Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев

Најнови вести

7 год.
Нема фотографија

Најјакиот лек: Го поправа помнењето за 80%, топи маснотии ги подобрува видот и слухот

Еден од најмоќните природни лекови, не само што ќе ви го подобри помнењето за 80%, туку и ќе ви ги истопи масните наслаги со кои се борите со години.Клучната состојка е ренот кој е богат со витамин Ц, калиум, витамините Б1, Б2 и Б6, како и железо, магнезиум и фосфор.Ренот го забрзува метаболизмот, отстранува умор и поттикнува развој на добри бактерии во стомакот.Состојки: 125 грама рен, 4 лимони, 3 лажици мед, 2 лажици цимет и парче ѓумбир (околу 2 сантиметри).Подготовка:Во блендер испасирајте ги ренот и ѓумбирот. Исцедете сок од лимон, додајте го во блендерот, добро измешајте, па додајте мед и цимет. Добра поврзаната смеса ставете ја во стаклен сад.Два пати дневно земајте по една лажица од смесата пред оброк, а доколку вежбате тогаш пред тренинг.Практикувајте го ова три недели и нема да се покаете кога ќе ги видите феноменалните резултати.

Магазин | пред 7 години

7 год.
risteski-696x413

ВИДЕО: Внукот на Тоше во Лондон ја сними својата прва соло песна

Внукот на Тоше Проески, Кристијан Ристески ја сними својата прва соло песна во студиото на познатиот продуцент Енди Рајт во Лондон.Песната се вика „We are blood“ и Кристијан ќе ја изеде на концертот во чест на Тоше кој ќе се одржи на втори ноември во арена Борис „Трајковски“.[embed]https://www.facebook.com/kristianristeski.9/videos/10209734318273859/[/embed]Кристијан денеска објави дел од спотот на својот Фејсбук профил.

Магазин | пред 7 години

7 год.
Нема фотографија

Црвен метео аларм на Јадранот, се очекуваат бранови од шест метри

Поради обилните дождови и невремето кои се очекуваат во поголем дел од Јадранот, на сила е црвен метео аларм, додека за останатите делови на Хрватска вклучен е жолт аларм, пренесе српски „Блиц“.Најлошо, според прогнозите, ќе биде на Истра, каде денеска јужниот ветер е засилен, а во Лабин е измерен ударот на ветерот од 96 километри на час, пренесе Индекс.хр.На Истра утре се очекува невреме со силен јужен ветер, а како што наведува државната метеоролошка служба, средната брзина на ветрот ќе изнесува до 90 километри на час, а најсилниот удар ќе биде над таа брзина.Исто така, се очекува и обилни врнежи од дожд, некаде и повеќе од 100 литри по квадратен метар. Големи количини дожд се очекуваат и во далматинското крејбрежје.

Свет | пред 7 години

7 год.
Нема фотографија

Бројот на жртви во синагогата во Питсбург се искачи на 11

Бројот на жртви во вооружениот инцидент што се случи во синагогата „Дрво на животот“ во Питсбург се искачи на 11, а над десет лица се повредени, од кои шестмина полицајци.Напаѓачот Роберт Бауерс (46) вчера влезе во синагогата и почна да пука и да вика „Сите Евреи мора да умрат“. Во синагогата за време на нападот имаше околу сто луѓе.Бауерс по пукањето се предаде на полицијата и е во притвор.Американскиот јавен обвинител Џеф Сешенс најави дека Министерството за правда ќе подигне обвинение против Бауерс за злосторство од омраза и други злосторства кои би можеле да доведат до смртна казна.– Омразата и насилството на верска основа немаат место во нашето општество, истакна Сешенс.Тој додаде дека таквите злосторства се за осуда и се во спротивност со вредностите на американската нација.

Свет | пред 7 години

7 год.
policija-3-640x382

Скопјанец се сомничи за кражба во Брза пошта, вработената ја заклучил во тоалет

Основното јавно обвинителство Скопје донесе Наредба за спроведување истражна постапка за едно лице за сторено кривично дело Разбојништво од чл. 237 ст.1 од Кривичниот законик. Лицето е осомничено дека на 16.10.2018 година, заканувајќи се со пластичен пиштол, извршил разбојништво во канцеларија на Брза пошта во Аеродром, при што одзел значителна сума пари, а вработената ја заклучил во тоалетот и избегал. При извршување на грабежот лицето не било маскирано. По неговото идентификување и лишување од слобода, извршено е и препознавање на осомничениот.Надлежен јавен обвинител до судија на претходна постапка достави Предлог за определување мерка притвор за осомничениот, но судијата донесе Решение со кое на лицето му определи мерка куќен притвор.

