Најнови вести

7 год.

Министерството за труд и социјала им ги одзеде надлежностите за градинките на Куманово и Струга

Една година локалните власти во Струга и Куманово нема да имаат никакви надлежности врз работата на детските градинки. Министерството за труд и социјална политика им ги одзеде ингеренциите затоа што општините не почитувале неколку законски одредби. Меѓу нив се Законот за заштита на децата, како и процесот за именување и разрешување директори.„Одлуката за одземање на надлежностите е донесена откако при вршење на надзор на работата и кај двете општини беа утврдени недостатоци во именувањето, односно спроведувањето на постапката за распишување на оглас за директор на детски градинки. И покрај даденото укажување со утврден рок за отстранување на неправилностите градоначалници не постапија според нивните овластувaња, по што министерството постапи по членот 201 од Законот за заштита на децата и им ја одзеде надлежноста на период од 1 година. Во следниот период во овие две општини надлежностите утврдени со Законот за детска заштота ќе ги спроведува МТСП, – велат од МТСП.

Македонија | пред 7 години

7 год.

Нема фотографија

(ОБНОВЕНО)Дисциплинска мерка - парична казна за административниот службеник кој доставил сомнителни записници за штетите од земјотресот

Вршителот на должност градоначалник, Константин Георгиески, денес, на прес конференција ги информираше граѓаните за постапката која што ја покрена за утврдување на одговорност кај државниот службеник задолжен за утврдување и исплата на штетите од земјотресот.Дисциплинската комисија која што ја формирав на четврти јануари, а поврзана со утврдувањето и исплаќањето на штетите од елементарната непогода поврзана со земјотресот, во предвидениот законски рок од 20 (дваесет) дена изготви извештај во кој ме информираа дека кај административниот службеник постои одговорност за сторен дисциплински престап, истакна в.д. градоначалникот Георгиески.Надлежната комисија, со тајно гласање утврдила одговорност за сторен дисциплински престап и предвидела изрекување на дисциплинска мерка, парична казна.Комисијата ценејќи ги сите отежнителни и олеснителни околности, со тајно гласање утврдила сторен дисциплински престап и утврдила изрекување на дисциплинска мерка во висина од 30% од висината на едномесечниот износ на нето платата исплатена во последниот месец пред извршување на дисциплинскиот прекршок, во траење од 6 (шест) месеци, кажа Георгиески, и додаде дека секретарот на општина Охрид веќе донесе решение за изрекување на предложената дисциплинска мерка.Поради постоењето на основни сомненија за неправилности, в.д. градоначалникот, денес, достави Барање за постапување до Министерството за внатрешни работи, во чиј прилог е и писмото до Јавното обвинителство, што по претходно задолжение го испрати претседателката на Советот на општина Охрид, Живка Ангелоска. Со ова, општина Охрид ги искористи сите пропишани правила за постапување во вакви случаеви.

Македонија | пред 7 години

7 год.

(ФОТО) Престрелка во Маџари

Претпладнево во скопската населба Маџари се случила сообраќајна несреќа и престрелка, објави Курир.мк. Според неофицијални информации до кои дојде КУРИР, убиството се случило поради сообраќајна несреќа.Според очевидци, две лица се здобиле со прострелни рани во воружената пресметка која се случила во близина на пругата пред кванташки пазар. Велат дека едно од лицата било починато.Текстот во целост на курир.мк

Скопје | пред 7 години

7 год.

МВР : Едно лице повредено во престрелката во Маџари, приведени двајца

Едно лице е повредено во престрелката која претпладнево се случила во скопско Маџари, а две лица се приведени, информираат од Министерството за внатрешни работи за КУРИР.-Пријавено е пукање околу 11 часот на улица „Благој Стефковски“. До сега имаме пријавено едно повредено лице, а имаме и двајца приведени. Наши екипи се на терен и го расчистуваме случајот, велат од МВР за КУРИР.Инаку, според неофицијални информации, во инцидентот учествувале две семејства кои од порано имале нерасчистени сметки, а престрелката продолжила и по околните улици па неколку од куршумите завршиле и во возила на случајни минувачи.

Скопје | пред 7 години

7 год.

(Вознемирувачко ФОТО и ВИДЕО) Австралија гори, шокантни фотографии од изумрени животни

Температурите уриваат стогодишни рекорди во Австралија. Жешкиот бран според метеоролозите ќе трае пет дена. Метеорологот Роб Шарп најавува исклучително високи температури , според него петок е денот најопасен за пожари. Во моментов низ Австралија горат повеќе од 200 пожари.Екстремните температури и сушите доведоа до масовно умирање на животните. Прво се појавија информации дека на бреговите на реките се појавиле милиони мртви риби, а потоа медиумите објавија дека жештината за само два дена убила дури третина од лилјаците во Нов Јужен Велс.Австралија не памти вакви жештини и суши, а доказ за тоа е и фактот дека тие во изминатите денови предизвикале масовно изумирање на дивите коњи. Ренџерите пронашле повеќе од 90 дехидрирани диви коњи. Уште 200 биле најдени во исклучително тешка ситуација и биле еутаназирани.

Свет | пред 7 години

7 год.

Нема фотографија

Вонредни инспекциски надзори на Државниот Инспекторат за Животна Средина еве кои правни субјекти се на удар?

