БОЈМАЦАЛИЕВ

Бојмацалиев: Вечна слава на загинатите припадници на македонската полиција во Диво Насеље

Денеска, (09.05.2024) дополнителниот заменик министер за внатрешни работи Митко Бојмацалиев, предводеше делегација составена од директорот на БЈБ, Сашо Тасевски и државната секретарка Магдалена Несторовска, заедно со претставници од единиците при Оддел за специјални полициски операции, како и раководството на СВР Куманово, при што положија цвеќе пред спомен обележјето пред СВР Куманово, по повод 9 години од вооружениот судир помеѓу македонската полиција и терористичка групација во кумановско Диво Насеље. Бојмацалиев на социјалните мрежи напиша:„Утрото на 9 мај 2015 година ние кумановци се разбудивме со звуци од бомби, пукотници и растревожени лелеци од сограѓаните…Диво насеље гореше, и за брзо се прошири веста за загинатите колеги, припадници на македонската полиција, во вооружен судир со терористичка групација.Најскапоценото, својот живот во одбрана на Македонија, го дадоа припадниците на специјалните единици на македонската полиција.Со длабока почит предводев делегација од МВР, составена од директорот на БЈБ, Сашо Тасевски и државната секретарка Магдалена Несторовска, заедно со претставници од единиците при Оддел за специјални полициски операции, како и раководството на СВР Куманово, положивме цвеќе пред спомен обележјето пред СВР Куманово.Жарко КузмановскиНенад СерафимовскиСашо СамојловскиБобан ИвановиќГоран ИлијевскиИсамедин ОсманиЉубиша АранѓеловиќГоран СтојменовиќНека им е вечна слава! Никогаш да не се заборави!”, напиша Бојмацалиев на социјалните мрежи.

Македонија | пред 1 година

Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера

Денеска на заедничка прес конференција министерот за внатрешни работи Панче Тошковски, дополнитениот заменик министер Митко Бојмацалиев во присуство на директорот на Бирото за јавна безбедност Сашо Тасевски и помошник министерот за односи со јавност Тони Ангеловски, оценија дека денешниот изборен ден во кој граѓаните гласаа за избор на Претседател на државата помина во мирна, безбедна и демократска атмосфера, онака како што доликува на демократска земја која се стреми да биде дел од современиот западен свет.Во прилог интегралните изјави од министерот Тошковски и дополнителниот заменик министер Бојмацалиев.Министер за внатрешни работи Панче Тошковски изјава:Почитувани граѓани, почитувани претставници на медиумите.Најпрвин, со задоволство сакам да констатирам дека денешниот изборен ден во кој граѓаните гласаа за избор на Претседател на државата помина во безбедна, мирна и демократска атмосфера, онака како што доликува на демократска земја која се стреми да биде дел од современиот западен свет.Без сомневање, мирните и безбедни избори се резултат на добрата соработка помеѓу полицијата, државната изборна комисија и сите други чинители кои беа вклучени во спроведувањето на овој изборен процес кој помина без пречки и поголеми инциденти. Во тој контекст сакам да изразам благодарност до полициските службеници кои со својата посветеност и професионализам придонесоа за одржување на безбедноста на избирачките места и соодветно постапуваа онаму каде што беа евидентирани изборни нерегуларности.Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на поинклузивно општество.Имајќи ги предвид информациите кои ги добив од надлежните аналитички служби во МВР, во текот на денешниот ден евидентирани се повеќе настани кои се однесуваат на фотографирање на гласачко ливче, пријави за агитирање на гласачко место и други незначителни нерегуларности, но не се евидентирани посериозни инциденти насочени кон нарушување на регуларноста на изборниот процес.Во таа насока би сакал да ја информирам јавноста дека во текот на денешниот ден:- На ниво на целата држава евидентирани се 12 случаи на фотографирање на гласачко ливче- 2 случаи на кинење на гласачкото ливче- 6 пријави за нудење поткуп- 15 пријави за агитирање- на подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор.- Врз основа на претходно поднесени пријави, од страна на МВР констатирани се 6 прекршоци по чл.190 од Изборниот Законик, а ќе бидат поднесени и 2 кривични пријави, една за кривично дело “Повреда на тајноста на гласањето“ по член 163 од КЗ и една за „Повреда на избирачко право“ предвидено и казниво согласно член 159 од КЗ.- на подрачје на СВР Охрид пријавено е јавно гласање пред Комисијата и на подрачје на СВР Тетово пријавен е настан за упатени навреди кон шеф на штаб на политичка партија.- На подрачје на СВР Куманово гласачките места 1100 во с.Умин Дол и 1075 во СОУ Гимназија „Гоце Делчев“ беа затворени, а избирачкиот материјал е вратен до канцеларијата на ОИК.- На подрачје на СВР Струмица, лице при гласање на набљудувач го покажало гласачкото ливче.На крај, дозволете ми уште еднаш да изразам благодарност до сите чинители кои придонесоа денеска да имаме успешни, безбедни, мирни и демократски избори на кои граѓаните слободно го остварија своето право на глас.Дополнителен заменик министер за внатрешни работи Митко Бојмацалиев изјава:Почитувани граѓани,Почитувани претставници на медиумите,Дозволете ми на почетокот да изразам задоволство од тоа како помина денешниот изборен ден, од првиот круг на Претседателските избори 2024 година – во мирна, фер и демократска атмосфера. Во оваа прилика упатувам искрени честитки до сите граѓани кои и овој пат ја искажаа својата слободната волја на избор и гласање по сопствено убедување, почитувајќи ја демократијата и демократскиот изборен процес како дел од европските вредности кон кои секојдневно се стремиме.Денешниов изборен ден, граѓаните на дело го покажаа партнерскиот однос со македонската полиција, нешто на што активно работевме изминатиов период, сфаќајќи дека поддршката од секого е драгоцена кога имаме заедничка цел – фер и демократски изборен процес во кој ќе бидат зачувани законитоста, безбедноста, јавниот ред и мир.Во текот на денешниот ден не се регистрирани посериозни инциденти и поголеми нарушувања на изборниот процес и јавниот ред и мир во текот на првиот круг од гласањето, земајќи ги предвид досега пријавените случаи во МВР.Со задоволство можам да констатирам дека денеска Министерството за внатрешни работи, како еден од клучните носители за успешно спроведување на изборниот процес беше на висина на задачата во делот на надлежностите предвидени со Изборниот законик.МВР максимално подготвено одговори на предизвиците околу безбедноста на првиот круг од Претседателските избори 2024 година за што би сакал да упатам благодарност до сите припадници на полицијата за извршување на работните задачи на највисоко професионално ниво.Во оваа прилика би сакал да упатам посебна, лична благодарност до медиумите, до вас новинарите, за соработката и за квалитетот на односите што ги градевме изминатиов период, а кој се засноваше на веќе воспоставениот партнерски однос кој секојдневно го јакнеме.

