Регулаторната комисија за енергетика донесе нова одлука со која малопродажните цени на нафтените деривати во просек се намалуваат за 1,78 проценти во однос на претходната одлука од 4 мај 2026 година.
Од 12 мај 2026 година од 00:01 часот, максималните цени на горивата ќе изнесуваат:
ЕУРОСУПЕР БС-95 – 85,00 денари за литар
ЕУРОСУПЕР БС-98 – 86,50 денари за литар
ЕУРОДИЗЕЛ БС (Д-Е V) – 89,50 денари за литар
Екстра лесно масло за домаќинство (ЕЛ-1) – 94,00 денари за литар
Мазут М-1 НС – 49,968 денари за килограм
Според одлуката на РКЕ, цената на дизелот се намалува за 4 денари по литар, додека екстра лесното масло поевтинува за 4,5 денари по литар.
Цената на бензинот ЕУРОСУПЕР БС-95 останува непроменета, додека ЕУРОСУПЕР БС-98 се намалува за 0,5 денари по литар.
Од друга страна, мазутот поскапува за 0,248 денари по килограм.
Од РКЕ информираат дека референтните цени на светскиот пазар бележат намалување кај бензините, дизелот и екстра лесното масло, додека кај мазутот има благо зголемување.
Комисијата потсетува дека станува збор за максимални цени и дека трговците можат да формираат и пониски цени од утврдените.
