Орбан: Во Хрватска се заљубив на прв поглед, а поразот на изборите ме научи важна лекција

Поранешниот унгарски премиер Виктор Орбан, два месеци по поразот на парламентарните избори, во интервју за унгарскиот „Блик“ зборуваше за политиката, личниот живот и идните планови, откривајќи дека Хрватска му станала омилена дестинација благодарение на едрењето.

Орбан раскажа дека љубовта кон едрењето ја открил случајно, по препорака од поранешен унгарски амбасадор, кој му рекол дека Хрватска е највпечатлива кога се доживува од морето.

— реклама —

„Хрватска од море е неверојатна. Не сакам големи јахти што личат на пловечки хотели. Преферирам мали едрилици и престој во затскриени заливи, далеку од пристаништата“, изјави Орбан.

Осврнувајќи се на изборниот пораз, тој призна дека не очекувал да ја загуби власта и оцени дека направил грешка што не започнал порано со подмладување на Фидес.

— реклама —

„Мислев дека тоа може да почека до 2030 година. Тоа беше моја грешка“, рече Орбан.

— реклама —

Тој објасни и зошто не го презел пратеничкиот мандат, истакнувајќи дека парламентот повеќе не е место за конструктивен дијалог и дека сака да се посвети на активности во кои, како што рече, може реално да придонесе.

Иако останува дел од раководството на Фидес, Орбан призна дека може да си замисли живот и надвор од политиката, посветен на семејството, фудбалската академија што ја основал и на универзитетска работа.

— реклама —

На крајот порача дека изборниот пораз не го доживува како крај.

„Победата никогаш не е крај, туку почеток. Истото важи и за поразот – тој е почеток на нешто ново“, истакна Орбан.