па сепак Германија законски досега не е дефинирана како земја на вселување. Старото табу сега конечно пука откако партиите од Христијанско демократската унија (ЦДУ) му излегоа во пресрет на коалицискиот партнер - социјалдемократите, но и економијата на која и е неопходна работна сила.Предлог-законот за вселување на стручна работна сила се уште не е напишан, но владејачката коалиција ги договори најважните детали. Општата оценка е дека вратите речиси ширум се отвораат за потенцијални работници од целиот свет, но не е извесно дали за луѓето од Западен Балкан кои сакаат да дојдат во Германија, нешто ќе се смени.Кој може да дојде?Секој кој има квалификации и најде работодавач кој би сакал да го вработи во струката од која доаѓа. Во превод, не може дипломиран инженер од Гана или Македонија да дојде за да работи во кафуле. Ниту може да дојде некој со основно училиште без никаков занает. Веќе не е неопходно работното место да биде од списокот на дефицитарни занимања ниту Сојузната агенција за работа прво да врши проверка дали на бирото за вработување постојат домашни работници кои би имале предност при вработувањето.Што се бара?Иако пазарот на работна сила се отвора за сите занимања претпоставка е дека и понатаму 61 дефицитарно занимање ќе биде најголем магнет за доселениците. Тоа се работни места во здравствениот систем - пред се нега на стари лица - речиси се што има врска со електрика, машинство, инсталации и се повеќе ИТ секторот. Здружението од браншата Битком наведува дека ИТ секторот во Германија моментно бара 55 илјади работници. Затоа нивното доаѓање ќе биде посебно олеснето - ним не им треба ни формално образование доколку ги имаат потребните знаења.Што значи тоа за Западен Балкан?Тоа е големо прашање. Само во последните три години во Германија се издадени околу 200 илјади работни визи за граѓани од шестте балкански земји од чекалницата на ЕУ, а колку ли отишле во други земји. Оние кои сакаат да ги спакуваат куферите сега само ќе имаат поголем избор на занимања. Проблем може да претставува турканицата во конзулатите каде дури и кога се има договор и работна дозвола, се чека со месеци, па и повеќе од една година.Како да се бара работа?Како и до сега, преку легални посреднички агенции или директно кај работодавачот или на сајтот на Агенцијата за вработување. Но, сега се отвара уште една опција - секој со квалификации може да се досели во Германија на шест месеци за да бара работа. Сепак, тој мора да има или нечие гарантно писмо или неколку илјади евра на сметка за да докаже дека во тој период ќе има од што да живее, додека не се вработи. Во тие шест месеци не е дозволено „снаоѓање“ вон струката за да се заработи нешто.Треба ли да се знае јазик?Тоа се уште не е дефинирано, но министерот за внатрешни работи Хорст Зехофер смета дека германскиот би требало да се познава на ниво кое моментно е потребно за да се положи „тест за интеграција“, а тоа е Б1. Сепак моментно на оние од дефицитарните занимања им е дозволено да дојдат и со послабо знаење, па во рок од неколку месеци да го унапредат тоа знаење. Владејачката коалиција се согласи и дополнително да ја поттикне работата на институтот Гете и центрите кои помагаат во наоѓање работна сила - такви веќе постојат во земјите од Западен Балкан.Што е со бегалците?Тука копјата најмногу се кршеа и на крајот социјалдемократите мораа да попуштат - се уште нема да може некој да дојде без никакви документи барајќи азил, а потоа да се вработи и да добие работна виза. Нешто ќе се смени за луѓето кои имаат статус „Дулдунг“, буквално „трпење“, односно исклучување од присилно враќање, но и за оние на кои не им е одобрен азил, но успешно се интегрирале, работат и не можат да бидат депортирани поради одредени причини. Тие ќе можат да добијат подобар статус ако се вработат во струката. Такви во Германија има повеќе од 170 илјади.

Свет | пред 7 години

7 год.

Рангелова: Бев изложена на притисок и закани заради гласањето на референдумот, партијата не се огласи со осуда