Македонија | пред 1 година

Нема фотографија

Бојмацалиев од Оперативниот Штаб на МВР: МВР работи исклучиво по закон за фер, слободни и демократски избори

Денеска (24.04.2024) дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.

Македонија | пред 1 година

Нема фотографија

Бојмацалиев: Одделенијата за внатрешни работи во Кочани и Берово подготвени за претстојниот Изборен процес

Денеска (22.04.2024) дополнителниот заменик министер за внатрешни работи Митко Бојмацалиев, заедно со државната секретарка Магдалена Несторовска и директорот на Бирото за јавна безбедност, Сашо Тасевски остварија работна посета на подрачјето на СВР Штип, каде што имаа средба со раководството на Одделението за внатрешни работи Кочани, а ќе го посетат и Одделението за внатрешни работи Берово, со цел брифирање за постигнатите резултати и секојдневните работни активности, но и за евентуалните проблеми во рамки на работниот процес.Во однос на гарантирање на изборниот процес, Бојмацалиев рече:„На територија на СВР Штип материјалите се успешно распоредени по гласачките места, МВР ги обезбедува со пешадиски и мотопатроли. Досега немаме никакви индиции за нарушување на денот на гласањето”, констатираше Бојмацалиев. Притоа, тој ги сподели резултатите на оваа организциска единица.„На ниво на СВР Штип од вкупниот број на кривични дела, од познат и непознат сторител постигната е ефикасност во расветлувањето од 40%, додека процентот на расчистени кривични дела изнесува 71% . Во делот на општиот криминал бележи намалување од 11% . Кај кривичните дела од познат и непознат сторител бележиме намалување за 21%, со постигната ефикасност во расветлувањето од 37 %, додека расчистени се 64% од вкупно пријавените кривични дела”, рече Бојмацалиев.Во оваа прилика Бојмацалиев уште еднаш потсети дека по завршување на изборите ќе биде исплатена и бонус плата, која до 2017 година не се исплаќање, а од 2017 наваму редовно се исплаќа. Во однос на патот Штип-Кочани каде што има чести сообраќајни незгоди, со човечки жртви, беше констатирано дека не се прилагодува брзината на учесниците во сообраќајот, за што Бојмацалиев упати апел до граѓаните да ги почитуваат сообраќајните знаци, и со тоа да се заштита себеси и своите најблиски.

