Се стеснува кругот околу Орбан, истрагите за корупција допрва почнуваат тврди хрватски аналитичар

Истрагата за корупција во Унгарија, во која беа пронајдени милиони евра во готовина, отвора нови прашања за можното незаконско работење за време на владеењето на поранешниот премиер Виктор Орбан. Политичкиот аналитичар Маријан Палиќ оценува дека истрагите се во почетна фаза и дека кругот околу поранешниот премиер сè повеќе се стеснува.

Гостувајќи во емисијата „Студио 4“ на ХРТ, Палиќ изјави дека истражителите пронашле околу 17,5 милиони евра во готовина на повеќе локации, меѓу кои шума, магацини и сеф во една куќа. Поранешниот министер за национален развој е осомничен за примање поткуп во износ поголем од 30 милиони евра.

— реклама —

„Вкупната сума засега никој не ја знае, но ова е голем шок“, изјави Палиќ.

Аналитичарот нагласи дека случајот не треба да се разгледува изолирано, туку како дел од пошироките истраги на новата унгарска власт. Особено внимание привлече преносот на државен имот во фондации и склучувањето долгорочни концесиски договори, меѓу кои и концесии за автопатишта што важат до 2057 година.

— реклама —

Според Палиќ, можно е финансиските неправилности да имаат многу пошироки размери од досега откриеното, бидејќи дел од имотот се наоѓа во фондации и приватни фондови, каде што не секогаш може да се утврдат вистинските сопственици.

Тој посочи дека новата влада спроведува промени на две нивоа – реформи во институциите и проверки на финансиските трансакции од периодот на претходната власт. Формирана е и посебна канцеларија за враќање на имотот, која располага со истражни овластувања.

— реклама —

Палиќ оцени дека Орбан ги претставува постапките против неговите поранешни соработници како политички прогон. Истовремено, повикувајќи се на истражување на агенцијата „Медијан“, наведе дека околу 70 отсто од унгарските граѓани ги поддржуваат антикорупциските мерки на новата власт.

На прашањето дали истрагата може да се прошири и врз самиот Орбан, аналитичарот одговори дека кругот околу поранешниот премиер се стеснува, но дека истражителите засега се обидуваат да соберат доволно докази пред евентуално покренување постапка против него. Според неговите наводи, во притвор се наоѓаат тројца поранешни министри.

— реклама —

Палиќ спомена и проверки поврзани со членови на семејството на Орбан, меѓу кои сомнежи за незаконско посредување при издавање визи за виетнамски државјани и околности поврзани со воената мисија во Чад. Тој нагласи дека и овие истраги се во почетна фаза и дека е прерано да се проценуваат нивните конечни размери и исходи.

(Видео) Маѓар со жестоки обвинувања против Орбан по заплената на 17,5 милиони евра

Унгарските власти заплениле околу 17,5 милиони евра скриена готовина, дел од кои биле пронајдени закопани во земја, во рамки на истрага против поранешен министер од владата на некогашниот премиер Виктор Орбан.Националната канцеларија за враќање и заштита на имотот соопшти дека истражителите откриле големи количества пари скриени во шуми, земјоделски објекти, магацини и станбен објект, како и во скап сеф на тајна локација.Меѓу запленетите пари имало повеќе од пет милијарди форинти, околу 2,6 мили

Свет | пред 1 ден