Скопје | пред 7 години

7 год.
Нема фотографија

ВМРО-ДПМНЕ: Додека криминалниот картел на Заев брои милиони на своите сметки, граѓаните се борат за егзистенција

Додека криминалниот клан на власт предводен од Зоран Заев ги брои милионите на своите сметки, граѓаните секојдневно тонат во сиромаштија и се борат за својата егзистенција, реагираат од ВМРО-ДПМНЕ.-Државата во рацете на кланот Заеви е третирана како лична сопственост, а буџетската сметка како лична банкарска сметка на криминалниот картел која служи за исплата на партиски и државни функционери, преку криминалните грантови и тендери. Над 460.000 граѓани секојдневно гладуваат, живеејќи на работ на сиромаштија. На граѓаните им се враќаат спомените од мрачните 90-ти и криминалната транзиција, фирми кои заминуваа во стечај и олигарси блиски до власта кои ги бројат своите милиони. Од ветените проекти за намалување на сиромаштијата, единствено остварено ветување е мерката за укинување на радиодифузната такса од 130 денари. Психолошката граница на задолженост од над 50% од БДП е веќе пробиена, а државата со сигурност се движи кон т.н. „грчко сценарио“ и банкрот, се наведува во соопштението на ВМРО-ДПМНЕ.Од партијата порачуваат дека владата на СДСМ треба да одговори кога граѓаните ќе ја добијат платата од 500 евра?-Заев треба јавно да објасни кога докторите ќе ја добијат платата од 100.000 денари, на истиот начин на кој што ги делеше и своите ветувања. Нема ништо од ветувањето за младинската гаранција, нема ни трага ни глас од двојно поголемите стипендии за студентите, што им ги ветуваа пред да дојдат на власт, а наместо тоа студентите доживеаја во 21 век да немаат топла вода и греење. Животот дојде единствено за криминалниот картел предводен од Зоран Заев и никој друг. Животот дојде за Кочо, Вице и оние кои добија милиони од тајните грчки фондови за распродажба на националните и државите интереси. Маските се паднати, на граѓаните им е јасно дека СДСМ работи единствено за спас на политичката кариера на Зоран Заев. Крајно време е транзиционите политичари да заминат од политичката сцена, а граѓаните да го добијат она што го заслужуваат, просперитетна и демократска Македонија, порачуваат од ВМРО-ДПМНЕ.

Македонија | пред 7 години

7 год.
soobrakajka1-1

На комбе кое превезувало вработени од “Јасен” му откажале кочниците, еден мртов

Дежурен јавен обвинител од Основното јавно обвинителство Скопје изврши увид на лице место на тешката сообраќајна несреќа во резерватот „Јасен“. Според првичните информации, несреќата се случила кога на службено возило – комбе, во кое се превезувале петмина вработени во јавното претпријатие „Јасен“, му откажале сопирачките и се превртело. Притоа, еден од патниците починал, возачот е потешко повреден, додека останатите патници се здобиле со полесни повреди.По извршениот увид, дежурниот јавен обвинител нареди обдукција на телото на починатиот работник, како и вештачење на возилото во кое се превезувале работниците. Меѓудругото, ќе се проверува и сервисната историја и претходното одржување на возилото.

Скопје | пред 7 години

7 год.
Нема фотографија

Битолчанец се заканувал на пратеници преку Фејсбук, МВР го гони

СВР Битола во координација со Секторот за компјутерски криминал и дигитална форензика при Министерството за внатрешни работи до надлежното јавно обвинителство ќе поднесе кривична пријава против А.С. (30) од Битола поради споделена објава на социјалната мрежа Фејсбук со која предизвикал загрозување на сигурноста на пратеници во Собранието на Република Македонија и поради ширење на расистички и ксенофобичен материјал по пат на компјутерски систем.По консултации со Основното јавно обвинителство Битола А.С. бил повикан на службен разговор во полициска станица, каде појаснил дека објавите ги направил преку својот мобилен телефон.Секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи. Ги повикуваме сите граѓани кои се изложени на вакви закани или сведочат вакви закани, истите да ги пријават во најблиската полициска станица или на адресата cybercrime@moi.gov.mk

