Нафтата поевтини: „Брент“ падна под 115 долари за барел

Цената на суровата нафта „Брент“ падна под 115 долари за барел, поттикната од обновените дипломатски напори за завршување на војната меѓу САД и Иран. Истовремено, американската нафта ВТИ се спушти на околу 100 долари за барел.

— реклама —

Според „Трејдинг економикс“, падот на цените следува по сигнали дека би можеле да започнат преговори за смирување на конфликтот. Врховниот лидер на Иран, ајатолахот Моџтаба Хамнеи, повика на прекин на сегашната состојба „ниту војна, ниту мир“, што беше протолкувано како можен сигнал за отворање простор за дипломатски разговори.

— реклама —

Во понеделникот, претставници на Саудиска Арабија, Пакистан и Турција се сретнаа во Техеран и се договорија да ги продолжат разговорите. Во меѓувреме, се очекуваше рускиот претседател Владимир Путин во Москва да се сретне со иранскиот претседател Масуд Пезешкијан и катарскиот емир.

— реклама —

И покрај дипломатските напори, ризиците за регионалната безбедност остануваат. Коалицијата предводена од Саудиска Арабија соопшти дека пресретнала беспилотни летала и балистички ракети лансирани од јеменските бунтовници Хути, кои имаат поддршка од Иран. Воедно, постојат извештаи дека Хезболах се подготвува за можно продолжување на судирите во Либан.

Идното движење на цените на нафтата ќе зависи од развојот на дипломатските преговори, интензитетот на конфликтот и евентуалните нарушувања во производството и транспортот на енергенсите.