Македонија | пред 1 година

Бојмацалиев: Европски пристап и опрема во справување со миграцијата

Денеска, (19.04.2024) дополнителниот заменик министер за внатрешни работи Митко Бојмацалиев, заедно со директорот на БЈБ Сашо Тасевски и државната секретарка Магдалена Несторовска, по повод една година од операционализацијата на Договорот со ФРОНТЕКС, ги посетија наплатната станица Демир Капија, како и граничен камен 57/2 – место од висок ризик по однос на илегалната миграција и сите форми на прекуграничен криминал, каде што работат заеднички патроли составени од униформирани полициски службеници од МВР и припадници на ФРОНТЕКС, а со цел презентирање на европскиот пристап, односно заедничкото постапување при контрола на лица и возила на главните патни правци по однос на откривање на илегални мигранти и криумчарење на мигранти и презентирање на опремата за контрола.Воедно, во с.Дрен ги посетија патролните тимови со четирицикли, како и патролен тим со термална камера, кои работат на откривање на илегални мигранти и криумчарење на мигранти во внатрешноста.„Во поглед на унапредување на граничното управување она што ја обележа изминатата година беше ратификацијата и операционализацијата на Договорот помеѓу Република Северна Македонија и Европската Унија за оперативните активности спроведени од страна на Агенцијата за европска гранична и крајбрежна стража. Европската Унија на овој договор гледа како на конкретен чекор во зачувување на безбедноста на Унијата, бидејќи заштитата на македонските граници од мигрантските текови, нелегалната миграција и од прекуграничниот криминал значи заштита на границите на ЕУ. Со неговото влегување во сила се овозможи, на наше барање, да се распоредат полициски службеници на ФРОНТЕКС на критичните точки на границата, заедно со нашите полициските службеници, што придонесува кон зголемување на нивото на соработка, размена на искуства и знаење, како и можност да се користи целата опрема на Фронтекс.Денеска заеднички ги констатираме придобивките од потпишаниот договор и неговото значење за европски пристап при контрола на миграциските текови, обезбедувањето на надворешните граници на ЕУ и безбедноста на границите во регионот на Западен Балкан, во што и практично ќе имаме можност да видиме како тоа функционира на терен”, истакна Бојмацалиев при посетите.

Македонија | пред 1 година

Бојмацалиев: Една година ФРОНТЕКС - прв договор потпишан на македонски јазик со ЕУ

Денеска (19.04.2024) дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност, Сашо Тасевски и државната секретарка, Магдалена Несторовска, остварија работна средба со раководството на Регионалниот центар за гранични работи ЈУГ, по повод одбележување на една година од почетокот на мисијата на ФРОНТЕКС во Република Северна Македонија, а со цел промоција на соработката помеѓу претставниците на ФРОНТЕКС во локалниот координативен центар и одговорните старешини од РЦ за ГР ЈУГ, како и промовирање на европскиот пристап на координирање на сите заеднички активности и справување со предизвиците.„Одбележуваме една година од работата на макеоднската полиција заедно со ФРОНТЕКС, со целд а ги одбраниме нашит еи границите на ЕУ од прилив на мигранти. Тоа успешно го правиме од 2015 до денеска. Договорот е од историска важност, тогашниот министер Оливер Спасовски ја имаше честа да го потпише со Европската Унија, и ја отвори вратата за поинтензивна оперативна соработка заснована на доверба и меѓусебно почитување”, истана Бојмацалиев во изјава за медиумите, заблагодарувајќи се до Тасевски и Несторовска за напорите кои ги направија Договорот да биде на македонски јазик и успешно да функционира во нашата држава.„Со тоа уште еднаш покажуваме дека македонската полиција е рамо до рамо со европските полиции, заедно работиме, и од пред некое време имаме барање од други полиции да вршиме обуки на нивните службеници како се справување со миграцијата. Од земја која бараше помош од другите држави за справување со миграција, сега нудиме помош”, рече Бојмацалиев