Согласно Извадокот од Нацрт-Записникот од Четириесеттата седница на Владата на Република Македонија, одржана на 28.11.2017 година, Точка 39: Информација за квалитет на воздухот во Република Македонија за октомври 2017 година, со Извештај за работата на Интерсекторската работна група (ИРГ) и предлог-мерки, Заклучок 7 со кој се задолжува Државниот Инспекторат за животна средина при надминување на прагот на алармирање, веднаш да започне со вршење зачестена контрола на инсталациите кои што поседуваат А-ИСКЗ дозвола информираме дека од страна на Инспекторатот се извршени вонредни инспекциски надзори од страна на Државни Инспектори за животна средина од Скопје, Струмица, Битола, Гостивар и Тетово во следните правни субјекти:Град Скопје:На територијата на Град Скопје извршени се инспекциски надзори кај инсталации со влијание врз квалитетот на амбиентниот воздух.1. Цементарница Усје А.Д-СкопјеПоради годишни ремонтни активности двете печки во цементарницата сеуште се во ремонт и не работат. Ротирна печка бр.3 е изгасната од 04.01.2019 година, а ротирна печка 4 е изгасната уште на 27.12.2018 година. Месечни и неделни извештаи се достапни за јавноста на интернте страната на цементарницата www.usje.com.mk, односно http://usje.com.mk/upload/pdf/MONTHLY_REPORT_2018_DECEMBER.pdfПоследните мерења на емисии од континуираниот мониторинг на параметрите прашина, сулфурен диоксид и азотни оксиди на двете печки покажуваат дека нема надминување на граничните вредности.2. Балкан Енерџи ДООЕЛ-СкопјеПоседува А-Дозвола за усогласување со оперативен план бр.11-1390/2 од 31.01.2014 (за топлана Исток) и А-дозвола за усогласување со оперативен план бр.11-920/1 од 28.01.2015 (за Tоплана Запад). Како енергенс се користи природен гас. Од презентирани лабoраториски извештаи од извршен мониторинг концентрациите на СО, NОх, SО2 и прашина се во рамките на гранични вредности.Истовремено со ставање во производна функција на правниот субјект ТЕ-ТО-Скопје, Топлана Исток работи со помал производен капацитет во текот на грејната сезона поради преземање на топлинска енергија од истиот, со што значително се намалуваат емисиите во воздухот. Исто така намалување на емисии во воздухот има и во Топлана Запад бидејќи голем дел од преземената енергија се пренесува и кон мрежата на Топлана Запад.3. Макстил, А.Д-Скопје (комплекс Железара)Правниот субјект Макстил АД Скопје, работи од 16.01.2019 година за што известен е ДИЖС. Еднодневен прекин направен е на 21.01.2019 година. Согласно А дозволата за усогласување со оперативен план врши мониторинг на емисии со акредитирани лаборатории а резултатите се во ГВЕ. Извештаите со резултатите се доставуваат до ДИЖС и до МЖСПП.4. Арцелор Митал, А.Д-Скопје (комплекс Железара)Правниот субјект Арцелор Митал АД Скопје, моментално работат погоните пластификација и жарни печки. А погоните поцинкална, тандем и лужилница не работаат. Согласно А дозволата за усогласување со оперативен план врши мониторинг на емисии со акредитирани лаборатории а резултатите се во ГВЕ. Извештаите со резултатите се доставуваат до ДИЖС и до МЖСПП.5. ЈП Улици и Патишта, Асфалтна База-Скопје (комплекс Железара)Асфалтната база 01.01.2019 година не работи поради редовни ремонтни активности. За отпочнувањето со работа ќе биде известен ДИЖС.6. ТЕ-ТО, СкопјеЕлектраната користи како енергенс исклучиво природен гас, поради што емисии на ПМ не се мониторираат затоа што не се ни очекуваат. Од приложениот листинг на емисии од системот за континуиран мониторинг за деновите 18, 19 и 20.01.2019 година за параметрите азотни оксиди и јаглероден моноксид нема надминување на граничните вредности, евидентно е дека ТЕ-ТО работел во континуиран режим до саботата 19.01 кога вечерта околу 22 часот е прекината со работење. Повторен старт е забележан во недела 20.01 во утринските часови, а истата вечер повторно е запрено работењето. Утрината 21.01 електраната е повторно во погон по принципот старт-стоп.7. ЕЛЕМ, Енергетика (комплекс Железара)Топлинска енергија комплекс Железара е во работен режим, како енергенс користи природен гас.8. ЏОНСОН МЕТИ, населба Илинден ТИРЗ БунарџикПриложени се мерења од акредитирана лабораторија за животна средина од 13 мерни места од фабриката. Мерењата и анализите не покажуваат надминување на граничните вредности.9. АЛКАЛОИДПоседува А-Дозволи за усогласување со оперативен план бр.11-3013/3 од 11.03.2014 година за погонот во Ѓорче Петров за ПЦ Хемија, Козметика, Билка; бр.11-3074/3 од 11.03.2014 за погонот во Ѓорче Петров ПЦ Фармација и за локацијата во Автокоманда дозволата бр.11-3636/1 од 06.04.2012 година.Од извршен увид во лабораториските извештаи од извршен мониторинг во горе наведените погони и врз основа на податоците добиени од извршените мерења и анализи на емисијата на загадувачки супстанции во воздухот може да се констатира дека нема надминување на граничните вредности.10. ПИВАРАПоседува А-Интегрирана еколошка дозвола бр.11-7427/3 од 08.08.2012 година.Презентиран е лабораториски извештај, мерењата за емисии во воздухот се вршат на три мерни места. Врз основа на податоците добиени од анализите може да се констатира дека согласно со Правилникот за граничните вредности за дозволените нивоа на емисии и видови на загадувачки супстанции во отпадните гасови и пареи кои ги емитираат стационарните извори во воздухот (Сл.весник на РМ бр.141/10) нема надминување на гранични вредности на трите мерни места. Котларата како енергенс користи природен гас.11. Асфалтна База Бауер (комплекс Железара)Асфалтната база 01.01.2019 година не работи поради редовни ремонтни активности. За отпочнувањето со работа ќе биде известен ДИЖС. Моментално околу асфалтната база спроведуваат мерки за подобрување на животната средина со засадување на садници.12. ДППУ ХРОМОС ПЕСТИЦИДИ ДОО-СкопјеПоседува А-ИСКЗ Дозвола бр.11-1575/4 од 31.10.2018 година. Правниот субјект има извршено мониторинг на емисија на загадувачки супстанции во воздухот. Врз основа на податоците добиени од извршените мерења може да се констатира дека нема надминување на гранични вредности во воздухот. Целосно е запрен производниот процес од Октомври 2018 година.13.Асфалтна база ГД ГРАНИТ-Лепенец-СкопјеПоседува А-Дозвола за усогласување со оперативен план бр.11-958/1 од 28.01.2011 година.Презентиран е лабораториски извештај од извршени мерења и анализа на концентрација на штетни материи и вкупна прашина во излезни гасови од емитер (оџак), концентрација на РМ10 честички. Добиените резултати од оџакот на асфалтната база, потоа вкупната прашина и суспендираните РМ10 честички се во рамките на гранични вредности.Моментално, инсталацијата работи повремено, а почнувајќи од 21.01.2019 година ќе работи во зависност од временските прилики.14.ЈП МАКЕДОНИЈА ПАТ (асфалтна база Лепенец)-СкопјеПоседува А-Интегрирана еколошка дозвола бр.11-447/3 од 25.01.2017 година.Презентиран е лабораториски извештај од извршени мерења и анализа на концентрација на штетни материи и вкупна прашина во излезни гасови од емитер (оџак), концентрација на РМ10 честички. Добиените резултати од оџакот на асфалтната база, потоа вкупната прашина и суспендираните РМ10 честички се во рамките на ГВЕ.Во овој момент асфалтната база не работи. Повторно вклучување во производен режим се очекува во почетокот на Март -2019 година.15. ДПТУ РЕЦИКЛ-ЕКО СТАРТ ДОО-СкопјеПоседува А-Дозвола за усогласување со оперативен план бр.11-165/1 од 05.02.2015 година.Овој оператор моментално целосно го има сопрено производниот процес.16.АДИНГ АД-СкопјеПоседува А-Дозвола за усогласување со оперативен план бр.11-416/3 од 13.01.2014 година.Презентиран е лабораториски извештај од извршени мерења на емисии во воздух. Резултатите од извршените мерења на емисија на загадувачки супстанции во воздухот, не отстапуваат од граничните вредности согласно Правилникот за граничните вредности за дозволените нивоа на емисии и видови на загадувачки супстанции во отпадните гасови и пареи кои ги емитираат стационарните извори во воздухот (Сл.весник на РМ бр.141/10).Останати инсталации во Скопје не се во функција одамна (ОХИС, Рафинерија, Скопски Легури, МЗТ Леарница...)Општина Битола, Ресен:1.