Македонија | пред 7 години

7 год.
Нема фотографија

Во Македонија нема случај на „западно-нилска треска“

Министерството за здравство ја демантира објавата на некои медиуми дека случај на западнонилска треска е откриен на инфективното одделение во болницата „8-ми Септември“.„Кај ниту еден пациент во Република Македонија не е потврдено присуството на вирусот на западно-нилска треска. Пациентот, којшто се издвојува во прилогот на 1ТВ, бил примен во Градската општа болница „8 Септември“ со симптоми на грип и висока температура. Но, испитувањата докажале дека не станува збор за западно-нилска треска. Истакнуваме дека ова е случај стар 3 недели и пациентот во меѓувреме е пуштен дома, без компликации по неговото здравје.Ги уверуваме граѓаните дека министерството во континуитет ја следи состојбата, за евентуалната појава на вирусот на западно – нилска треска, но и за евентуална појава на други вируси, велат од министерство за здравство.Оттаму додаваат дека, Министерството за здравство во ниту еден момент немало намера да прикрие какви било информации.„Новинарката од 1ТВ во изминативе неколку недели беше во постојан контакт со министерството. Со прилогот којшто беше емитуван на телевизијата 1ТВ, се создава неоснована паника и страв кај граѓаните. Вчеравечер, испративме реакција до медиумот 1ТВ, меѓутоа воопшто не е пренесена оваа реакција на тој медиум. И затоа Министерството за здравство повторно бара од медиумот 1ТВ во целост да ја пренесе оваа реакција“, стои во соопштението од МЗ.

Македонија | пред 7 години

7 год.
zemjotres

Силен земјотрес во Романија

Силен земјотрес со интензитет од 5,8 степени по Рихтер, рано утрово ја погоди централна и источна Романија, а бил почувствуван и во Украина, Молдавија и Бугарија, соопшти романскиот институт за геофизика.Потресот се случил во 3.30 часот по локално време, со епицентар во трусно подрачје во округот Вранч, на длабочина од 150 километри, пренесе АП.Како што се наведува, потресот ги разбудил жителите на Букурешт и другите романски градови, а властите соопштиле дека Брзата помош примила голем број повици од граѓани кои имале напад на паника.Во областа во близина на земјотресот привремено дошло до прекин на струјата. Сеизмолозите смируваат дека не се очекува дополнителни потреси.

Свет | пред 7 години

7 год.
Нема фотографија

Променливо облачно со сончеви периоди

Променливо облачно со почести сончеви периоди на североисток. Ќе биде ветровито и ќе дува умерен до повремено засилен југоисточен ветер најизразен на југозапад и долж Повардарието. Минималната температура од 1 до 7, а максималната од 18 до 25 степени.Во Скопје ќе биде променливо облачно со повеќе сончеви периоди попладне, а преку денот ветерот од јужен правец ќе засилува. Температурата во интервал од 4 до 24 степени.Под влијание на јужно струење следува период на топло време со умерен, до повремено засилен југоисточен ветер. Температурата на воздухот ќе биде над просекот за овој период од годината. Од понеделник ќе има повремено зголемување на облачноста со појава на краткотраен локален дожд.

Македонија | пред 7 години

7 год.
Duke-Bojadziev-1

Вечерва промоција на албумот „Синергија“ на Дуке Бојаџиев во Станица 26

Со почеток во 20 часот, во ноќниот клуб Станица 26, ќе се одржи промоција и јавно преслушување на најновиот студиски албум со наслов „Синергија“ на македонскиот музичар и композитор Дуке Бојаџиев, кој живее и работи во Њујорк. Веднаш по промоцијата на албумот кој содржи 10 музички нумери од 21.30 часот ќе настапи диџеј Илина Ангеловска.Синергија пред само неколку денови официјално се појави на сите центри за дигитална дистрибуција како Spotify, Apple Music... Може веќе да се преслуша и на неговата веб страница, www.dukeb.comОд вокали на албумот најприсутен гостин е Ишмаел Фернандез (Ismael Fernandez) на 6 нумери, интернационално етаблиран фламенко пеач од Андалузија, Шпанија, 4та генерација фламенко пеач од познатата фамилија Фернандез (“La Familia Fernández”), а ова му е прва соработка надвор од водите на традиционалната фламенко музика.Даниела Тошиќ е пеачка со потекло од овие простори, која долги години живее и работи во Бостон. Специјализирана за пеење на црковна музика од 12ти до 15ти век, Даниела е една од ретките во светот, која до совршенство ја негува и изведува музиката на Хилдегард Вон Бинген (1o98 г. – 1179 г.), првата жена композитор запишана во аналите на историјата. Даниела е вокален гостин на 3 нумери.На една нумера („A Moment of Happiness“) гостува индиската пеачка и актерка, Прија Даршини (Priya Darshini), која целиот живот го негува традиционалното индиско пеење, а после голема кариера во Индија се доселува во Њујорк, каде работи на интернационалната сцена. На истата нумера таа е придружена од холивудскиот актер, легендарниот Иан Букенан (Ian Buchanan) со нарација на парче поезија од Руми. Неговиот глас беше многу присутен во албумското издание „Love is The Way” на Бојаџиев, од каде и почна нивната соработка.