Македонија | пред 1 година

Бојмацалиев од Пробиштип: Годинава бонус плата во МВР од 36.000 денари

Денеска, (17.04.2024), дополнителниот заменик министер за внатрешни работи Митко Бојмацалиев беше во работна посета на подрачјето на СВР Куманово и СВР Штип каде што оствари работни средби со раководствата на Полициското одделение Старо Нагоричане, Одделенијата за внатрешни работи во Кратово и Пробиштип, во рамки на серијата посети со цел увид во постигнатите резултати и секојдневните работни активности, но и во евентуалните проблеми во рамки на работниот процес.„Заклучокот од сите состаноци беше дека безбедносната состојба е поволна и стабилна. Штабовите за претседателските и парламентарните избори функционираат, прибираат информации, со цел фер, слободни и деморкатски избори, како што беа од 2017 година навака, а така ќе бид еи овие избори ќе го дадеме максимумот од МВР.„Во делот на реконструирани објекти на територијата на СВР Куманово, 100% сите полициски објекти во овој реон се реконструирани а меѓу нив се и: полициската станица Кратово со 3.800.000 денари, полициското одделение Старо Нагоричане со 3.460.000 денари и Полициското одделение Ранковце со 1.400.000 денари, средства издвоени од буџетот на МВР, а при изведбата беа имплементирани и мерки за поголема енергетска ефикасност на објектот, а со тоа и поголеми заштеди како и заштита на животната средина”, истакна Бојмацалиев во изјава за медиумите. Притоа, тој потсети дека и на територија на СВР Штип во период од шест години се реконструирани осум објекти.„Во делот на реконструирани објекти на територијата на СВР Штип изминативе шест години беа реконструирани осум објекти меѓу кои и објектот каде што бевме денеска во посета ОВР Пробиштип (четири милиони денари) ,ОВР Свети Николе, ПС за БПС Штип, ПК Македонска Каменица, ОВР Кочани, ОВР Виница, ОВР Берово и ОВР Делчево за што од буџетот на МВР беа издвоени вкупно над 90 милиони денари. Само еден објект на подрачје на СВР Штип не е реконструиран, за што се обврзуваме во наредниот период да го реконструираме, со што и тука ќе дојдеме до 100% опфатеност на подобрување на условите за работа”, рече Бојмацалиев, со уверување дека подобрените работни услови на колегите од СВР Куманово и СВР Штип, по цели 50-60 години, ќе бидат мотив и понатаму да продолжат со несмален интензитет во полициското работење, а со цел одржување на поволна безбедносна состојба и гарантирање на фер и демократски Изборен процес што ни претстои наредниов период.Воедно, Бојмацалиев информираше дека колегите ги информирал дека бонус платата од 36.000 денари за 2023 година ќе биде исплатена на вработените во МВР кои ги исполнуваат условите по завршување на техничката Влада, согласно позитивните законски прописи. Тој додаде дека до 2017 година не беа исплаќани бонус платите, од 2017 година до денеска сите бонус плати се исплаќаат редовно, така ќе продолжи и во наредниот период.

Македонија | пред 1 година

Бојмацалиев: 2017-2024 приведени над 7.000 лица од страна на Секторот за меѓународна полициска соработка