РЕК Битола, ЕЛЕМНаправен е редовен инспекциски надзор на 27.12.2018 година во врска со автоматските мерни станици за квалитет на амбиентниот воздух лоцирани на 3 локации во опкружување на РЕК Битола и тоа во : с.Дедебалци, с.Рибарци, с.Гнеотино.Од прикажаните резултати не се забележани надминување на МДК на параметрите (за имисија).2.Асфалтна База ГД Гранит, БитолаНе работи од 07.12.2018 година.3.Асфалтна База ЈП Македонија Пат, БитолаНе работи од декември 2018 година.4.Тулана Нова Слога 2007, РесенНа 21.01.2019 година, прекинува со производство. Печката ќе работи уште една седмица. При редовен инспекциски надзор во декември 2018 година и при увид во извршени мерења на емисија од испуст на печка и од сушара не се забележани надминувања на гранични вредности.Општина Тетово:1. ЗЗ ЕДИНСТВО с.ЧЕЛОПЕК-БРВЕНИЦА - Инсталација за одгледување на свињи;Задолжение во рок 3 (три) дена да се врши вонредни мерења на емисии.2. А.Д. ТЕАЛ ТетовоЕлектро-печка не работи веќе 8 (осум) дена истата е во ремонт и ќе почне со работа на 01.02.2019 год, последни мерења се извршени на 26.11.2018 год. и тоа:Над Топилница- NH4= 12,7 mg/m3, SO2= 0,0 mg/me, NO2= 0,95 mg/m3 и параметрите се во граница на дозволени гранични вредности.3. МИКЕЛИ ЕФРАИМ ДООЕЛ с.ПОРОЈ - ТетовоСо Известување до ДИЖС, МИКЕЛИ ЕФРАИМ ДООЕЛ не работи од 01.11.2018 год. до 01.03.2019 год.4. А.Д. МЛЕКАРА ТетовоЗадолжение во рок 3 (три) дена да се извршат вонредни мерења на емисии.5. Тетекс АД - Општина Тетово (Инсталација за производство на текстилни производи)Емисиите во воздух се испуштат од енерганата која е во рамките на инсталацијата. Моментално е вклучен само еден котел кој работи на мазут, со ангажирана вообичаена моќност од 50% (вкупниот користен капацитет на енерганата е 8%). Досега нема промени во однос на работењето на инсталацијата од извршениот последен надзор од 18.12.2018 година. Субјектот е задолжен да изврши мерења на емисиите во воздух во рок од 30 дена. Од крај на Декември 2018 до Февруари 2019 година инсталацијата е во прекин со работа. Согласно последните мерења на емисии во воздух резултатите на емисиите се во рамките на граничните вредности.6. Тетекс Јарн Гроуп - Општина ТетовоЕмисии во воздух се испуштат од работата на котел за затоплување на водата кој како енергенс користи мазут. Моменталниот капацитет на користење на котелот е околу 60% средна неделна вредност, а истиот се користи 12 часа дневно. Досега нема промени во однос на работењето на инсталацијата од извршениот последен надзор од 18.12.2018 година. Субјектот е задолжен да изврши мерења на емисиите во воздух во рок од 30 дена. Согласно последните мерења на емисии во воздух резултатите на емисиите се во рамките на граничните вредности.7. Блуе Енерџи - Општина ТетовоА-ИСКЗ инсталација работи со нормален режим на работа во една смена, Надзор во инсталацијата е направен на 15.01.2019 година. Правниот субјект е задолжен да направи мерења на емисиите (SO2, NO2, CO, прашина ) на излезни гасови на котелот за загревање во процесот на дестилација и на котелот на загревање на процесот, од отпадните води излез пречистителната станица со решение во инспекциска постапка од 17.01.2019 година.8. Њу Кантри (поранешна Супер Ег Пакинг) - Општина БрвеницаА-ИСКЗ инсталација, поранешната Супер Ег Пакинг сега Њу Кантри не работи и инсталацијата е вон функција од 30.10.2018 година.9. Југохром Алзар - Општина ЈегуновцеНе работи согласно забраната издадена од ДИЖС, констатирано со Записник ИП1 16-IX-143/9 од 25.10.2018 година година и Решение ИП1 16-IX-143/9 од 30.10.2018 година.10. Везе Шари - Општина ЖелиноПравниот субјект има обврска да изврши мерења на емисии во воздух два пати годишно согласно условите во А-Дозволата за Усогласување со Оперативен План-ДУОП, каде не се вклучени параметри за прашина (цврсти честички). Инсталацијата функционира во редовен режим на работа и редовно ги следи емисиите од истата. Согласно резултатите од последните мерења од 2018 година (Април и Ноември), емисиите се во рамките на граничните вредности.11. МОБАКС ДООЕЛ Тетово (Елаборат-производство мебел)Зап.ИП1.Бр.16-36 од 22.01.2019 год.Задолжение во рок од 3 (три) дена да извршат мерење на штетни гасови.12. ФУРНИТУРЕ НЕВ ДЕСИГН ДООЕЛ Тетово (Елаборат-производство на мебел)Зап.ИП1.Бр.16-37 од 22.01.2019 год.Задолжение во рок од 3 (три) дена да извршат мерење на штетни гасови13. МОЛИКА ВИЃИЛЕНТ ДОО Тетово (Елаборат-производство на мебел)Зап.ИП1.Бр.16-38 од 22.01.2019 год.Поседува мерење на ПМ10 мерени на Декември со Резултат Бр.14-101/2018 од 20.01.2019 година со Заклучок дека концентрацијата на прашината (суспендирани честички до 10 микрометри) PM10 во амбиентниот воздух е: 45,97 mg/m3 и е на дозволените гранични вредности (ГВ).14. А.Д. ИНДУСТРИСКИ ЛАДИЛНИК Тетово (Елаборат-зеленчук и овошје складирање во ладилник)Зап.ИП1.Бр.16-39 од 22.01.2019 год.Поседува мерење на ПМ10 мерени на Декември со Резултат Бр.14-101/2018 од 20.01.2019 година со Заклучок дека концентрацијата на прашината (суспендирани честички до 10 микрометри) PM10 во амбиентниот воздух е: 45,97 mg/m3 и е на дозволените гранични вредности (ГВ).Општина Струмица:1.АД за Неметали Огражден СтрумицаИзготвен е записник ИП1 19.1-3 од 21.01.2019 година во кој е констатирано дека нема загадување на животната средина, во Автоматски млин не се обавува технолошки процес.Доставено е на увид известување бр.03-33 од 18.01.2019 година од АД за Неметали Огражден Струмица до Министерство за животна средина и просторно планирање и Државен инспекторат за животна средина дека Автоматски млин на АД за Неметали Огражден Струмица заради намален обем на работа т.е заради намалена побарувачка на фелспад нема да работи од 18.01.2019 година до 22.01.2019 година.2.АД ИГМ ЕленицаДоставено Известување за престанок со работа на капацитетот АД ИГМ Еленица Струмица бр.03-26/1 од 10.01.2019 година до Државниот инспекторат за животна средина дека субјектот престанува со работа на 10.01.2019 година во 10 часот и дека за започнување со работа ќе достави дополнително писмено известување.Општина Гостивар:1.ВАРДАР ДОЛОМИТ - ГОСТИВАРСо записник број 19-1/XIV/17 на 21.01.2019 е констатирано: правниот субјект последните редовни мерења ги има извршено на 25.12.2018.Мерењата ги има извршено Еуромак Контрол, Скопје акредитирана лабораторија за животна средина и според извештајот на испитување со бр. 285/18 се извршени мерења и анализа на концентрација на загадувачки супстанции и вкупна прашина во отпадни гасови од шахтна и темпер печка, концентрација на вкупна прашина од старо млинско и ново млинско, концентрација на PM10 честички и анализа на отпадна вода.Според добиените резултати од извештајот на испитување со бр. 285/18 PM10 честички се со вредност од 12,93 μg/m3 со гранични вредности на емисии-ГВЕ 50 μg/m3.Концентрацијата на CO, SO2, и NOx (Јаглероден Моноксид, Сулфур Диоксид и Азотните Оксиди со единици mg/Nm3) во мерните места оџак на шахтна печка и темпер печка се под границите на ГВЕ.Цврстите честички односно вкупната прашина се измерени (mg/Nm3) од шахтна и темпер печка, старо и ново млинско со резултати од сите 4 мерни места под МДК.Вардар доломит идната недела има закажано редовни месечни мерења на шахтна печка и редовни квартални мерења во месец Март за кои ДИЖС прави редовни инспекциски увиди.Што се однесува на другите А-ИСКЗ-инсталации во Гостивар:Горни Полог има само емисии во вода.Тулана (нема добиено дозвола поради не исполнување на минималните технички услови) не работи од Ноември 2018 година поради сезонско работење. При поновно работење ќе добие забрана за работа од страна на ДИЖС.Асфалтна База Прогрес 98 не работи поради сезонско работење.Асфалтна База Пелагонија не работи поради сезонско работење.ПРГ ДООЕЛ (завршија со експерименталниот дел работат на студијата и А-ИСКЗ дозволата) не работат од Јуни 2018 поради немање на руда.Швис Метод - Чегране не работи поради сезонско работење.Инспекциски надзори продолжуваат да се одвиваат согласно Кварталните Планови за работа на секој Државен Инспектор за животна средина, а за истите јавноста периодично ќе биде известувана.

