Шумските пожари што беснеат во околината на Мадрид и во покраината Авила досега зафатиле околу 45.000 хектари, покажува најновата проценка на шпанското Министерство за еколошка транзиција и демографија.
Според објавените податоци, пожарот кај Бургоондо во покраината Авила зафатил приближно 21.000 хектари и има периметар од 112 километри.
Во исто време, пожарот во Вилја дел Прадо и Сан Мартин де Валдеиглесијас, во регионот на Мадрид, се проширил на околу 24.000 хектари, со периметар од 99 километри.
Шпанските власти нагласуваат дека станува збор за прелиминарни проценки и дека бројките може да се променат, со оглед на тоа што пожарите сè уште не се целосно ставени под контрола.