Денеска, (16.04.2024) дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски остварија работна посета на Секторот за меѓународна полициска соработка (СМПС) во кругот на МВР, во рамки на посетите на организициските единици на БЈБ и МВР, со цел увид во досега постигнатото и мапирање на идните активности. Притоа, тие остварија средба со раководството на Секторот за меѓународна полициска соработка, со началниците на Одделението за ЕВРОПОЛ, Одделението за ИНТЕРПОЛ и Одделението за потраги. Улогата на оваа организациска единица е да врши меѓународна координација на органите за спроведување на законот кои се надлежни за откривање и гонење на сторители на кривични дела, а кои се во полето на меѓународната полициска соработка.Од страна на раководството на СМПС, Бојмацалиев и Тасевски беа брифирани за резултатите од 2017 до 2024 година, односно за приведени над 7.000 лица по централни потерници и расписи.Во оваа прилика Бојмацалиев ја потенцираше успешната организација на 50. Европска регионална конференција на ИНТЕРПОЛ, на која Република Северна Македонија минатата година беше домаќин во Охрид, што се совпадна со одбележувањето на 30-годишнинатата од нашето членство во најголемата полициска организација во светот и 100 години постоење на ИНТЕРПОЛ. Република Северна Македонија бележи три децении кредибилно партнерство на ИНТЕРПОЛ со учеството во бројни операции на организацијата, како и силна поддршка за развој, поврзување и усогласување на националниот форензички систем со системите на ИНТЕРПОЛ. На средбата Бојмацалиев и Тасевски беа информирани за успешната модернизација на комуникацискиот систем на Националното централно биро на ИНТЕРПОЛ.Во однос на ЕВРОПОЛ, Европската Агенција за спроведување на законот, бележиме одлична соработка во повеќе области од заеднички интерес, како што се спречувањето на недозволена трговија со дрога, шверц со оружје борбата против илегална миграција, борба против корупција, како и сајбер безбедност како форма на современ безбедносен предизвик. Северна Македонија и Министерството за внатрешни работи се сериозен партнер во борбата против криминалот, а нашата држава е прва земја потписничка на Договорот за оперативна и стратешка соработка со ЕВРОПОЛ. На средбата Бојмацалиев и Тасевски беа информирани за значителното зголемување од 45% на отворени предмети на ова одделение, како и за поврзаноста со SIENNA комуникациската алатка за која нашите вработени се обучени и можат да вршат обуки.На крајот од средбата Бојмацалиев и Тасевски изразија благодарност до раководството на Секторот за меѓународна полициска соработка при БЈБ, при што посакаа уште многу успеси во полициското работење кое е во нивна надлежност.

Македонија | пред 1 година

Бојмацалиев: Инвестиравме над 90 милиони денари во подобри услови на осум објекти на подрачјето на СВР Штип

Денеска (15.04.2024) дополнителниот заменик министер за внатрешни работи Митко Бојмацалиев заедно со директорот на Бирото за јавна безбедност, Сашо Тасевски, остварија работни средби со раководствата на СВР Штип и ОВР Свети Николе, во рамки на серијата посети на секторите за внатрешни работи низ државата, со цел увид во сработеното во првото тримесечје на 2024 година. Притоа, Бојмацалиев ги посети управните служби, а беше презентирана и опремата во делот на безбедноста во сообраќајот.„Бев брифиран на средбите дека безбедносната состојба на ова подрачје е стабилна и поволна. Од вкупниот број на кривични дела, од познат и непознат сторител постигната е ефикасност во расветлувањето од 40%, додека процентот на расчистени кривични дела изнесува 71% . Во делот на општиот криминал бележи намалување од 11% . Кај кривичните дела од познат и непознат сторител бележиме намалување за 21%, со постигната ефикасност во расветлувањето од 37 %, додека расчистени се 64% од вкупно пријавените кривични дела. Кај кривични дела од областа на економски криминал бележиме зголемување од 67% , за кои се поднесени 20 кривични пријави против 43 сторители. Во делот на недозволена трговија во текот на првото тримесечје 2024 евидентирани се 33 кривични дела, за кои се поднесени 29 кривични пријави против 30 сторители. Од преземените мерки од областа на недозволена трговија со дрога од страна на СВР Штип во првото тримесечје 2024 година во рамки на ОА„Хидра“ поднесени се 12 кривични пријави за сторени 14 кривични дела , против 13 лица, лишени се од слобода 23 лица, извршен е претрес на 24 локации, при што на пет локации е пронајдена дрога”, информираше Бојмацалиев. Притоа, тој потенцираше дека се подобрени работните услови на полициските објекти на подрачјето на СВР Штип.„Во делот на реконструирани објекти на територијата на СВР Штип изминативе шест години беа реконструирани осум објекти меѓу кои и објектот каде што бевме денеска во посета ОВР Свети Николе, ОВР Пробиштип, ПС за БПС Штип, ПК Македонска Каменица, ОВР Кочани, ОВР Виница, ОВР Берово и ОВР Делчево за што од буџетот на МВР беа издвоени над 90 милиони денари, а при изведбата беа имплементирани мерки за поголема енергетска ефикасност на сите објекти, а со тоа обезбедена поголема заштеда на енергија и заштита на животната средина”, рече Бојмацалиев, со уверување дека колегите од СВР Штип ќе продолжат со несмален интензитет во полициското работење, а со цел одржување на поволна безбедносна состојба и гарантирање на фер и демократски Изборен процес што ни претстои наредниов период.

