Невремето што го зафати Струмичкиот регион предизвика повеќе штети, поради што пожарникарите-спасители интервенираа на неколку локации, соопшти Територијалната противпожарна единица Струмица.
Според информациите, екипите интервенирале при пожар во штала во селото Висока Маала, пожар на сува трева во селото Муртино, како и при отстранување на паднато дрво од коловозот во селото Ново Село.
Од ТППЕ Струмица информираат дека сите интервенции биле извршени навремено, со цел да се спречи поголема материјална штета и да се обезбеди безбедноста на граѓаните.
Пожарникарите апелираат граѓаните да бидат внимателни по невремето, да избегнуваат движење во близина на оштетени дрвја, електрични водови и други потенцијално опасни места, а секој забележан пожар или опасност веднаш да ја пријават на броевите 112 или 193.
