Во текот на изминатото деноноќие, полициски службеници на повеќе локации низ државата лишиле од слобода осум лица кај кои била пронајдена дрога, соопшти Министерството за внатрешни работи.
Во Струмица бил уапсен 23-годишен жител на градот кај кого била пронајдена марихуана, а при претрес во неговиот дом подоцна биле откриени уште две пакувања со истата наркотична супстанција.
Во тетовското село Боговиње, пред угостителски објект, полицијата привела две лица на возраст од 38 години поради сомнение за неовластено производство и пуштање во промет на наркотични дроги.
Во Прилеп бил лишен од слобода 30-годишен прилепчанец кај кого била пронајдена марихуана.
Пет лица биле приведени и на подрачјето на Скопје. На Бит Пазар кај 30-годишен скопјанец била пронајдена бела грутчеста материја, во Гази Баба кај 28-годишно лице била откриена марихуана, додека во Центар кај 24-годишник била пронајдена прашкаста материја. Во општина Аеродром бил приведен 24-годишен државјанин на Турција кај кого исто така била пронајдена марихуана.
Од МВР информираат дека по целосното документирање на случаите против сите лица ќе бидат поднесени соодветни пријави.