Македонија | пред 7 години

7 год.

Се подобруваат услугите на УЈП и Царина за фирмите - се дигитализираат сите процеси

Навремен и неселективен поврат на ДДВ преку модул за автоматски поврат, електронско следење на плановите за јавните набавки, како и електронско обработување на царинските декларации и акцизните документи. Министерството за финансии заедно со УЈП и Царинската управа минатата година работеше на дигитализација на процесите сѐ со цел подобрување на услугите за граѓаните и фирмите.- Управата за јавни приходи направи Модул за автоматски поврат и пребивање даноци кон сите даночни обврзници. Главната цел е прецизно и навремено извршување на повратот и пребивањето даноци кон даночните обврзници, информира министерот за финансии, Драган Тевдовски.Модулот за автоматски поврат и пребивање ќе стартува во текот на оваа година.Паралелно, во насока на подобрување на услугите за фирмите, минатата година Министерството заедно со Царинската управа работеше и на Системот за управување со царински декларации.Системот за управување со царински декларации на почетокот на февруари ќе почне да се применува на 11 пилот-проект царински испостави, а веќе од средината на годината ќе почне да се применува во сите царински испостави во земјава.- На овој начин, за фирмите, значително се скратуваат трошоците и се намалува времето во подготовка и поднесување на документите. Сите документи ќе се поднесуваат електронски од која било точка во која било царинска испостава. Наша цел е да се автоматизираат процесите и со тоа да им се понудат подобри услуги и на граѓаните и на компаниите, вели Тевдовски.Системот за обработка на царински декларации и акцизни документи ќе овозможи и размена на податоците со другите институции, како на пример, со Управата за јавни приходи при поднесување ДДВ пријави кон кои се поднесуваат царински декларации или со Заводот за статистика и Народна банка за податоци за увоз и извоз.

Македонија | пред 7 години

7 год.