Магазин | пред 7 години

7 год.
44094681_467523503745856_1839960828510470144_n

Скопјанец вршел разбојништва низ казина

Секторот за внатрешни работи Скопје до надлежното Основно јавно обвинителство во Скопје поднесе кривична пријава против  Ш.И(27) од с.Грчец поради основано сомнение дека извршил три кривични дела “разбојништво“ при што се стекнал со противправна имотна корист од околу  408.000 денари.Пријавениот, кривичните дела ги извршил во текот на август годинава на подрачјата на Ѓорче Петров, Карпош и Гази Баба, сите во објекти на казино „Сенатор“, и  на идентичен начин - на местото на настаните доаѓал со моторцикл марка Кимко (без регистарски ознаки) се паркирал пред казината, влегувал во истите и со закана со пиштол од вработените  барал пари.. Првото кривично дело Ш.И. го извршил на 03.08. околу 21:45 часот на ул.Ѓорче Петров, второто кривично дело го извршил на 11.08. околу 17:00 часот на ул.Вангел Димов во клуб казиното Сенатор, и третото кривично дело го извршил на 28.08. околу 10:45 часот на ул.Народен Фронт во клуб казиното Сенатор. Притоа во третиот случај пријавениот откако ги зел парите од касата при излегување од казиното со закана со пиштолот и употреба на физичка сила ги удирал играчите во казиното и барал да му ги дадат парите, по што го напуштил објектот.Врз основа на преземените оперативни мерки и активности обезбедени се материјални докази, а на 06-ти минатиот месец на ул.Козле во близина на детското игралиште покрај кејот на река Вардар пронајден е моторциклот марка Кимко без регистарски таблици, кој е предаден за крим-техничко вештачење.Скопјанец

Скопје | пред 7 години

7 год.
Нема фотографија

Професорка уапсена поради секс со малолетничка, ученик ја видел на “Порнхаб”

Четириесет и деветгодишната Дон Џанини, учителка во четврто одделение во Пало Алто, Калифорнија и сопруга на висок припадник на американската војска, е уапсена за инцест и останати 20-тина други прекршоци, откако ученик од нејзиното училиште ја препознал.Ученикот ја забележал професорката од неговото училиште додека гледал видеа на сајтот за возрасни „Порнхаб“. На видеото ја препознал и неговата соученичка, инаку член на семејството на професорката Џанин, по што веднаш пријавил кај директорот на училиштето.Тоа не било единственото видео каде што Џанини има сексуални односи со малолетното девојче (14), за кое не се открива во каква семејна врска се, затоа што Џанини е мајка на две малоленти деца.По кренатата истрага, Џанини е уапсена и во моментот е во притвор, каде ќе остане до крајот на истрагата. Одредена е кауција од 1,75 милиони долари.Професорката имала сексуални односи со девојчето од ноември 2014 година, до следниот ноември. Обвинителството смета дека токму девојчето ги објавувало снимките.

