Нови спортски содржини во Кавадарци: Се гради објект со куглана, гимнастичка сала и седум апартмани

Градежните активности на новиот спортски објект во рамки на Спортскиот центар „Јасмин“ во Кавадарци се одвиваат со засилено темпо, а објектот постепено го добива својот конечен изглед.

— реклама —

Проектот опфаќа изградба на објект со основа од 1.000 квадратни метри, кој ќе има подрум, приземје и кат. Во него се предвидени куглана, сала за гимнастика, како и седум апартмани наменети за сместување на спортисти.

— реклама —

Вкупната вредност на инвестицијата изнесува 118 милиони денари, а средствата се обезбедени во целост преку Владата, во рамки на вториот повик.

Со реализацијата на проектот, Спортскиот центар „Јасмин“ ќе добие нови содржини за спортистите и граѓаните, а Кавадарци продолжува со вложувањата во спортската инфраструктура и создавањето услови за развој на спортот во градот.

— реклама —