Во Тетово презентирани досегашните резултати на проектите од 02 предизвикот

Во Технолошкиот парк во Тетово, денеска беа презентирани досегашните резултати од спроведувањето на проектите избрани во рамките на Јавниот повик за финансирање на проекти за намалување на загадувањето на воздухот во урбаните средини во Република Македонија „О2 предизвик“.Јавниот повик го спроведе Фонд за иновации и технолошки развој во соработка со Министерството за животна средина и просторно планирање (МЖСПП), Програмата за развој на Обединетите нации (УНДП), О2 Коалиција, Град Скопје, Еко Свест чија цел беше иницирање иновативни идеи и акции кои ќе поттикнат решавање на проблемот со загадувањето.На настанот се обратија Јован Деспотовски, директорот на Фонд за иновации и технолошки развој (ФИТР), заменик-министерот за животна средина и просторно планирање, Јани Макрадули и градоначалничката на Општина Тетово, Теута Арифи.„Справувањето со овој проблем кој сите не засега, бара сеопфатна акција на институции, чинители и на поединци. Денес го презентираме придонесот кој го дава ФИТР кон решавање на проблемот со загадувањето на воздухот преку проекти кои нудат конкретни ефекти“, изјави Јован Деспотовски, директор на ФИТР. Тој нагласи дека покрај овој тематски повик, ФИТР и во рамките на другите инструменти поддржува уште десетина проекти кои се занимаваат со заштита на животната средина. “Се надевам дека со овие петнаесетина решенија ќе можеме да ги почувствуваме позитивните ефекти во скоро време.“Заменик министерот за животна средина Јани Макрадули очекува проектите да најдат примена во секојдневието.“Денес видовме решенија кои може да се спојат со мерките предвидени во владината Програма за намалување на аерозагадувањето, која беше усвоена на вчерашната седница.“Тетово во последниве години активно работи на примена на мерки кои придонесоа кон тоа градот да не биде највисоко на листата на најзагадени места во земјава, нагласи Теута Арифи, градоначалник на Тетово.“Соработката и заедничкиот ангажман на сите релевантни фактори се повеќе од неопходни за да се промовира и заштити здравата животна средина и да се подобри квалитетот на воздухот. Поради тоа особено е важен придонесот на компаниите кои со своите креативни идеи и проекти, како овие, работат на изнаоѓање конкретни решенија.“Домаќинот, „Бизнис енд иновејшн центар“ од Тетово го презентираше софтверското решение и бизнис моделот за инвестиции за замена на стари грејни системи во домаќинствата со нови. Моделот треба да биде пилотиран во општина Тетово, а потоа да се применува и во други места. Целта е преку овој портал да се креираат индивидуални, енергетски и финансиски ефикасни решенија кои ќе придонесат кон намалување на загадувањето.Компанијата „Еко Солар“ од Штип го презентираше технолошкото решение за изработка на соларен воздушен колектор со ротирачки ќелии кој го загрева воздухот со помош на сончева енергија и помага за догревање на просториите. Колекторот треба да служи како дополнување на постоечкиот ситем за греење.Компанијата „Бизифај“ од Битола изработи течност од еколошки полимери која има способност да ги апсорбира штетните ПМ 2,5 и ПМ 10 честитчки и треба да се користи за прскање на градежни површини и патишта. Посебноста на овој процес е што на третираните површини може да расте вегетација, таа ја задржува влагата во почвата и спречува ерозија.„Технобен Нова“ од Прилеп претстави плочест топлиноразменувач со вграден Вентури апарат како интегрирана целина за прочистување на гасовите што се испуштаат од одредени индустриски објекти. Тој е веќе пилотиран и вграден во нова фабрика во Битола.Проектот на компанијата „Венито Комерц“ од Кавадарци е развивање на нов систем на градски превоз со електрични велосипеди кои имаат вградени филтри за прочистување на воздухот.Јавниот повик кој беше распишан на крајот на октомври 2017 година и траеше 25 дена, беше спроведен од страна на ФИТР, во соработка со Министерството за животна средина и просторно планирање, како и претставници на невладиниот сектор во областа и Град Скопје.

Македонија | пред 7 години

7 год.

Злато за македонските хокеари

Огромен успех на македонската хокеарска репрезентација. Во големото финале на „Девелопмент купот“, остварувајќи голем триумф над селекцијата на Португалија која едноставно се покажа како недораснат противник за нашата селекција.Нашата репрезентација стигна до биланс од пет победи на пет одиграни натпревари на турнирот кој се одржа во германскиот град Фусен, докажувајќи дека немаат достоен ривал во оваа конкуренција на репрезентации кои немаат изградено затворени хокеи арени.

Спорт | пред 7 години

7 год.

Закани за „Титанк 3“, Фетаи ги обелодени: „Ти си наша, може лесно да поминеш‘, ама на тој каурот ќе му ја расплачеме фамијата“

Во кривичниот суд во Скопје повторно се одложи рочиштето за предмертот на СЈО „Титанк 3“ во кој се обвинети Ејуп Алими и Исмет Гури. Пред да биде одложено денешното рочиште во предметот „Титаник 3“, за изборни нерегуларности во Чаир каде се обвинети дошло до препукување меѓу обвинителите на СЈО и одбраната на обвинетиот пратеник од ДУИ, Ејуп Алими. „Сакам да кажам“ пренесува дека Алими им се обратил на обвинителите од СЈО Гаврил Бубевски и Фатиме Фетаи во врска со еден од клучните сведоци на СЈО кој требаше да даде исказ на денешното рочиште.Алими им рекол на обвинителите дека одбраната е поревносна од нив и дека до судот доставила венчаница со адресата на сведокот, а дека СЈО ништо не прави во врска со тоа.Тогаш, Бубевски му рече: „Да, да, вие сте подобри од нас, секако“.Адвокатот Мефаил Арслани му одговори: „Да, подобри сме, секако“.Бубевски искоментира: „Да, добри сте и кога ми се заканувате.“„Кој ви се заканувал“, праша адвокатот.Фетаи возврати: „Па ти беше тој што ми ја пренесе заканата дека ’ти си наша, може лесно да поминеш‘, ама на тој каурот ќе му ја расплачеме фамијата“.Гури и Алими се обвинети дека ги преправале записниците од гласањето на локалните избори во Чаир во 2013 година. Судењето продолжува на 22 февруари, кога се очекува да биде обезбеден сведокот и со тоа судот јасно кажа дека изјавата на сведокот дадена во истрагата нема да се чита, туку ќе се оди на физичко обезбедување на клучниот сведок.

пред 7 години

7 год.

(ВИДЕО) Дедото кој порачуваше „Да Вежбате“, по потекло е од Македонија, ќе прифати ли да биде манекен?

82 годишниот дедо од Загреб кој ги нападна пензионерите и останатите кои се жалат за своето здравје и епидемија на грип, дека сето тоа им е од немање активност и не вежбање, по потекло е од Македонија. Тони, како се претстави при давањето изјава во центарот на Загреб е всушност Таљат Селмани, роден во гостиварски Вруток.Тој во Хрватска бил повеќе од 60 години, таму служел војска, се заљубил во некоја девојка и решил да остане во оваа земја. И покрај тоа што младата дама не останала негова животна сопатничка, тој останал во Загреб, каде ја сретнал Нада, неговата сопруга со која ден денес е во среќен брак, како што вели самиот.Се бавел со манекенество долги години, а изминатите дваесет е пензионер кој води активен живот и е здрав и витален.Имено, Тони во младоста работел како модел и соработувал Вартекс како бренд уште од времето на поранешна Југославија, но сега од оваа компанија му понудија повторно да ја рекламира нивната облека.Кога го контактирале Тони, тој бил воодушевен што повторно ќе има прилика да соработува со нив.„И порано работев за Вартекс, компанијата секогаш имаше репутација, не смее да пропадне и јас ќе им помогне колку што можам. Парите воопшто не ми се важни, сакам да им помогнам на Вартекс да им тргне работата, а јас ќе работам и дење и ноќе, ако тоа биде потребно. Тоа е квалитет од памтивек “, вели во еден здив овој симпатичен пензионер, а пренесе Индекс.Инаку, Тони се прослави во целиот регион откако даде изјава на новинарите од телевизијата Н1 кои случајно го сретнаа на улица додека се шеташе низ плоштадот низ Загреб и го прашаа што мисли за грипот.„Не постои грип, злато мое, 82 години, никогаш болен, никогаш кај доктор. Тоа запомнете го сите. Срамота, пензионерите ни го уништија здравството. Ме боли раката, ме болат нозете, сé ме боли… Па вежбај, пи*ка ти мајчина“, порача пред камерите овој 82 годишен старец.Во продолжение видеото кое го прослави Таљат Селмани:

Магазин | пред 7 години

7 год.

