Нов аларм: 71 нов случај на ебола за 24 часа во Конго

Властите на Демократска Република Конго денес соопштија дека во изминатите 24 часа се потврдени 71 нов случај на ебола и предупредија на брзо ширење на оваа смртоносна болест во локалните заедници.

Со најновите податоци, вклучени во дневниот извештај за состојбата што го објави Министерството за здравство, вкупниот број потврдени случаи се зголеми на 452 од појавата на реткиот сој на ебола „бундибуџо“ на 15 мај, пренесува Ројтерс.

— реклама —

Истовремено, се потврдени 82 смртни случаи.

— реклама —

Најголемиот број заболени и понатаму е во провинцијата Итури на североистокот на Конго, оддалечен регион со слаба здравствена инфраструктура и широка несигурност поради судири на вооружени групи.

Во изминатите 24 часа, 65 нови случаи се регистрирани во Итури и шест во провинцијата Северен Киву.

— реклама —

Случаи на ебола се регистрирани и во соседна Уганда.

Генералниот директор на Светската здравствена организација, Тедрос Аданом Гебрејесус, најави шестмесечен план за борба против еболата вреден 518 милиони долари, повикувајќи на инвестиции и политичка посветеност за запирање на ширењето на епидемијата, која е веќе четврта по обем во историјата.

Стратегијата има за цел да ѝ помогне на Конго и соседна Уганда да го ограничат ширењето на епидемијата, како и да им помогне на другите земји да се подготват за можни случаи преку мерки што вклучуваат засилен граничен скрининг, соопштија СЗО и Африканските центри за контрола и превенција на болести.