Свет | пред 7 години

7 год.
0F65C87E-2E38-4050-9CA0-493DB6E8E3E3

Милошоски сега му го чува грбот на Мицкоски

Минатиот петок кога во Собранието се гласаше за уставните измени, Антонио Милошоски застана пред новинарите и побара да не се одолговлекува почетокот на седницата и веднаш да се почне со изјаснување. Нагласи дека зборува во името на пратеничката група на ВМРО-ДПМНЕ и на коалицијата „За подобра Македонија“ што беше мало изненадување во тој момент, имајќи предвид оти тој подолго време игра „соло“ во парламентот. Но, само неколку дена подоцна, откако договорот со Грција ја мина првата фаза, а ВМРО-ДПМНЕ направи чистка во своите редови, ексминистерот за надворешни работи отворено стана во одбрана на лидерот Христијан Мицкоски, пишува Независен весник.„Драматичните случувања во Собранието и нелегалниот чин против Уставот барем дадоа појасна слика за тоа кој се залага да се почитува волјата на народот од кој сме избрани, а на кого му се побитни заткулисните договори. Христијан Мицкоски, сепак, покажа дека му е побитна демократската доверба што гласачите им ја дале на пратениците, како и волјата на членството и симпатизерите. Со тој став ја заслужи мојата поддршка и како пратеник, и како член на ВМРО-ДПМНЕ од 1992 година. Консолидацијата и единството во ВМРО-ДПМНЕ, врз основа на програмските определби, се потребни и полезни за демократијата во Македонија“, нагласи Милошоски.Информациите однатре говорат дека во последниот период се интензивирале средбите меѓу него и Мицкоски, при што биле надминати сите недоразбирања. Милошоски, наводно, му дал апсолутна поддршка за водење на партијата во критичните моменти во пресрет на промената на Уставот, претседателските избори и евентуалните предвремени избори што може да се случат заедно со претседателските на пролет.Во тој контекст, според нашите сознанија, со Милошоски е договарано тој да биде нов потпретседател на партијата, односно да го заземе местото на разрешениот Митко Јанчев. Се калкулира дека поранешниот министер има големо искуство во политиката, добро ја познава пратеничката практика и процедура, а како предност му се зема и тоа што прв од вмровската група јасно и без двоумење се изјасни дека ќе го бојкотира референдумот.„Немам коментар“, ни одговори Милошоски на прашањето дали е точно дека ќе стане трет потпретседател на ВМРО-ДПМНЕ, заедно со Александар Николоски и со Владо Мисајловски.

Македонија | пред 7 години

7 год.
82646F84-C7DA-446F-B189-AE558506CF22

Македонија прогласена за најлошо место за живеење во Европа

Македонија е на последното место во Европа според „одржливиот квалитет на животот“, вели консултантската фирма за глобален менаџмент Бостон консалтинг груп (БКГ), една од водечките светски советнички фирми за бизнис-стратегии, во својот извештај за 2016 година, објави МКД.мкБКГ ја мери „одржливата благосостојба“ на една земја врз основа на 44 различни индикатори, а БДП-то по жител е само еден од нив. Индикаторите, меѓу другото, ги мерат стапката на невработеност, инфлацијата, распространетоста на болестите, очекуваниот животен век, квалитетот и достапноста на образованието, квалитетот на инфраструктурата, состојбата на животната средина, контролата на корупцијата, слободата на печатот и многу повеќе.Горната мапа е базирана на извештајот на БКГ за 2016 година.На неа Македонија има најниска оценка, 42,9, а веднаш пред неа се Црна Гора со 43,3 и Молдавија со 44,5.Следуваат (од долу нагоре) Молдавија со 44,5, Босна и Херцеговина со 48,5, па Украина со 49,1 и Албанија со 50.Најубаво се живее во Норвешка (чиста 100-ка), па во Холандија (95), Финска (94,9) и Германија (93,6).Од другите на Балканот најдобро котира Словенија со 63,4, а по неа се Грција (62,6), Србија (53,7), Хрватска (50,4) и Бугарија 48,6.

Македонија | пред 7 години

7 год.
Gruevski-i-Mickoski-na-16-kongres-na-VMRO-4-bg_resize

Груевски ќе го одложува одењето во затвор бидејќи имал обврски како пратеник

Во понеделник преку својот адвокатски тим, екс премиерот Никола Груевски и официјално ќе побара да му биде одложено издржување на две годишната затворска казна пресудена за набавката на луксузниот мерцедес. Информацијата за Телма ја потврдија и адвокатите на Груевски кои не сакаат да прецизираат поради што ќе се бара одлагањето.Само кратко ни рекоа дека одлагањето на затворската казна ќе се бара поради неодложни обврски на Груевски кои произлегуваат од неговата работна позиција и функцијата која ја извршува во моментот како пратеник.Законот предвидува вкупно 8 дозволиви причини за одлагање на затворската казна. Меѓу нив има здравствено-медицински причини, семејни и деловни причини кои судот може да ги прифати и да ја одложи казната. Во зависност од причината, затворската казна може да се одложи најмногу за една година.Од адвокатскиот тим на поранешниот премиер ни потврдија дека во барањето ќе наведат најмалку две причини за одложување на затворот, а ти ќе бидат поврзани со обврските кои произлегуваат од пратеничкиот мандат.