Утре, одбележување на годишнина од раѓањето на Тоше Проески

Утре, 25.01.2019, со почеток во 11:30 часот ќе започне „Одбележувањето на годишнина од раѓањето на Тоше Проески“, со полагање на цвеќе на вечното почивалиште на Тоше и со прикладна програма во спомен куќата „Тодор Проески“.Специјален гостин на овој настан е познатата македонската пејачка и пријателка на Тоше Проески, Елена Ристеска, која ќе настапи со интерпретација на неколку песни од Тоше.Организатори на настанот се: Општина Крушево, Спомен куќа „Тодор Проески, Меѓународна фондација „Тоше Проески“, СОУ „Наум Наумовски Борче“ и ООУ „Никола Карев“.

Магазин | пред 7 години

7 год.

Манчевски ја доби наградата Eastern star на Trieste филмскиот фестивал во Италија

На јубилејниот 30. Mеѓународен филмски фестивал во Трст, Италија (18-25 јануари) на македонскиот филмски режисер Милчо Манчевски му беше доделена наградата Eastern star за достигнувања во областа на кинематографијата. Досегашни добитници на оваа награда се италијанската актерка Моника Белучи, француската актерка Ирен Жакоб и хрватскиот актер Раде Шербеџија.Во чест на заслужниот македонски уметник беше прикажан неговиот најнаградуван филм „Пред дождот“ кој го освои „Златниот лав“ на Филмскиот фестивал во Венеција, беше номиниран за Оскар и освои уште 30 меѓународни награди, а Њујорк тајмс го вброи во 1.000 најдобри филмови на сите времиња.Манчевски ја прифати поканата да земе учество како почесен гостин на филмскиот фестивал на кој му беше само најавено дека ќе биде прикажан „Пред дождот“ токму на јубилејното издание на фестивалот. Проекцијата на овој класик беше распродадена, а авторот поздравен со неколкуминутен аплауз.Раководството на фестивалот му подготви пријатно изненадување на Манчевски поканувајќи го на сцената за време на свеченото затворање на фестивалот за да му ја врачат наградата Eastern star без претходна најава. По тој повод режисерот изјави:“Ме поканија да го одбележиме нивниот 30-годишен јубилеј со „Пред дождот“. Мислев дека одам во Италија на разговор со публиката и на добра паста, ама организаторите ми спремиле изненадување со наградата.”

Магазин | пред 7 години

7 год.

Изложба по повод Меѓународниот ден на сеќавање на холокаустот во КИЦ

По повод 27 јануари – Меѓународниот ден на сеќавање на холокаустот, ќе се одржи изложба „Повеќе од должност“, на 25.01.2019 година, со почеток во 18 часот во Културно информативниот центар (КИЦ).„На отворањето ќе се обратат Н.Е. г. Дан Оријан, Амбасадор на Држава Израел, Н.Е. г. Томас Герберих, Амбасадор на Република Германија, Н.Е. г-ѓа Кеико Ханеда, Амбасадор на Јапонија, Н. Е. г. Емилио Лоренцо Сера, Амбасадор на Кралството Шпанија, Н.Е. г-ѓа Јин Лексиан, Амбасадор на Република Кина, г. Асаф Адеми, министер за култура, и г. Артан Груби, член на Комисија за надворешна политика при Собранието на Република Македонија.Изложбата „Повеќе од должност“ е посветена на Праведници меѓу народните - дипломати признати од Јад Вашем (Меморијаниот центар на холокаустот во Ерусалим). Праведници меѓу народите е израз кој се употребува од страна на Држава Израел со цел да се опишат не-Евреите кои го ризикувале својот живот за време на Втората светска војна, за да ги спасат Евреите од истребување од страна на нацистите.27 јануари, Меѓународниот ден на сеќавање на Холокаустот е меѓународен ден во чест на трагедијата што се случи во текот на Втората светска војна. На овој ден се одбележува геноцидот што резултираше со смрт на околу 6 милиони Евреи, 5 милиони Словени, 3 милиони етнички Полјаци, 200.000 Роми, 250.000 ментални и физички пречки во развојот и 9.000 хомосексуалци од страна на нацистичкиот режим и неговите соработници.Овој ден беше назначен со резолуцијата 60/7 на Генералното собрание на Обединетите нации на 1 ноември 2005 година за време на 42-тата пленарна сесија. Резолуцијата дојде по одржувањето на специјална седница истата година на 24 јануари 2005 година, за време на која Генералното собрание на Обединетите нации ја одбележа 60-годишнината од ослободувањето на нацистичките концентрациони логори и крајот на Холокаустот.Со Резолуцијата 60/7 со која се воспоставува 27 јануари, како Меѓународен ден за сеќавање на холокаустот, ја повикува секоја земја-членка на Обединетите Нации, да го одбележи споменот за жртвите од холокаустот и да го поттикнува развојот на едукативни програми за историјата на холокаустот за да помогне во спречувањето на геноцид во иднина“ се вели во соопштението.

Магазин | пред 7 години

7 год.

Нема фотографија

ВМРО-ДПМНЕ: СДСМ наместо да реализира нови проекти, се фалат со проектите на ВМРО-ДПМНЕ

СДСМ и понатаму продолжува да ги лаже граѓаните. Веќе две години откако СДСМ ја има власта во свои раце, немаат реализирано ниту еден проект, велат од ВМРО-ДПМНЕ.„СДСМ наместо да промовира и реализира нови проекти, се фалат со проектите на ВМРО-ДПМНЕ.Имено СДСМ се фали дека наскоро ќе бидат пуштени во употреба автопатот Миладиновци – Штип и автопатот Кичево - Охрид, но тоа се проекти кој беа оставени во напредна фаза на реализација од владата на ВМРО-ДПМНЕ.Државата и граѓаните станаа жртви на неспособноста и незаинтересираноста на СДСM. Затоа многу скоро граѓаните ќе ги казнат СДСМ за сите црнила кои и ги нанесуваат на Македонија“, се вели во соопштението

Македонија | пред 7 години

7 год.

Нема фотографија

При контрола пронајдено лице кое се барало поради обид за убиство

На 23.01.2019 година во 23.10 часот на Граничен премин „Јажинце“ било приведено лицето П.П.(33) од село Сараќино, тетовско, кој се барал со централен распис за сторено кривично дело „обид за убиство“. Против него има поднесено и кривична пријава затоа што на 16.10.2018 година во село Сараќино со пиштол пукал во 57-годишен жител на ова село.На граничниот премин тој се пријавил како А.Ш.(33) од село Сараќино, тетовско, но при контрола на полициски службеници бил откриен неговиот вистински идентитет. Подоцна, тој бил предаден на СВР Тетово за понатамошна постапка.

