АНТИКОРУПЦИСКА

Пет кандидати во трка за член на ДКСК по оставката на Ристовска

Петмина кандидати влегуваат во трката за едно слободно место во Државната комисија за спречување на корупцијата, откако досегашната членка Цвета Ристовска поднесе оставка поради предмети поврзани со судир на интереси. Интервјуата со кандидатите се закажани за утре во Собранието, а изборот ќе се врши преку процес што вклучува претставници од невладиниот сектор и народниот правобранител.За позицијата конкурираат Борче Стојановски, Милка Муратовска, Владимир Клековски, Марија Катралова Китанов и Антонија Андонова Тасевски. Дел од кандидатите имаат имиња што се совпаѓаат со лица евидентирани како донатори на владејачката партија ВМРО-ДПМНЕ, според податоци од Државниот завод за ревизија од изборните циклуси во 2014 и 2017 година.Антонија Андонова Тасевски, која е вработена во Комисијата, се појавува на листата на донатори од 2017 година со донација од 25.000 денари. Борче Стојановски, исто така дел од институцијата, има име и презиме што фигурира на донаторската листа од 2014 година, но во неговиот случај станува збор за период подолг од една деценија, што не претставува пречка според важечките критериуми.Меѓу останатите кандидати, Владимир Клековски е адвокат и брат на директорот на Фондот за здравствено осигурување, а воедно е и член на извршниот комитет на ВМРО-ДПМНЕ. Милка Муратовска работи како советник кај Народниот правобранител, додека Марија Катралова Китанов е раководител во Националната агенција за европски образовни програми и мобилност.Изборот ќе се врши врз основа на систем на бодување, а комисијата за селекција е составена од претставници на невладини организации и пратеници од повеќе политички партии, меѓу кои ВМРО-ДПМНЕ, ВЛЕН, СДСМ и ДУИ.

Македонија | пред 1 седмица

Антикорупционерите со постапки за 234 советници од општините поради непријавен имот

Државната комисија за спречување на корупцијата донесе едногласна одлука за поведување постапки против 234 советници од 61 општина низ државата кои не поднеле изјави за имотна состојба и интереси во законскиот рок.Како што образложи претседателот на Комисијата, Адем Чучуљ, анализата на електронската евиденција покажала дека околу една петтина од советниците во општинските совети не ја доставиле задолжителната изјава, што претставува прекршување на одредбите од Законот за спречување на корупцијата и судирот на интереси.Тој додаде дека во оваа бројка не се вклучени советниците од Општина Куманово, за кои, како што посочи, претходно е утврдено непочитување на обврската и за кои веќе се изречени соодветни прекршочни налози.Антикорупционерите најавија дека ќе се постапува поединечно за секој предмет, а за оние кои нема да ја платат глобата во рок од осум дена, ќе бидат иницирани прекршочни постапки пред надлежната комисија.Имињата на сите советници кои го прекршиле законот ќе бидат јавно објавени на веб-страницата на ДКСК веднаш по започнувањето на процесите.

Македонија | пред 3 седмици

Антикорупциска на некоја од наредните седници ќе испита дали има судир на интереси кај Томовски

Антикорупциската комисија на некоја од следните седници ќе донесе одлука за евентуален судир на интереси кај директорот на СОЗР – Ивица Томовски. Опозициската СДСМ обвинуваше дека 160 тендери добила фирма блиска на наводно блиско лице на директорот на владината служба, најави претседателот на ДКСК, Адем Чучуљ.Денеска и од СДСМ реагираа дека како што велат 92 дена откако го иницирале предметот за Томовски но и другите поврзани со различни тендери ДКСК се уште не се изјаснила а велат молчат и другите институции пред кои тие поднеле и доставиле докази за коруптивните скандали и судир на интереси .Предметот кој го отвори антикорупциска по иницијатива на СДСМ а во врска со директорот на СОЗР Ивица Томовски треба да покаже дали имало судир на интереси но и дали има или не поврзаност со компанијата Сити аутсорсинг . Томовски пак уште тогаш најави тужба против СДСМ поради јавно изнесување пред јавноста на неговиот телефонски број од партиската говорница .

Македонија | пред 4 седмици

Софија Спасова-Медарска избрана за заменик-претседател на ДКСК

ДКСК денеска на 27-та седница го усвои посебниот извештај за утврдените состојби во финансирањето на изборна кампања за избор на градоначалници и советници во општините во Р. Македонија 2025 година, со препорака дека за идните изборни процеси е потребно унифицирање на стандардите за евиденција и јавните правила во однос на учесниците, како и врската за банкарски податоци, а се отвора и прашање за дигитализирање на процесите на креирање на финансиските извештаи, со цел да се овозможи одговорно, отчетно и транспарентно водење на процесот.Претседателот на ДКСК, Адем Чучуљ сумирајќи ги наодите во Извештајот посочи дека иако постојат основни механизми за финансиско известување и јавна отчетност нивната ефикасност не е доволна поради правилата, кои се дизајнирани, особено во однос на локалните избори, кои се одржуваат во два круга, со голем број на учесници. Тој посочи дека овие слабости во значаен дел се повторуваат и во претходните изборни циклкуси и посочи дека се потребни законски измени за усвојување на подобри решенија.Чучуљ истакна дека моделот на финансирање останува доминантно зависен од јавните средства, како и од внатрешно партиски извори на учесниците. Проверливоста на финансирањето е ограничена, како што рече Чучуљ, поради системски пропусти.ДКСК формирала 43 предмети по поднесени пријави, како и по сопствена иницијатива, кои се однесуваат на прекршување на Изборниот законик и на Законот за спречување на корупцијата и судирот на интереси, за 38 предмети е донесена одлука, а за пет случаи постапувањето е во тек.На денешната седница Софија Спасова-Медарска беше избрана за заменик-претседател на ДКСК, во следните шест месеци.

Македонија | пред 1 месец