Не ја одложувајте вакцинацијата против морбили, порачуваат од Институтот за јавно здравје

Институтот за јавно здравје ги повика родителите и граѓаните да проверат дали се целосно вакцинирани против морбили и, доколку пропуштиле доза од МРП вакцината, навреме да ја надоместат во надлежните вакцинални пунктови.

— реклама —

Апелот доаѓа поради сè уште недоволниот опфат со МРП вакцината во Македонија, како и актуелната епидемиолошка состојба и регистрираните случаи на мали сипаници во дел од соседните земји.

— реклама —

Од Институтот потсетуваат дека вакцинацијата е најефикасната заштита од морбили и нивното ширење во заедницата. Особено е важно децата да ги примат двете дози од МРП вакцината, согласно Националниот календар за имунизација.

— реклама —

Граѓаните кои не се сигурни дали ги примиле потребните дози треба да го проверат својот вакцинален статус и, доколку имаат пропуштена вакцинација, да ја надоместат.

— реклама —

Од ИЈЗ нагласуваат дека навремената имунизација не го штити само здравјето на поединецот и неговото семејство, туку придонесува и за заштита на целата заедница. Граѓаните се повикани да не ја одложуваат вакцинацијата и да се обратат до најблискиот вакцинален пункт за проверка, имунизација и дополнителни информации.