Регулаторната комисија за енергетика (РКЕ) донесе нова одлука за цените на нафтените деривати, со која од полноќ ќе има корекција на цените на горивата.
Според одлуката, малопродажните цени на нафтените деривати во просек се намалуваат за 0,27 проценти во однос на претходната одлука.
Од 30 јуни 2026 година од 00:01 часот, бензините ЕУРОСУПЕР БС-95 и ЕУРОСУПЕР БС-98 поскапуваат за 0,50 денари по литар, додека дизелот поевтинува за ист износ.
Така, новите максимални цени ќе изнесуваат:
ЕУРОСУПЕР БС-95 – 84,50 денари за литар
ЕУРОСУПЕР БС-98 – 86,50 денари за литар
ЕУРОДИЗЕЛ БС (Д-Е V) – 80,00 денари за литар
Екстра лесно масло за домаќинство (ЕЛ-1) – 79,50 денари за литар
Мазут М-1 НС – 41,495 денари за килограм
Цената на екстра лесното масло за домаќинство останува непроменета, додека мазутот поевтинува за 0,796 денари по килограм.
Од РКЕ информираат дека референтните цени на светскиот пазар бележат намалување кај сите нафтени деривати, при што кај дизелот намалувањето изнесува 2,183 проценти, а кај мазутот 4,388 проценти.
Од Комисијата потсетуваат дека утврдените цени се максимални, а трговците можат да ги формираат и пониско од одредените износи.