Македонија | пред 1 година

Бојмацалиев: Реконструирани сите полициски објекти на територија на СВР Куманово, во ОВР Крива Паланка вложени над девет милиони денари

Денеска (12.04.2024) дополнителниот заменик министер за внатрешни работи Митко Бојмацалиев заедно со директорот на Бирото за јавна безбедност, Сашо Тасевски, оствари работна посета на Крива Паланка каде што остварија работна средба со раководствата на Одделението за внатрешни работи Крива Паланка при СВР Куманово, а ќе ја посетат и Полициската станица за гранични проверки и граничен надзор „Деве Баир” при Регионален Центар Исток, како би се запознале одблиску со постигнатите резултати и секојдневните работни активности, но и со евентуалните проблеми во рамки на работниот процес.„Од страна на раководството на ОВР Крива Паланка бев брифиран за постигнатите резултати на оваа организациска единица изминативе три месеци од оваа година a безбедносната состојба ja оценивме поволна на задоволително ниво. Забележителна е ефикасноста од над 70% во реализација на кривично правни настани по приватна тужба и по службена должност за период 2023 година и 2024 година прво тримесечје”, истакна Бојмацалиев во изјава за медиумите. Притоа, тој потенцираше дека на територијата на СВР Куманово сите полициски објекти се реконструирани.„Во 2021 година беше направена комплетна реконструкција и санација на целиот објект на ОВР Крива Паланка за само два месеци, за сума од над 9.000.000 денари средства издвоени од буџетот на МВР, а при изведбата беа имплементирани мерки за поголема енергетска ефикасност на објектот, а со тоа и поголеми заштеди како и заштита на животната средина. Сите полициски објекти во овој реон се реконструирани со вкупен влог од 65 милиони денари со што уште еднаш докажавме дека задоволна и опремена полиција носи високи резултати и ја гарантира безбедноста на граѓаните и државата”, рече Бојмацалиев.Воедно, Бојмацалиев потенцираше дека и во Крива Паланка оперативниот штаб на МВР за спроведување на изборниот процес функционира редовно, подготвени за гарантирање на безбедноста во насока на фер, слободни и демократски избори.

Македонија | пред 1 година

Бојмацалиев: Обезбедени финансии за бонус плата која ќе ја исплатиме по изборите

Денеска, (04.04.2024) дополнителниот заменик министер за внатрешни работи Митко Бојмацалиев оствари работна посета на СВР Велес, каде што оствари средба со раководството на оваа организациска единица, а ќе го посети и Полициското одделение Чашка, во рамки на серијата посети во сите сектори ширум земјава како би се запознале одблиску со постигнатите резултати и секојдневните работни активности, но и со евентуалните проблеми во рамки на работниот процес.„Од страна на раководството на СВР Велес бев брифиран за постигнатите резултати на оваа организациска единица изминативе три месеци од оваа година ја оценивме безбедносната состојба поволна. За одбележување е намалување за 40% на нарушување на Јавен ред и мир, за првото тримесечје од 2024 година. Локалните штабови за организирање на фер, слободни и демократски избори функционираат”, истакна Бојмацалиев по брифингот со СВР Велес, додавајќи дека за добрите резултати придонесе подобрувањето на работните услови на вработените, односно реконструкциите на објектите на СВР Велес, Чашка и Кавадарци.Во оваа прилика Бојмацалиев информираше дека финансиите за бонус плата се обезбедени, но не е исплатена заради распишаните избори, а по завршување на техничката влада ќе започне процедурата за прибирање на податоци и исплатата на бонус плата, која до 2017 не беше исплаќана, а од 2017 наваму се исплаќа.Воедно, Бојмацалиев рече дека го слушаат гласот на вработените, така што иницијативата од Македонски полициски синдикат од ноември 2023 година привршува формирана е работна група, за колегите кои се на ноќна смена да добиваат паричен надоместок наместо храна.Бојмацалиев го изрази своето уверување дека колегите од СВР Велес ќе продолжат со несмален интензитет во полициското работење, а со цел одржување на поволна безбедносна состојба и гарантирање на фер и демократски Изборен процес што ни претстои наредниов период.

