Судијката Дијана Груевска-Илиевска не донесе одлука по однос на барањето на Дејан Јованов-Деко, газда на дискотеката Пулс, за негово пуштање во куќен притвор. На рочиштето, Обвинителството даде негативно мислење, со образложение дека здравствената состојба на обвинетиот може да се лекува во затворот во Куманово. Сепак, судечкиот судија, не одлучи дали ќе ја ублажи мерката или ќе го одбие предлогот.
„Даваме негативно мислење, затоа што од затворскиот лекар имаме мислење дека таа терапија може да му се пружи во притворски услови“, изјавија од Обвинителството.
Одбраната, пак, укажуваше на влошена здравствена состојба и побара префрлување во куќен притвор, но судот не донесе конечна одлука дали ќе ја ублажи мерката или ќе го одбие барањето.
Во меѓувреме, адвокатката Ивана Коцевска информираше дека притворот во Шуто Оризари има капацитет да го прими Јованов, откако било побарано негово префрлување од затворот во Куманово.
Таа прочита и допис од затворот, во кој се наведува дека обвинетиот нема забелешки за односот на персоналот.
Барам судот да покаже малку човечност и хуманост. Кој било друг човек да беше обвинет во ваква здравствената состојба немаше да продолжи во притворски услови и молам одлуката да биде донесена без пристраност и без влијание од јавноста, рече Коцевска
Случајот се однесува на трагичниот пожар во дискотеката „Пулс“ во Кочани од 16 март 2025 година, во кој загинаа 63 лица, а над 200 беа повредени.
Во предметот се обвинети 35 физички и три правни лица за тешки дела против општата сигурност, а судењето продолжува со изведување докази и сослушување сведоци.
Родителите на починатите во „Пулс“ за барањето Деко да биде пуштен од притвор: „Пуштете го, ние ќе му пресудиме“
На денешното рочиште од судскиот процес за трагедијата во кабарето „Пулс“ во Кочани беа презентирани обдукциските извештаи од Институтот за судска медицина, криминалистика и медицинска деонтологија, со кои, според Обвинителството, се утврдуваат причините за смртта на загинатите.Обвинителката Наташа Сарамандова пред судот ги изнесе резултатите од вештачењата, при што документите биле прикажувани и на екран во судницата, а поединечно биле наведувани причините за смрт според секоја обдукција.Според презентираните наоди, околу 50 лица починале од задушување предизвикано од труење и интоксикација со јаглерод моноксид, при што смртта е квалификувана како насилна. Кај дел од жртвите, според Обвинителството, смртта настапила поради притисок врз градниот кош, додека кај други била констатирана смрт поради недостаток на кислород во околината.Исто така беше наведено дека неколку од настраданите починале во текот на лекувањето, при што и кај нив е констатирана насилна смрт поврзана со последици од интоксикација или тешки изгореници.Обвинителството дополнително приложи писмени одговори од Судска медицина, со објаснувања за концентрациите на јаглерод моноксид, механизмите на задушување и можностите за преживување со навремена медицинска интервенција. Беше најавено и сослушување на вешто лице кое треба да одговори на дополнителни прашања од судот и странките.Одбраната, пак, реагираше дека дел од обдукциските наоди не биле целосно презентирани, тврдејќи дека кај дел од жртвите биле забележани и индикации за вдишување на водороден цијанид.Во судницата имаше и напнати моменти кога родителите на загинатите реагираа на барањето на одбраната за укинување на притворот на дел од обвинетите, извикувајќи „Срамота“ и „Пуштете го, ние ќе му пресудиме“, по што судот изрече предупредување.Судењето продолжува со изведување на материјални докази и дополнителни вештачења кои треба да ги појаснат околностите на трагедијата.
Македонија | пред 15 часа
