Заменик-претседателот на Владата, Александар Николоски, денеска одржа работна средба со членови на Европскиот парламент во рамки на 25. состанок на Мешовитиот парламентарен комитет Македонија – Европска Унија.
На средбата се разговараше за европската интеграција на Македонија, реформскиот процес и следните чекори на патот кон членство во Европската Унија.
Николоски ги информираше европратениците за активностите што ги презема Владата за унапредување на реформите, зајакнување на институциите и создавање услови за забрзување на европската интеграција.
Во разговорите биле разгледани и актуелните состојби и напредокот во исполнувањето на обврските поврзани со пристапниот процес, како и потребата од продолжување на реформите во клучните области.
На средбата била истакната и важноста од континуираниот дијалог со институциите на Европската Унија, кој е оценет како значаен за понатамошното приближување на Македонија кон ЕУ.
Европската перспектива останува стратешки приоритет за државата, а средбата била искористена и за размена на ставови за актуелните прашања, предизвиците и идните чекори во процесот на европската интеграција.
