Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Николоски: Ветерни паркови, нов аеродром и когенеративни централи – храбро грабиме во 21 век

Скопје1.мк's avatar
Автор: Скопје1.мк

објавено пред 2 месеци -

Македонија
media-library0aagao4f19jceFM2dfr

Владата е рамноправен партнер на домашните компании кои инвестираат во зелената транзиција и придонесуваат за енергетската независност на државата, порача вицепремиерот и министер за транспорт Александар Николоски на отворањето на новите капацитети за производство на електрична и топлинска енергија на компанијата „Теса Енерџи“ во Скопје.

Николоски оцени дека инвестицијата покажува оти домашните компании и домашниот капитал можат да ги следат современите светски трендови во енергетиката.

— реклама —

„Би сакал да му честитам на инвеститорот Ајри Шеј, кој навистина направи еден храбар чекор да покаже како може да се инвестира со домашен капитал. Се надевам дека нема да застане тука и дека ќе има и нови инвестиции и дека ќе гледаме и нови постројки“, рече Николоски.

Тој најави дека Министерството за транспорт ќе продолжи да ги поддржува ваквите инвестиции, вклучително и преку побрзо завршување на административните процедури.

— реклама —

Според Николоски, новата когенеративна централа ќе има придонес и во намалувањето на загадувањето во Скопје, заедно со другите проекти што ги најавува Владата.

„Зелената транзиција е она што ѝ е потребно на државата. Секако, оваа инвестиција ќе придонесе и да се намали загадувањето во рамки на градот Скопје, што паралелно со останатите проекти коишто ги правиме за градот Скопје — како што е воведувањето на градски воз, како што е набавката на нови електрични автобуси — многу ќе придонесе во намалувањето на загадувањето“, рече Николоски.

— реклама —

Вицепремиерот ја смести инвестицијата во поширокиот инвестициски циклус што Владата го промовира во изминатите денови, посочувајќи ги проектите во енергетиката и инфраструктурата.

„Имаме след од неколку дена на инвестиции коишто се инвестиции на 21 век — дали се работи за ветерен парк, дали се работи за практично нов аеродром или се работи за оваа когенеративна централа“, рече Николоски.

— реклама —

Тој упати и политичка порака до критичарите на најавените инвестиции во дата-центри.

„И додека едни се против дата-центри и да останеме или да се вратиме во 19 век, ние храбро грабиме во 21 век. Владата предводена од премиерот Мицкоски има јасна визија каде треба да се движи државата, а тоа е во насоката којашто ја гледаме и денес“, порача Николоски.

Сподели

Сподели
Сподели
Сподели
Сподели
Сподели
Сподели
Сподели како слика
Google Постави го Скопје1 за твој Google извор

Поврзани содржини

media-librarytu9u61a89sfhc0SF3tK

Николоски: Вештачката интелегенција е придобивка која мора да ја искористиме - работиме на напредни дигитални системи за конкретни придобивки на граѓаните и бизнисот

Македонија | пред 2 дена

— реклама —
media-library7aub7f0k161o8DAhbxD

Николоски: Економската соработка на регионот е потребна за заеднички пристап и посилна конкуренција на глобалниот пазар

Македонија | пред 3 дена

media-libraryi17vc505n0sabedLNuI

Николоски: Преку 6 милиони евра директна помош за Кичево, инвестираме за инфраструктурен развој на општината

Македонија | пред 2 седмици

media-library0rs6fklq6sbt3FPKTSV

Николоски очекува Србија да продолжи со железничките проекти: Коридорот 10 е стратешки интерес

Македонија | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања