Нетанјаху побара одложување на сведочењето поради безбедносната состојба

Премиерот на Израел, Бенјамин Нетанјаху, побара одложување на неговото сведочење во долгогодишниот судски процес за корупција, повикувајќи се на актуелната безбедносна состојба во регионот.

— реклама —

Според поднесокот доставен до судот, одбраната навела дека поради „сензитивни безбедносни и дипломатски причини“ поврзани со последните настани на Блискиот Исток, премиерот нема да може да сведочи најмалку две недели.

— реклама —

Судењето, кое започна во 2020 година, се однесува на обвинувања за поткуп, измама и злоупотреба на доверба, а Нетанјаху ги негира сите обвиненија. Процесот повеќепати беше одложуван поради службени обврски и безбедносни околности.

— реклама —

Случајот против него е еден од најзначајните политички и судски процеси во историјата на Израел, а доаѓа во период на засилени регионални тензии и политичка неизвесност.

— реклама —

Според анкетите, на изборите закажани за октомври, неговата коалиција би можела да ја изгуби власта.