Николоски: Преку 250 милиони денари инвестираме во Радовиш во поодбрување на инфраструктурата, подршката за општините продолжува

Над 250 милиони денари се инвестираат во Радовиш преку различни инфраструктурни проекти, истакна заменик-претседателот на Владата и министер за транспорт, Александар Николоски, при денешната посета на општината.

Николоски посочи дека средствата се обезбедени преку Министерството за транспорт, „Македонија пат“ и владините програми, а инвестициите се реализираат во рамки на еден инвестициски циклус.

— реклама —

„Само во еден инвестициски циклус, само преку Министерството за транспорт, во различни проекти инвестираме околу 250 милиони денари. Тоа е сериозна сума која претходно не е видена како инвестиција во општината“, изјави Николоски.

— реклама —

Тој нагласи дека поддршката за Радовиш ќе продолжи и во наредниот период, при што општината може да предложи нови проекти.

„Отворени сме за нови проекти и ќе продолжиме да работиме на нови проекти“, посочи министерот за транспорт.

— реклама —

Како пример за реализирана инвестиција во Радовиш, Николоски ја посочи работата на улицата „Илија Алексов“ во урбаниот блок 15.

Тој информираше и дека е активен вториот повик за инфраструктурни проекти, преку кој општините можат да аплицираат со готови проекти за добивање поддршка.

Во рамки на посетата, Николоски ќе присуствува и на културни настани во Радовиш, за кои оцени дека придонесуваат за зачувување на традицијата и развој на локалната економија.