Недостигот од вода го загрози нуклеарниот реактор: Романија презема вонредни мерки

Романија денеска ќе потопи четири баржи натоварени со камења во Дунав во обид да го зголеми протокот на вода кон нуклеарната централа Чернавода, откако еден од реакторите беше исклучен поради недостиг на вода.

— реклама —

Според романските власти, потопувањето на баржите треба да започне по 14 часот. Претходно, армијата со експлозив ја урна карпата Паржоаја за да го пренасочи текот на Дунав кон ракавецот Стар Дунав и да обезбеди поголем доток на вода до електраната.

— реклама —

— реклама —

Експертите соопштија дека по интервенцијата падот на водостојот е запрен, а е забележано и мало зголемување на нивото на реката.

Хидролошките прогнози, сепак, предупредуваат дека нивото на Дунав повторно ќе продолжи да опаѓа во наредните денови. Поради тоа, покрај веќе затворениот прв реактор, постои ризик од прекин на работата и на вториот реактор во Чернавода, што би имало сериозно влијание врз производството на електрична енергија во Романија.