Случајот со жената која, според пријавата во полиција, била физички нападната од маж додека се превезувала во такси возило низ Скопје, предизвика бројни реакции на социјалните мрежи. Особена реакција има поради обидот да се спречи насилството од страна на девојка која сведочела на малтретирањето.
Меѓу нив е и реакцијата на активистката која пишува под псевдонимот Ина Многуфина, која остро ги критикува општествените ставови што, според неа, придонесуваат за толерирање на семејното насилство.
„Ова се тие луѓе што имотот го оставаат на синот пошо ќерката ќе се мажела па таму и е местото, ова се истите што не ја примаат дома ако се разведе пошо срамота од комшиите, овие се истите што коментираат сама си го барала, ова се истите што навидум нигде не се мешаат, а сегде се мешаат“, напиша таа.
Во објавата додава дека проблемот не е само во насилството, туку и во рамнодушноста кон него.
„Ова се луѓето кои не знаат дека немање емпатија е симптом на нарушено ментално здравје. И некој живее со овие луѓе со застој во цивилизација“, наведува Ина Многуфина.
Претходно, МВР за „Скопје1“ потврди дека бил пријавен случај во кој машко лице вербално и физички нападнало жена додека се превезувале со такси возило на подрачјето на Скопје. Од полицијата информираа дека преземаат мерки за пронаоѓање на лицата и расчистување на случајот.
(Фото) Жена тепана и давена среде Скопје, на млада девојка која реагирала и рекле „Маж ѝ е, што сака нека ѝ прави, не се мешај“
Скопјанката Александра преку социјалните мрежи сподели вознемирувачко сведоштво за случај на насилство врз жена што, според неа, се случил среде бел ден во Скопје.Таа наведува дека насилник брутално ја тепал и давел жената, а нејзината ќерка се обидела да интервенира и да ѝ помогне.„Мојата ќерка се обидела да ѝ помогне на жената и го замолила да престане да ја малтретира. Со него имало уште еден маж, кој ѝ рекол: ‘Не се мешај, маж ѝ е, што сака нека ѝ прави’“, напиша Александра.Според нејзината објава, ќерката возвратила дека ниту еден сопруг нема право да ја тепа својата сопруга, по што насилникот почнал да ѝ се заканува и нејзе.„Најстрашно е што никој од мажите кои поминувале не се осмелил да ѝ помогне на жената“, додава таа.Од Министерството за внатрешни работи за „Скопје1“ потврдуваат дека случајот е пријавен.„Денеска околу 11:30 часот во СВР Скопје од страна на лице од Велес, такси возач, пријавено е дека додека превезувал две лица на подрачјето на Скопје, машкото лице вербално и физички ја нападнало жената, најверојатно негова сопруга“, велат од МВР.Од полицијата додаваат дека се преземаат мерки и активности за пронаоѓање на лицата и целосно расчистување на случајот.
Скопје | пред 11 час
