Нова инвестиција во Прилеп, Мицкоски најави 300 нови вработувања

Нова инвестиција во ТИРЗ Прилеп ќе донесе дополнителни 300 работни места, откако производниот капацитет на фабриката „ВИК“ ќе го достигне полниот обем, објави премиерот Христијан Мицкоски по отворањето на новиот погон.

Мицкоски денеска присуствувал на отворањето на новиот производен капацитет на „ВИК“, оценувајќи ја инвестицијата како значаен чекор за развојот на Пелагонискиот регион и македонската економија.

— реклама —

— реклама —

„Имаме нов производен капацитет, нова инвестиција, која кога ќе го достигне својот максимум, се очекува да обезбеди дополнителни 300 вработувања“, наведе Мицкоски.

— реклама —

Тој посочи дека „ВИК“ е значаен партнер за Прилеп и Пелагонискиот регион, а како особено важно го издвојува тоа што инвестицијата е насочена кон циркуларната економија.

— реклама —

Според Мицкоски, станува збор за современ европски тренд кој овозможува создавање додадена вредност преку рециклирање, обновување и одржливо користење на ресурсите.

Премиерот нагласи дека Владата останува посветена на поддршка на инвеститорите, создавање поволна деловна клима и привлекување нови инвестиции кои ќе придонесат за економски раст и подобар животен стандард на граѓаните.