Непознати лица влегле во дом за стари лица во Србија и вршеле притисок врз гласачите

— реклама —

Непознати лица влегле во дом за стари лица во Младеновац, Србија, каде што се наоѓа избирачко место, и вршеле притисок врз гласачите, меѓу кои и неподвижни лица. Ова го соопшти претседателот на Републичката изборна комисија (РИК), Владимир Димитријевиќ, на прес-конференција одржана во 17 часот.

— реклама —

Според него, лицата се претставиле како набљудувачи, а за случајот веднаш била известена полицијата, која излегла на терен. Димитријевиќ најавил дека повеќе информации ќе бидат соопштени на следната прес-конференција.

Тој додал дека, според извештаите на локалните изборни комисии и избирачките одбори, гласањето се одвива редовно. Забележани биле помали инциденти и нерегуларности, кои во најголем дел биле решени од избирачките одбори.

— реклама —

Во случаите кога одборите не можеле да ги решат проблемите, била известена полицијата, која интервенирала, по што гласањето продолжило без прекин. За настаните надвор од избирачките места, за кои избирачките одбори не се надлежни, полицијата и обвинителството преземаат соодветни мерки.

Димитријевиќ ги повикал граѓаните да се воздржат од недозволени активности и надвор од избирачките места.