Македонија | пред 7 години

7 год.

Багер удри 13-годишно момче

На 23.01.2019 година околу 14.40 часот кај место викано „Врапче“ во Скопје (стар пат за село Батинци), пријавено е дека 13-годишно момче од Скопје било повредено при удар од багер, управуван од Б.Ѓ.(64) од село Долно Лисиче, скопско, вработен во приватна фирма.По укажаната лекарска помош во Градската општа болница „Св. Наум Охридски“, момчето е хоспитализирано вo комплексот клиники „Мајка Тереза“ Скопје. Се преземаат мерки за целосно расчистување на случајот.

Скопје | пред 7 години

7 год.

Комунистичката партија со огромни пароли на Акропол против Преспанскиот договор

Во очи на гласањето на поддршката за Преспанскиот договор, Грчкиот Акропол „закитен“ со огромни паноа против овој договор.„НЕ” за договорот на Ципрас- Заев, за плановите на САД-НАТО-ЕУ, за иредентизам и национализам. „ДА” за пријателство – солидарност и заедничка борба на народите”, пишува на паното што рано утринава осамна на Акропол, закачено од членови на Комунистичката партија и на подмладокот.Од комунистичката партија ги повикуваат граѓаните да учествуваат во анти-империјалистичките протести во Атина, Солун и Лариса, закажани за попладнево.Фотографиите ги објави информативниот портал „902″, што важи за гласник на партијата.

Свет | пред 7 години

7 год.

До утре ќе бидат уништени спорните вакцини

„Македонија лек“ до утре треба да ги уништи МРП вакцините кои имаат декларации со поминат рок. Агенцијата за лекови донела решение за уништување на повеќе 600 вакцини на кои беа залепени декларации со поминат рок, а наредбата веќе е доставена до добавувачот. Вакцините ќе бидат уништени на депонијата „Дрисла“.Од Министерството за здравство информираат дека директорите на здравствените домови во кои беа примени спорните вакцини ќе треба да поведат дисциплински постапки против одговорните лица.Вчера имаше уште четири нови случаи заразени со мали сипаници примени во Килиниката за инфективни болести.

Македонија | пред 7 години

7 год.

Соопштение на Врховниот суд за одржување седница по повод иницијативите во врска со истрагите на СЈО

„Jа информираме јавноста дека согласно член 6 од Законот за изменување и дополнување на Законот за судовите (Сл. весник на РМ бр. 83/18), Врховниот суд на Република Македонија, меѓу другото, има обврска на општа седница да разгледува иницијативи и на адвокати за утврдување начелни ставови и начелни правни мислења.Врховниот суд на Република Македонија ќе одржи општа седница на 30.01.2019 година. Помеѓу другото, на дневниот ред ставена е точка за разгледување на иницијативи на адвокатите Боро Тасевски и Еленко Миланов за донесување на определено начелно правно мислење за правилна примена на закон.Во Врховниот суд на Република Македонија примени се и други иницијативи, кои дополнително ќе бидат разгледани на општата седница на Врховниот суд на Република Македонија“, се вели во соопштението на Врховниот суд.Според информациите, адвокатите поднеле иницијативи во врска со прашањето дали Специјалното јавно обвинителство може да отвора истраги и да поведува обвиненија со оглед на тоа што во членот 22 од Законот за СЈО е определено дека Јавниот обвинител кој раководи со Јавното обвинителство, може да покрене обвинение или да нареди запирање на истражна постапка во период не подолг од 18 месеци од денот на преземањето на предметите и материјалите во негова надлежност.

пред 7 години

7 год.

Сообраќајка во Скопје, пешак се здоби со тешки телесни повреди

На 23.01.2019 година околу во 08.10 часот на паркинг простор на ул.„Козјак“ во Скопје, Т.Т.(28) од Скопје, управувајќи товарно возило „Фиат Фиорино“ со струмички регистарски ознаки, удрил во пешакот Д.И.(77) од Скопје.Од ударот пешакот се здобил со тешки телесни повреди и му била укажана лекарска помош во Градската општа болница „Св.Наум Охридски“, по што бил задржан на лекување. Увид извршила екипа од СВР Скопје.

Скопје | пред 7 години

7 год.

Вечерва Грчките пратеници ќе се изјаснат за ратификација на Преспанскиот договор

Во 9.30 часот денеска продолжува расправата за ратификација на Договорот од Преспа во грчкиот Парламент. Гласањето треба да биде вечерва во текот на ноќта.Првиот ден од пленарната седница во грчкиот Парламентот започна вчера, а од партиите Нова демократија, Демократска алијанса, Златна зора и Независни Грци излегоа со барања и обвинувања до грчката влада, а жестоката дискусија околу процедурални прашања, заврши со отфрлање на приговорите од Нова демократија, Златна зора и Независни Грци, по што започна суштинскиот дел од расправата за ратификација на Договорот од Преспа.На расправата за ратификација на Договорот од Преспа, пријавени за збор се 205 од 300 пратеници.

Свет | пред 7 години

7 год.

Нема фотографија

Осум сообраќајки во Скопје, едно лице потешко повредено

Едно лице е потешко, а десет се полесно повредени во осум сообраќајки што изминатото деноноќие се случиле во Скопје. Во истиот период се случиле уште две сообраќајки во кои е причинета само материјална штета.Санкционирани се 23 возачи за брзо возење, а исклучени од сообраќај се еден возач кој бил под дејство на алкохол, двајца пред да се стекнат со правото за управување на моторно возило и еден возач почетник.Сообраќајната полиција издала 52 казни за непрописно паркирање, а со специјалното возило „пајак“ подигнати се 74 возила.На црвено светло поминале шест возачи, а четворица не поседувале зимска опрема во возилата.

Скопје | пред 7 години

7 год.

Платите растат само кај министрите, Шекеринска, Спасовски, Османи, Анѓушев и Лика со покачувања

Владата по секоја цена сака да им ги зголеми платите на сопствените вице премиери. И покрај жестоките критики од јавноста, во Собранието во понеделник се отвора расправа по Предлог-законот за изменување на Законот за плата и други надоместоци на избрани и именувани лица, со кој замениците на Заев ќе добијат зголемување на месечните приходи за околу осум илјади денари.Ова значи дека од парите на граѓаните ќе се издвојат повеќе од 480 илјади денари. Законот го потпишала Шекеринска, иако зголемување на платите ќе добијат Радмила Шекеринска, Оливер Спасовски, Бујар Османи, Кочо Анѓушев, Хазби Лика.Од партијата Левица која еднаш веќе го блокираше зголемувањето на платите во владата, недомана најавија дека и овој Закон ќе го анулираат со помош на Уставниот суд.

Македонија | пред 7 години

7 год.

Нема фотографија

НАТО ќе не „плесне“ по џебот, колку ќе потроши Македонија?

