Ормутски теснец под притисок, примирјето меѓу САД и Иран е кревко

Иран испрати јасна порака дека безбедноста во Ормутски теснец мора да важи за сите – или за никого, во момент кога примирјето со САД останува кревко и неизвесно.

— реклама —

Според иранските власти, состојбата во регионот е „ниту војна, ниту мир“, а контролата врз теснецот станува клучна точка на геополитичката пресметка.

— реклама —

Иран истовремено тврди дека е подготвен да ја гарантира безбедноста на поморскиот сообраќај, но предупредува дека бродови поврзани со неговите противници нема да имаат слободен премин.

Во насока на зајакнување на контролата, Техеран најавува воведување царини и транзитни такси за пловидба низ теснецот, како и нови механизми за надзор.

— реклама —

Дополнително, Иранска револуционерна гарда најави воспоставување нова рута за бродови поблиску до иранскиот брег, што укажува на обид за уште посилна контрола врз еден од најважните енергетски коридори во светот.

Пораката од Техеран е директна: доколку има закани кон иранските интереси или кон пловидбата, одговорот ќе биде реципрочен – што дополнително ја зголемува тензијата во регионот и неизвесноста за глобалната трговија.