пред 7 години

7 год.
8DFF6EB7-7CBC-4E8B-8AC8-F37BFC49B68C

Само три македонски пејачи ќе настапат на концертот посветен на Тоше

На 13 октомври годинава во арената „Борис Трајковски“ во Скопје ќе се одржи концерт во чест на Тоше Проески. Балкански и македонски ѕвезди ќе ги отпеат најголемите хитови од легендарниот македонски пејач, а од фондацијата „Тодор Проески“ изјавија дека сè уште е рано да откриваат детали за настанот кој фановите со нетрпение го очекуваат.Каролина Гочева, заедно со сестрите Тамара и и Тијана Дапчевиќ се единствените македонски пејачки кои ќе настапат на концертот. Јелена Томашевиќ, Бојан Маровиќ и уште пет други имиња од српската естрада ќе бидат дел од ова случување.„Интензивно работиме на овој проект. Подготовките се во полн ек, веруваме дека сеќавањето за Тоше и овојпат ќе го одбележиме достоинствено“, велат од фондацијата. На концертот најверојатно ќе биде промовиран и четвртиот постхумен албум со работен наслов „Secret place“(Скришно место)  кој содржи десет песни на Англиски јазик. 

Магазин | пред 7 години

7 год.
839FC7A4-E1C3-4483-80B1-9AFE1BD533D4

Мирјана Најчевска: Јас сум против помирување, а за применување на законот

Јас сум против помирување и против простување и против заборавање и против пикање на ѓубрето под килим и против гушкање со луѓето кои кога биле на власт ме тепале и против христијанското вртење на другиот образ.Јас сум и против омраза и против реваншизам и против освета и против враќање здраво за мило и против да видат сега тие како е.Јас сум бре еднаш да почнеме да го применуваме законот и да го прекинеме кругот на политички пазарења и да воспоставиме цврсти мерила на вреднување кои ќе важат еднакво за сите и да ги заштитиме граѓаните од минатите и сегашните и идните злоупотреби на моќта.Мирјана Најчевска - Фејсбук статус

Коментари | пред 7 години

7 год.
tose

Британски “Тајмс“ со статија за Тоше

Британскиот весник „Тајмс“ му посвети статија на легендарниот македонски пејач Тоше Проески во рубриката за животот и работата на познатите британски и светски научници, политичари или уметници.Најпопуларниот пејач на Балканот, пишува „Тајмс“, во текот на својот краток живот, успеа како никој пред него да ја надмине разликата меѓу народот и културата на просторот на југот на Европа каде последните децении беа одбележани со војни.Веста за смртта на Тоше Проески во поранешните републики е примена со шок сличен на оној кој своевремено го доживеаа обожувателите на Елвис Присли или Џон Ленон, пишува „Тајмс“, додавајќи дека собранието во државата на денот ја прекина седницата и целиот народ излезе на плоштадот или во некоја од црквите со цел да запали свеќа или однесе цвеќе во негова чест. Исто така се наведува дека Проески, покрај тоа што изгради успешна кариера како музичар, беше и амбасадор на добра волја на УНИЦЕФ.На хуманитарните концерти низ целиот Балкан тој неуморно собираше помош за сиромашните и децата со пречки во развојот, а парите ги вложувал и во изградба на училишта во својата родна Македонија, додава „Тајмс“.Последниот концерт, кој се одржа на 5 октомври во Скопје пред 30.000 посетители од сите републики на поранешна Југославија, Проески по свој обичај го заврши со зборовите „Ве сакам сите“, пишува “Тајмс.

Македонија | пред 7 години

7 год.
8794f47b-4390-4885-a43e-9ee0ae704da7-large16x9_1280x720_60829P00PRSNF

По 20 години, погребан студентот чие убиство ја промени Америка

Метју Шепард, 21-годишен студент од Вајоминг, вчера конечно беше погребан во Националната катедрала во Вашингтон, точно 20 години откако беше брутално убиен само затоа што бил хомосексуалец. Овој случај не само што доведе до значајна промена на закони, туку и засекогаш ја промени Америка.„Важно е што конечно му најдовме дом на Мет. Дом што други можат да го посетуваат, дом што е сигурен од оние кои го мразат и дом што толку многу го сакаше уште од мал“, изјави неговиот татко Денис Шепард.Шепард имаше само 21 година кога беше ограбен, претепан и оставен врзан на ограда на голем студ. Тој почина шест дена подоцна, на 12 октомври 1998 година, во болница во Колорадо.Арон Меккини и Расел Хендерсон беа осудени на доживотен затвор за киднапирање и убиство, откако признаа дека го нападнале Шепард поради неговата сексуална ориентација, а не за да го ограбат. Стравувајќи дека гробот на Метју ќе биде вандализиран, неговите родители сите овие години ја чуваа урната дома.Смртта на Шепард помогна да се зајакне движењето за правата на ЛГБТ заедницата во САД, а во 2008 година, Барак Обама потпиша закон именуван според него, со кој федералните закони против омраза беа проширени и на сексуална ориентација и родов идентитет.

