Поранешниот министер за надворешни работи на Иран, Джавад Зариф, изрази остри критики кон американскиот претседател Доналд Трамп, но истовремено повика на завршување на војната.
Во објава на социјалната мрежа X, Зариф наведе дека е „огорчен од непромислената агресија и грубите навреди“ од страна на Трамп, но и дека се двоуми околу објавувањето на својот мировен план.
„И како Иранец, огорчен од непромислената агресија и грубите навреди на Трамп, но горд на нашите вооружени сили и отпорниот народ, се двоумам околу објавувањето на овој мировен план“, напиша Зариф.
Сепак, тој додаде дека е уверен оти конфликтот мора да заврши.
„Убеден сум дека војната мора да заврши на начин кој е во согласност со националните интереси на Иран“, порача Зариф.
