Николоски: Инвестираме преку 5, 56 милиони евра во изградба на булевари, улици и комунална мрежа во Струга

Над 5,6 милиони евра изнесува поддршката што Владата преку Министерството за транспорт ја обезбедува за капитални инвестиции во Струга, во булевари, улици и комунална инфраструктура, истакна вицепремиерот и министер за транспорт Александар Николоски при работната посета на општината.

— реклама —

Николоски заедно со градоначалникот Менди Ќура изврши увид во градежните активности на неколку улици во Струга, кои се реализираат со владина поддршка.

— реклама —

Меѓу проектите е изградбата на булеварот „Туристичка“, инвестиција вредна 175 милиони денари. Се реализира и улицата „Источно Колекторска“, која треба да се поврзе со улицата „Туристичка“.

Во рамки на проектот со Светската банка кај „Езерски лозја“, според Николоски, работите се при крај, а од изведувачот добиле уверување дека целокупната работа ќе биде завршена до крајот на следната недела, по што делницата ќе може да биде пуштена во употреба.

— реклама —

Николоски информираше и дека со поддршка на Владата преку Министерството за животна средина и просторно планирање се реализираат повеќе канализациски проекти. Во Враништа се работи на канализациски систем, а се разгледува можноста проектот да биде проширен со дополнителни 700 метри, односно уште еден километар мрежа.

Како нов проект е најавено продолжување на улицата „Колекторска“ до магистралниот пат Струга–Охрид, како и изградба на поголем кружен тек кај Мислешево, со цел да се зголеми безбедноста и да се намали бројот на сообраќајни несреќи.