Нов инцидент во Краков: Полицијата пукала кон 23-годишник со нож

Нов инцидент ја вознемири полската јавност во Краков, каде што полицијата во текот на ноќта употребила огнено оружје против 23-годишен маж кој се движел со нож во раката низ југозападниот дел на градот.

— реклама —

Според соопштението на полицијата, инцидентот се случил нешто по 3 часот наутро. По пристигнувањето на местото, полициските службеници најпрво испукале предупредувачки истрели, а потоа еден од нив пукал кон мажот, но не го погодил, пренесува РМФ24.

— реклама —

Портпаролката на малополската полиција, Катаржина Цисло, нагласила дека овој случај не е поврзан со масовното пукање што се случи претходниот ден на Главниот плоштад во Краков.

Во нападот загинале шест лица, а претходно истиот осомничен усмртил уште три лица, чии тела биле пронајдени во неговиот стан.

— реклама —

Во ноќниот инцидент никој не бил повреден. По истрелите, 23-годишникот го испуштил ножот, по што бил уапсен и однесен во болница.

— реклама —

Првичните полициски сознанија упатуваат на тоа дека станува збор за маж со нарушено ментално здравје.