Македонија | пред 1 година

Бојмацалиев на терен на ГП Делчево: Со специјални возила со термални камери и уреди ја гарантираме граничната безбедност

Денеска (01.04.2024) дополнителниот заменик министер за внатрешни работи Митко Бојмацалиев заедно со директорот на БЈБ Сашо Тасевски беше на терен на македонско-бугарската граница, при што оствари работна средба со раководствата на Регионалниот центар за гранични работи ИСТОК и Полициска станица за граничен премин и граничен надзор „Делчево” на која беше брифиран за активностите на Регионалниот Центар за Гранични работи - „Исток“ за Првото тримесечје од 2024 година.„Бев информиран дека имаме зголемување на протокот на патници за 11%. Притоа, имаме и намалување на криминалитетот на државна граница за 25%, намалување на бројот на откриените фалсификувани Патни исправи и други документи за 15,38%, што се должи на опремата за детектирање на лажни или фалсификувани исправи. Понатаму, имаме намалување на илегалните минувања на Државна граница (лица) за 24,32 %. Исто така, имаме зголемување на бројот на настани по оперативна активност Гора за 100 %, и зголемување на количината на запленети дрва за 41,4%”, истакна Бојмацалиев во изјава за медиумите.Бојмацалиев рече дека државната граница е безбедна и со дигитална опремав која вклучува специјални возила за надзор, како и уреди и камери за дневно и ноќно снимање, при што безбедноста е гарантирана.„Користиме Систем MSS ( Mobile Surveillance System ) донација од ЕУ, Мобилен систем за надзор 300.000 евра едно возило, 3.000.000 евра 10 возила со термални камери долг домет од 10км. Вакави возила имаме две во Богородица и по едно во Меџитлија, Дојран, Ново Село, РЦ ИСТОК во Делчево, РЦ ЗАПАД во Охрид, Стење, Блато, Сопот”, појасни Бојмацалиев, појаснувајќи дека возилата имаат термални камери и се следи секое движење, при што се праќа сигнал и се алармираат службите.„Воедно, сите станици имаат извидувачки камери што регистрираат движење и праќаат слика, по 4 по секоја станица со набавени СИМ картици за пренос на сликата од камерата до дежурниот и други адреси на кои е сетирана камератаНа Богородица имаме и стационарен центар за надзор на Вршник Бара опремен со радар, термална и дневна камера со долг домет од 10 км”, рече Бојмацалиев.Бојмацалиев додаде и дека се очекува и пристигнување на 8 дрона за надзор со што сериозно ќе се унапреди граничната безбедност.

Македонија | пред 1 година

Бојмацалиев: Пристигнуваат 400.000 обрасци за лични карти

Денеска (22.03.2024) дополнителниот заменик министер за внатрешни работи Митко Бојмацалиев заедно со директорот на Бирото за јавна безбедност Сашо Тасевски за време на посетата на ОВР Ресен ги посетија и реконструираните простории на управните служби на оваа организациска единица. Целосната реконструкција на ОВР Ресен е во вредност 12.800.000 денари.Бојмацалиев и Тасевски ги посетија вработените во реконструираните простории на управните служби во ОВР Ресен, каде што беше констатирана одличната работа во процесот на промена на личните документи на граѓаните.„Од вработените без информирани дека имаат одлични услови за работа. Нема поголеми гужви и се одвива тековно и во нормални услови.“, потенцираше Бојмацалиев.Бојмацалиев од Ресен ја информира македонската јавност дека денес пристигнуваат нови 400.000 обрасци за лични карти и дека процесите во тој дел се одвиваат тековно.Сепак Бојмацалиев сугерираше дека е информиран од Управните служби при МВР на ниво на државата, дека сепак сеуште од страна на кабинетот на министерот не е решен проблемот со одобрување на личните документи.„Бројката на неодбрени документи стига над 50.000 и во текот на денешниот ден ќе упатам и писмо за состанок заедно со раководството на управните служби и министерот Тошковски, да го надминеме овој проблем.“, потенцираше Бојмацалиев.

Македонија | пред 1 година

Бојмацалиев: Вложени 12.800.000 денари во европски работни услови во ОВР Ресен, постигната ефикасност од 44%