Настрана од прашањето околу името, зачленувањето во НАТО ќе има реперкусии по нашиот животен стандард, реперкусии кои не смееме да ги занемариме, реперкусии поради кои ниту под уставното име не треба да прифатиме зачленување во НАТО.180.000 евра потрошија за организирање прослави за (евентуалното) зачленување на Македонија кон НАТО. Многумина на ова ќе речат дека тоа не се многу пари – иако самите мака мачат да обезбедат пристоен живот за себе и за своите семејства. Принудени се да внимаваат како го трошат секој денар, а за илјадниците и милионите евра народни пари кои власта ги фрла во ветер, покажуваат зачудувачка ноншалантност. Без да сфаќаат дека токму затоа што Македонија е сиромашна земја треба посебно внимание да се посвети на тоа како власта ги троши народните пари, без да сфаќаат дека тие пари можат да ја ублажат сиромаштијата, ако се правилно искористени, или да нè втурнат во дополнително осиромашување, ако се фрлаат во бунар или завршуваат во приватни џебови.Да зборуваме за паритеАмериканскиот претседател Трамп со нетипична отвореност кажува колку парите се важни кога се зборува за НАТО. Она за што многумина избегнуваат јавно да зборуваат, за да не пресмета јавноста колку се два и два, тој отворено го кажува. Да, НАТО е и воен и политички сојуз, но НАТО е и економски механизам, кој функционира во корист на воената индустрија, чие лоби го застапува Трамп. Со недипломатска упорност тој постојано го врти разговорот на зголемувањето на воените расходи на земјите-членки на НАТО, предизвикувајќи видлива нелагодност кај сојузниците. Се нижат коментари дека НАТО не е приватна компанија за обезбедување, дека Трамп кон останатите членки на НАТО се однесува не како кон сојузници, туку како кон бизнис партнери кои се должни да го испорачаат својот дел од зделката. Постојат и обиди да се релативизира неговата изјава дека е потребно да се одвојуваат не 2 отсто од БДП за „одбрана“, туку двојно повеќе, пишува МКД.мкСегашната влада на СДСМ-ДУИ, подготвена по секоја цена да ја зачлени Македонија во НАТО, веќе ја покажа својата намера да троши повеќе пари за одбрана. Буџетските расходи за одбрана за 2018 година пораснаа за 163 милиони денари во однос на 2017 година, а министерката Шекеринска најави дека со амбициозно темпо планирале да го достигнат нивото од 2 отсто од БДП за одбрана.Директните трошоци за членување на Македонија во НАТО, согласно нивната формула за поделба на трошоците, се „мали“. Тие се утврдуваат според БДП на земјите членки, па со оглед на тоа што Македонија има нешто помал БДП од Албанија, Македонија како членка на НАТО би плаќала приближно ист износ како неа, односно околу 1,2 милион евра годишно. Со оглед на тоа што за интеграција во НАТО во буџетот за 2018 година се предвидени 15,2 милиони евра, директните годишни трошоци за членување во НАТО може да се чинат ниски. Иако со тие 1,2 милиони евра можат да се покријат годишните трошоци за социјална парична помош на дополнителни 1.000 четиричлени семејства, а со тие 15,2 милиони евра – на дополнителни 12.800 четиричлени семејства кои се мачат со сиромаштијата, барем малку ќе им се олеснеше животот.Далеку поопасни се индиректните трошоци кои ги предизвикува членувањето во НАТО, тие фамозни 2 отсто од БДП. Не треба да заведува овој наизглед низок процент! За Македонија во 2017 година да го достигнеше таргетот на НАТО и наместо 0,98 отсто да имаше воени трошоци од 2 проценти од БДП, ќе требаше да одвои дополнителни 104 милиони евра во буџетот за одбрана! Тука не станува збор за 104 денари, туку за 104 милиони евра! Парите не растат на дрво. Тие пари ќе мора да се извлечат на штета на другите буџетски ставки! Кои ќе бидат тие буџетски ставки на кои ќе се „штеди“?Пензискиот систем мора да се одржува преку голем трансфер од централниот буџет. Во 2017 година од Буџетот на РМ до ПИОМ беа префрлени дури 28,5 милијарди денари (463 милиони евра). Како зголемувањето на буџетот за одбрана за повеќе десетици милиони евра секоја година ќе се одрази врз капацитетот на државата да врши трансфер на буџетски средства до ПИОМ? Или, владата планира „елегантно“ да го реши тој проблем, зголемувајќи ја старосната граница за пензионирање?Здравството ни е во катастрофална состојба. Нужно се потребни значителни вложувања за санирање на состојбите. Од каде ќе се обезбедат тие пари ако буџетот биде дополнително оптоварен во значителна мера поради новите крупни издатоци предизвикани од зачленувањето во НАТО? Или, можеби најсоодветно ќе биде власта новите тенкови што сигурно ќе ги купи поради модернизација на вооружувањето согласно НАТО стандардите – да ги паркира пред болниците. За граѓаните, кога ќе добијат лоша здравствена услуга да можат да се тешат: „можеби немаме соодветни апарати по болниците, можеби болниците ни се руинирани, а лекарите бегаат, но затоа може да се гордееме што сме членка на НАТО!“Приврзаниците на НАТО се доста гласни во паушалните тврдења дека зачленувањето во НАТО ќе донесе нови инвестиции. Еве што кажуваат бројките. Во 2017 година вкупниот износ на директните инвестиции изнесуваше 229,1 милиони евра. Просекот на директните инвестиции во последните пет години (2013-2017) е за нијанса повисок – 235,1 милиони евра годишно. Ако главниот адут за зачленувањето во НАТО е зголемувањето на директните инвестиции, тогаш тие преку 100 милиони евра годишно што се подготвени да ги фрлаат на исполнувањето на НАТО стандардите, ако мислат дека тие пари можат да ги најдат во буџетот – нека ги инвестираат. На ниво на директни инвестиции од 235 милиони евра, инвестирањето на дополнителни 104 милиони евра секоја година не може да не се одрази позитивно на намалување на невработеноста и сиромаштијата и подигнување на животниот стандард на народот. Далеку повеќе отколку фрлањето на тие пари за исполнување на НАТО стандардите!Ова го кажуваат бројките и здравиот разум. Настрана од прашањето околу името, зачленувањето во НАТО ќе има реперкусии по нашиот животен стандард, реперкусии кои не смееме да ги занемариме, реперкусии поради кои ниту под уставното име не треба да прифатиме зачленување во НАТО. Пропагандата на властодршците е сеприсутна. Шират ирационални стравови, го лажат народот со празни ветувања и кули во облаци. Но, не смееме да го изгубиме здравиот разум. А ако го изгубиме, тогаш си заслужуваме, нека паркираат по еден тенк пред секоја болница и... да им се восхитуваме.

Македонија | пред 7 години