Свет | пред 7 години

7 год.
KIR_0837

Доктор од Клинички: Албанка не знаеше да каже што и е оти не знаеше македонски

Докторот Игор Николов, напиша статус на својот Фејсбук профил, дека примил пациентка од Кичево, Албанка, која не знаела да му објасни што и е маката, бидејќи не го познавала македонскиот јазик.Докторот ја опиша дека средношколката, иако била добра ученичка, немала познавање на јазикот на државата во која живее.„И така денес на Клиника во Скопје ја примивме Вјолца. Петнаесет годишна средношколка од Кичево.Во Скопје на Клиника, ја пратиле докторите од нејзиниот град, заради тоа што „нешто„ бубрезите не и работеле добро. Вјолца е примерна ученичка, културна, воспитана.Единстевна тешкотија ми е, што не може точно да ми објасни која и е маката заради што ја пратиле во болница. Вјолца е одлична ученичка во средно училиште во Кичево.Јас со моето познавање на официјалниот јазик во државава, со познавање на два светски европски јазици како француски - ниво Ц2, англиски на ниво - ФЦЕ, и со основно ниво А1 познавање на албански јазик кој го учев еднаш на курс, не можам да се разберам со оваа млада госпоѓица која има некаква мака, има некаква тешкотија. Иако живееме заедно во истава оваа држава, одиме на исти места на одмор и таа и јас во Струга, сепак не можеме да се разбереме. Среќа, тука е татко и кој ни помага, преведува и ја кажува маката и болката на Вјолца.Заради тежината на работата и тешките пациенти на нашата клиника, лекарите и медицинскиот персонал кој зборуваше албански, ја напуштија клиника и си најдоа работа на други клиники. Најдоа подоходовни и понаградени гранки во медицината. Среќа татко и на Вјолца е тука и преведува...Каде е проблемот?Дали е проблемот во образовниот систем, кој што НЕ создава млади луѓе, кои што ја познаваат својата околина и своето опкружување? Се создаваат, млади луѓе кои што не можат да се разберат во средина малку подалеку од сопствениот етникум. Млади луѓе кои си се доволни сами на себе и на кои им е доволно да бидат опкружени само со своите.Или пак, Дали е проблемот до мене??? Бидејќи и покрај мојот мултикултурен дух, и покрај волјата за запознавање на своите соседи и блиските, сеуште не успевам да се разберам со ваквите пациенти.!?!Или пак, проблемот е во тоа што што во оваа земја секој е затворен и опкружен во својот свет кој што му е близок и кој што и најлесно го познава, и нема систем кој ќе наметне потреба или чувство и неопходност да знае за другиот, да се објасни како ми е мене а како нему, и да се разбере и објасни со другите и со непознатото, дури и кога има силна болка и мака?Дали ќе имавме потреба да се разбереме доколку никој немаше мака? Дали со ваков образовен систем можеме да продолжиме понатаму? Дали се неопходни повеќе проекти со кои ќе се зближуваат младите или бар ќе ја запознаваат другата култура и јазик? Дали? И Како понатаму?До каде ќе одиме? Како ќе функционираме вака, кога се создадоа генерации кои што не можат да се разберат една со друга. ?Сепак и покрај се, продолжуваме за доброто на пациентите....Продолжуваме да се бориме за здравјето на сите оние, на кои што им е потребно....“https://www.facebook.com/igor.g.nikolov/posts/10156293246988929

Скопје | пред 7 години

7 год.
ubistvo

Приведени три лица поради силување на малолетничка

Три лица се приведени, а по двајца е распишана потерница откако во полиција било пријавено силување на малолетно девојче во едно гостиварско село, соопшти МВР.„На 26 октомври по претходно добиена пријава за обљуба на малолетнo женско лице од гостиварско село направена во неколку наврати, извршен е претрес во домот на Н.Е. (58), каде биле затекнати и Б.М.(55) и А.М. (62).Тројцата се лишени од слобода и задржани во Полициската станица Гостивар за натамошна постапка, а за Џ.С. и А.Р. е распишан централен распис“, велат од МВР.Од таму додаваат дека полицијата работи на расветлување на случајот и утврдување одговорност за сите инволвирани во него.