Денеска (22.03.2024) дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Саше Тасевски беше во работна посета на Ресен каде што оствари средби со раководствата на ОВР Ресен и полициските станици за граничен надзор „Маркова нога” и „Стење”, во рамки на серијата посети што ги реализираме во сите сектори ширум земјава како би се запознале одблиску со постигнатите резултати и секојдневните работни активности, но и со евентуалните проблеми во рамки на работниот процес.Бојмацалиев потенцираше дека со инвестирани 12.800.000 денари објектот на ОВР Ресен е дел од планот за квалитативно подобрување на условите за работа на полициските службеници, со што во континуитет докажуваме дека концептот задоволна полиција безбедни граѓани носи високи резултати.Од страна на раководството на ОВР Ресен Бојмацалиев и Тасевски беа брифирани за постигнатите резултати на оваа организациска единица при што истата беше оценета како поволна и без поголеми нарушувања на ЈРМ.„Од вкупниот број на регистрираните кривични дела во 2023 година, со непознат сторител пријавени се 25 односно 20%. Од делата пријавени со непознат сторител расветлени се 11 кривични дела со што е постигната ефикасност во расветлување од 44% на годишно ниво”, информираше Бојмацалиев, додавајќи дека во текот на извештајниот период е расветлено и едно дело од 2021 година.„Во текот на годината се работеше и по ОА ,,Гора,, така што извршени се вкупно 21 акциска и 46 контроли од редовно работење при што затекнати и одземени се вкупно околу 66,2 м3 огревно дрво за што се поднесени и 6 кривични пријави по член 235 ст.3 , одземените дрва со записник за предавање на предмети се предадени на надлежни институции”, рече Бојмацалиев.Бојмацалиев истакна дека како и во изминатите години интензивно се работеше и на превенција.„Основната цел на превентивното работење во текот на 2023 година беше насочено кон граѓаните, со интензивирање на активности за создавање на подобра комуникација, развивање на партнерство и размена на информации, се работеше согласно принципот „Соработка на полицијата со заедницата“.При тоа беа реализирани тековните проекти на МВР, кои се однесуваа на овој принцип на работа, „Полицијата и граѓаните - заедно“”, рече Бојмацалиев, изразувајќи го своето уверување дека колегите од ОВР Ресен ќе продолжат со несмален интензитет во полициското работење, а со цел одржување на поволна безбедносна состојба и гарантирање на фер и демократски Изборен процес што ни претстои наредниов период.

Македонија | пред 1 година

Бојмацалиев: Вложивме три милиони евра во специјални возила за надзор на границите

Денеска (21.03.2024) дополнителниот заменик министер за внатрешни работи Митко Бојмацалиев ја посети Полициската станица Граничен Премин Табановце, каде што оствари работна средба со раководствата на оваа организациска единица, како и со раководството на Регионалниот центар за гранични работи СЕВЕР, на коишто беше брифиран за резултатите во изминатите два месеца.„Во периодот јануари - февруари 2024 година протокот на патници на ГП Табановце изнесува 696.518 патници. Во наведениот период на ГП Табановце извршена е селективна контрола на вкупно 28.278 патници. Во овој период имаме 6 кривични дела и 59 прекршоци. Oткриени се вкупно 8 (7) фалсификувани документи. Во однос на истиот период лани се бележи тренд на зголемување на бројот на откриени документи за 14,9%. Исто така откриен е 1 случај на сомнение за фалсификувано возило. Во делот на илегална миграција во однос на истиот период лани се бележи тренд на зголемување на бројот на откриени илегални мигранти за 60%”, информираше Бојмацалиев во изјава за медиумите по брифингот.Во оваа прилика Бојмацалиев истакна дека изминативе години беше вложено многу во модернизацијата на средствата и работната опрема на полициските службеници.„Би сакал да го истакнам фактот дека обезбедивме 10 специјални возила за надзор, со термални камери со домет од 10км. Возилата се викаат MSS (mobile surveillance system) или Мобилен систем за надзор. Вкупната инвестиција за 10 возила изнесува 3 милиони евра”, рече Бојмацалиев, појаснувајќи дека секоја станица има извидувачка камера.„Сите станици имаат извидувачки камери што регистрираат движење и праќаат слика, по 4 во секоја станица со набавени сим картици за пренос на сликата од камерата до дежурниот и други адреси на кои е сетирана камерата”, рече Бојмацалиев, додавајќи дека годинава треба да добиеме и 8 дрона, по два за секој РЦ.Во оваа прилика Бојмацалиев беше информиран за успешноста на дигиталната алатка против корупцијата - боди камерите со кои изминативе денови беше снимен случај на поткуп од грузиски државјанин кон македонски полициски службеник на ГП Табановце.Бојмацалиев ги потенцираше и ФРОНТЕКС извештаите.„Воедно, извештаите на европската агенција за гранична и крајбрежна стража ФРОНТЕКС, како и другите релевантни организации, во своите извештаи за Северна Македонија бележат само високи резултати потврдувајќи го кредибилитетот на МВР на регионално и меѓународно ниво во борбата против илегалната миграција”, подвлече Бојмацалиев.

Македонија | пред 1 година