Јас со крената глава и достоинствено на референдумот гласав „против“ Преспанскиот договор и тоа е во рамки на партискиот став на ВМРО-ДПМНЕ – секој да одлучи по сопствено убедување, вели претседателката на Унијата на жени на ВМРО-ДПМНЕ, Даниела Рангелова во интервју за Призма.-Јас дејствувам транспарентно во партијата и за мојот став дека сум против апстиненција или бојкот го информирав извршниот комитет на ВМРО-ДПМНЕ и не се каам поради тоа. Прашањето за името е натпартиско и за него треба да одлучуваат единствено граѓаните на Република Македонија, на референдум, затоа што само на тој начин ќе имавме јасна слика за волјата на граѓаните, дали сме „за“ или „против“ – објаснува Рангелова.Таа додава дека по гласањето била изложена на невиден притисок, омаловажувања, понижувања и закани по животот во јавноста преку социјалните мрежи, заедно со нејзините колеги.-Не сакам да помислам дека ваквите закани се оркестрирани од некаков центар на интерес, но останува фактот дека партијата не се огласи со осуда и реакција на ваквиот низок степен на примитивизам кој преовладува на социјалните мрежи – посочува Рангелова, истакнувајќи дека би била среќна ако и нејзините колеги пратеници се охрабреле да гласаат против Договорот.Според неа, ВМРО-ДПМНЕ не ја одигра вистинската улога во процесот, за што впрочем говорат и критиките од страна на шефот на Европската народна партија, Жозеф Дол, кој изрази разочараност од неконстурктивноста на ВМРО-ДПМНЕ.-Токму затоа, мојот глас „против“ на 30 септември е израз на конструктивност, демократски капацитет и опозициско дејствување, а не израз на предавство, како што многумина сакаа да го прикажат. Знаете, ако сите поддржувачи на ВМРО-ДПМНЕ излегоа и гласаа на референдумот ‘против’, ќе бевме мнозинство и на легитимен начин ќе кажевме ‘НЕ’ за Договорот. Ќе си ги одмеревме силите со СДСМ и убедливо низ бројки власта ќе се увереше дека води погрешна политика што граѓаните не ја поддржуваа – посочува Рангелова.Таа додава дека сака да ја види Македонија како дел од НАТО, но нема да гласа за уставни промени во парламентот.„Моменталната актуелна состојба во партијата зборува за одредени дисонантни тонови во контекст на идната поставеност на партијата, кои се движат од радикално десни позиции до централно десни позиции, но се надевам и верувам дека за кратко време состојбата ќе биде искристализирано чиста, особено ако се земе предвид дека нашата партија во фокус ја има евроантлантската интеграција и ова веќе одамна е апсолвирано прашање и не ни помислувам на друга опција – порача претседателката на Унија на жени на ДПННЕ.

Македонија | пред 7 години

7 год.

(ВИДЕО) Стојаноска: Катица Јанева сама закажува рочишта и ги диктира процесите

Зоран Заев е исплашен од храброста и решителноста на македонскиот народ кој не потклекна на сите притисоци и манипулации и на референдумот покажа дека по ниедна цена нема да поддржи антидржавни политики со кои се брише името Република Македонија, изјави на денешната прес-конференција Дафина Стојаноска, член на ИК на ВМРО-ДПМНЕ.Како што рече Стојаноска, Заев е во паника затоа што не поминала неговата капитулација и граѓаните го осудиле обидот да добие амнестија за сопствените криминали преку штетниот договор со кој се прифатени грчките црвени линии.„Заев тргна со реализација на планот Б, а тоа е игнорирање и газење на волјата на сопствениот народ. Заев тргна со обид да ја заплаши опозицијата преку нарачан политички прогон и злоупотреба на институциите. Заев е свесен дека ВМРО-ДПМНЕ било со народот и дека секогаш ќе стои на браникот на државните и национални интереси и затоа сега бара помош од неговите послушници во СЈО“, нагласи Стојаноска и оцени дека вчерашниот настап на СЈО е уште една потврда дека Македонија не е веќе правна држава.Според претставничката на ВМРО-ДПМНЕ, Катица Јанева си чита имиња и сама ги суди.„Катица Јанева сама закажува рочишта, ги диктира процесите и ги прозива судиите што не и се по волја. Зоран Заев ги нарачува предметите и кажува која мерка и која пресуда е преостра или преблага. Вака функционира партиско – политичкиот прогон со кој што треба да се скрши македонскиот отпор. Вакво силување на правото и правдата во моментов нема во ниту една демократска земја“, рече Стојаноска и порача дека Македонија ќе ги издржи сите злодела на криминалниот картел на власт, но дека на крајот граѓаните ќе победат, а за се што се прави одговорност ќе понесат Заев и, како што кажа, неговите послушници.

Македонија | пред 7 години

7 год.

180427-kanye-west-trump-mn-1200_ade8fed7f7859c59596929b1675c3fb3

(ВИДЕО) Канје Вест на ручек со Трамп во Белата куќа

Пристигнувањето на Канје Вест во Белата куќа предизвика голем интерес во јавноста. Рап-ѕвездата денеска се состана со зетот на претседателот Трамп, Џаред Кушнер, а потоа пристигна на ручек со Доналд Трамп. Голем број медиуми во живо ја пренесуваа средбата.https://www.facebook.com/RTnews/videos/1827948263991784/Посетата е резултат на пријателските односи меѓу Трамп и Вест, кои претходно се состанаа во кулата на Трамп во Њујорк за време на претседателската транзиција во 2016 година, по што разменуваа твитови во текот на изминатата година.

Магазин | пред 7 години