Македонија | пред 7 години

7 год.
berovo-truenje-zivotni-anima-mundi

(ВИДЕО) „Анима мунди“ бара итна истрага и казна за два нови случаи на насилство врз животни

Од здружението за заштита на животни „Анима мунди“, информираат за два случаи на насилство врз животни, кои биле извршени во ист ден и за нив бараат итна истрага и казна за извршителите.„Загрижени граѓани ни доставија видео материјали за случај во Зелениково, каде повозрасен “човек” со ножици сече уши на куче во двор! И случај во Велес каде малолетник бездушно неколку пати крвнички удира мало кутре кое едвај тежи 5 кг!Нагласуваме дека случајот во Велес не е изолиран, бидејќи во пораки ни стигнуваат сè повеќе и повеќе видеa од истиот малолетник како малтретира животни“ велат од „Анима мунди“.https://www.facebook.com/maggie.gjorgieva/videos/10156328726723937/За двата случаи, како што информираат, известена е полицијата и АХВ, а за случајот во Велес дополнително ќе бидат известени и социјалните служби.„Им благодариме на загрижените граѓани, кои ни ги испратија видео материјалите и жалиме што морале да посведочат на одвратните настани, кои за жал веќе се секојдневие кај нас. Ова веќе е црвен аларм дека навистина институциите вклучувајќи ја и полицијата мора да се посветат на спречување и казнување на насилството. На малолетникот и на неговите родители мора да им се предочи сериозноста и кривичниот карактер на деликтот додека не е предоцна. Дека имаме сериозен проблем сведочи и тоа што неговите другари, 15 годишници неговото девијантно однесување го оправдуваат со тоа дека кучето е негова сопственост. Зарем можете да спиете мирно додека малолетници кои треба да бидат нашата иднина сметаат дека насилството врз животно може да се оправда со тоа што малтретираното животно е во сопственост на неговиот мачител. Што ќе биде кога истите тие деца ќе бидат родители?“ прашуваат од здружението.За жал, како што велат оттаму, убиецот на Идриз , кој го обезглави среде ден помина само со казна од 1000 евра.„Зарем за вакво опасно однесување постои цена која може да се плати? Дали безбедноста на останатото население има цена? Ова се монструозни дела, а за жал ниту се први ниту последни во нашава држава и не смеат повеќе да бидат игронирани! Тие се дрзнуваат да мачат и убиваат животни зошто не чувствуваат закана од институциите и законите и од ништо не се плашат! Во Македонија нема одговорност за убивање на животни! Дали имаме намера конечно да станеме правна држава?“ оценуваат од „Анима мунди“.Здружението ги повикува институциите итно да започнат со сериозни истраги, најстрого да ги казнат сторителите, затоа што, како што велат, ваквите индивидуи се закана по безбедноста и животот на секое битие, независно дали животно или човек!

Македонија | пред 7 години

7 год.
Ministerstvo-za-zdravstvo-tabla

Се менува законот за абортус

Министерството за здравство го почна процесот за промена на Законот за прекинување на бременоста.„По повеќе месечните консулатиции со претставници на граѓанските организации, целосно инклузивно и отворено ги прифативме забелешките на сите засегнати страни, како и препораките на меѓународните организации и Светската здравствена организација.Волјата на жената ќе биде на прво место. Се измените на Законот се укинува задолжителното советување и чекање од 3 дена, како и задолжително формирање на Комисија до 22-рата гестациска недела од бременоста.На Единствениот Национален Електронски Регистар на Прописи на Република Македонија (ЕНЕР) е поставено известување за почеток на процесот за подготовка на Предлог-закон за прекинување на бременоста“, велат од Министерството за здравство.Практиката на примена на важечкиот Закон за прекинување на бременоста покажа проблеми со постојните административни процедури/бариери со што се ограничува пристапот до и спроведување на постапката за безбеден абортус и остварување на правото на жените за спроведување на безбеден абортус.Дополнително, Комитетот за човекови права и Комитетот за културни и социјални права на ООН имаат изразено загриженост во однос на „условите воведени со Законот за прекинување на бременоста од 2013 година со кои може кумулативно да се ограничи пристапот до легален абортус“.Со промената на Законот ќе се укинат постојните административни процедури/бариери за спроведување на постапката за безбеден абортус. На жената ќе и се даваат комплетни, објективни и точни информации во врска со начинот на изведување на интервенцијата. Одлуката за прекин на бременост ќе може да ја донесе пациентката свесно, без принуда од било кого, како и да и` се даде поддршка на пациентката, без било какво искажување на осуда или обвинување од страна на здравствените работници.  Дополнително ќе се намалат глобите поврзани со прекршоците.Со оваа законска промена ќе се оствари правото на жената на безбеден абортус!

Македонија | пред 7 години

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања